hósdagur 2. apríl 2009síða 29

FÓTBÓLTUR 2009 29 Hanus Eliasen er komin heimaftur til ÍF, aftaná tvey ár í Sundalagnum. Boðin er kortini ikki líka hart spentur í Fuglafirði, sum við Margáir Hanus Eliasen er komin heim í dupult um týdningi. Hann er komin aftur til ÍF, aftaná tvey kappingarár í EB/Streymi, og hann hevur verið á drúgvari og spennandi fjakkaraferð vestan hav. Úrtøkan hjá Hanusi í EB/Streymi gjørdist góð. Hann hev ur nú á tveimum sinnum roynt at verða steypavinnari, og í fjør vann hann FM-gull. – Eg hevði eina sera spennandi tíð í EB/Streymi. Í Streym nesi var tað bara meistaraheitið, sum taldi, og tað setti krøv til spæl arnar í hópinum. Vit høvdu ein sterk an hóp, og tað var ein spennandi tíð, greiðir Hanus frá. Royndirnir Hanus hevði frá tí fyrru tíðini í ÍF, var at stríðast fyri at sleppa undan niðurflyting, og var niðurflytingin í 2006 ein avgerandi orsøk til, at hann tá skifti felag. Hanus fekk eis ini roynt seg í UEFA Cup saman við EB/Streymi, og gjørdist talan um eina ógloym- andi uppliving, tá teir spældu ímóti Manchester City í fjør. Á fjakkaraferð Aftaná tvey hørð kappingarár við EB/Streymi, har nógv var lagt fyri, trongdi Hanus til at uppliva okkurt annað í lívinum. Liðið kom langt í steypakappingini, og skuldi spæla í Europa, og tí beyðst ikki høvi at fara út at ferðast. Saman við einum vinmanni fór Hanus á eina longri fjakkaraferð. Ferðin byrjaði í novemb er, við kapp- ingarlok, og vardi til februar. Hanus legði leiðina framvið Jamaika, Kuba, Kanada og Meksiko. Hann er sera fegin um at hava upplivað aðrar mentannir, og dregur hann Kuba fram, sum eina serliga, jaliga uppliving. Spennandi hópur Hanus hevur aftur bundið seg til barn dómsfelagið, har mamman hev ur verið álitisfólk í nøkur ártíggju. – Vit hava ein spennandi hóp í ár. ÍF kláraði at halda seg í deildini í fjør, og teir spældu ofta góðan fót- bólt, men vóru ikki nóg effektivir framm an fyri málið, og fingu teir tí ikki sigrarnir, sum høvdu hálað teir longri upp eftir stiga talvuni. Leiðsl an í ÍF meldaði út, at teir ætlaðu at satsa uppá fólkið, sum spældi í 2008, men at teir ætlaðu kortini at styrkja hópin við nøkrum spælarum. – Og eg havi so valt at verða partur av hesum hópinum, sigur Hanus. Enn hava teir í ÍF, tó til góðar at síggja, hvussu Rógvi Jacobsen fer at roynast í álop inum. Rógvi hevur ver ið skadd ur, og hevur sín fyrsta dyst til góðar. – Trupuleikin hjá ÍF er tann sami, sum hjá øðrum smáfeløgum. Byrj- annaruppstillingin er kanska sterk, men hópurin hevur ikki verið nóg breiður, og nóg sterkur. Í ár tykist tað, sum vit hava betri ráð til at leikbann og skaðar. Vit hava ein størri hóp, og tað er aðalmunurin, mett saman við onnur kappingár, eg havi spælt við ÍF, staðfestir Hanus. Betur enn í fjør Hini árini hevur málsetningurin hjá ÍF verið at halda sær í deildini. – Ein skal sjálvandi ikki gera sær ovur stórar vónir. ÍF var jú uppflytari í fjør, og hevði nógvar ungar spæl- arar, sum ikki høvdu so nógvar royndir í bestu deildini. Men at gera tað bet ur enn í fjør, tað fara vit sjálv sagt eftir. At rokkið Topp-5 hevði verið ideelt, sigur Hanus varisliga. Spurd ur um tað ikki hevði verið fantastiskt at rokkið einum euro- peiskum plássi, gerst Hanus enn meiri varin. – Tað hevði sjálvsagt verið fan- tastiskt, men vit mugu ikki gera málini so høg, at vit missa mótið. ÍF hevur enn einki kvinnukór, eins og EB/Streymur, men fjepparafelagið »Red Dragons« er komið á vøllin, og Han us vónar, at teir og hini við- halds fólkini hjá ÍF fáa nakað at fegnast um, nú tað í ár eru liðin júst 30 ár, síðani ÍF gjørdist Føroya- meist ari í bestu deildini. Heri Simonsen heris@sosialurin.fo Heima aftur í Fuglafirði Metingin Fuglfirðingar hava veruliga spílað seg út, soleiðis at hópurin á pappírinum er nógv styrktur. Megnar felagið at byggja víðari á góðu avrikini, sum til tíðir sóust í fjør, kunnu fuglfirðingar væl fara at arga tey stóru, hóast talan neyvan verður um stríð í heiðursmerkjarøðini Gull og heiður varð vunnið við Margáir, men Hanus Eliasen er nú aftur í Fuglafirði, har hann hevur sína fótbóltsuppaling Mynd: Álvur Haraldsen