hósdagur 14. mai 2009síða 24

24 vinnan Nr. 91 - 14. mai 2009 Í Vestmanna er nógv og fjølbroytt vinnulív. Feløg í bygdini eiga skip og bátar, nógvur fiskur verður virkaður á landi, og í bygdini eru eisini onnur vinnulig virki, sum eitt nú Vestpack, maskinverkstaður, bilaverkstaður og lutfalsliga stór ferða­ manna­og tænastu­ vinna Vestmanna Vilmund Jacobsen vilmund@sosialurin.fo Tølini, sum vísa skattainn­ tøkurnar hjá Vestmanna kommunu fyrstu fýra mán­ aðirnar í ár, benda ikki á, at bygdin er rakt av arbeiðs­ loysi. Tvørtur ímóti er líkt til, at vestmenningar sum heild hava nóg mikið at taka sær fyri. Borgarstjórin í Vestmanna kommunu, Karl A. Olsen, heldur ikki, at tey síggja nakað serligt til arbeiðsloysi í bygdini. ­ Eg skal ikki siga, at eg ikki havi hoyrt um onkran vestmenning, ið hevur arbeitt aðrastaðni, sum er vorðin arbeiðsleysur. Vit vita eisini, at virksemið hjá byggivinnuni er minkað, tó at timburmeistarar kortini framvegis hava nakað at gera, men eg haldi ikki, vit kunnu siga, at okkara bygd higartil er rakt av arbeiðs­ loysi. Koma til bygdar Borgarstjórin vísir á, at fleiri fólk koma úr øðrum bygdum til Vestmannar at arbeiða, eitt nú til fiskavirk­ ið hjá Faroe Seafood, sum vísir seg at hava nógv virk­ semi. ­ Haraftrat hevur tað altíð verið soleiðis, at nógvir avbygdarmenn eru við skip­ unum, sum eru heimahoyr­ andi her hjá okkum. Hann heldur tó ikki, at vestmenningar ganga arbeiðsleysir av hesi orsøk. ­ Nei, eg haldi, at tey allar flestu hava nóg mikið at taka sær fyri, og herfyri byrjaði Atlantis eisini at arbeiða gulllaks aftur. Hetta er vertíðararbeiði, sum er í gongd í summarhálvuni. Stór ferðavinna Karl A. Olsen vísir á, at umframt alt fólkið, sum starvast í fiski­og fram­ leiðsluvinnuni og øðrum vinnum við tilknýti til hesar, ganga vestmenningar eisini frammarlaga í ferðavinnu. ­ Ferðavinna hevur eisini nakað av tænastuvinnu við sær, og soleiðis hava vit eis­ ini støð á landi, sum veita útlendingum og føroyingum, sum dáma at ferðast, nøkur tilboð. Borgarstjórin leggur aftr­ at, at í Vestmanna er stórur skúli við framhaldsdeild, fiskivinnuskúli og arbeiðs­ pláss eru eisini á eldra­ sambýli og dagstovni. ­ Men, sum eg nevndi í áðni. Her er nógv virksemi til okkara egnu borgarar, umframt at stórt tal av fólki, sum býr aðrastaðni, eisini hevur sítt livibreyð í Vest­ manna, sigur Karl A. Olsen. Merkja lítið og einki til arbeiðsloysi ­ Vit arbeiða fram­ vegis við ætlanunum um at byggja eitt røktarheim á Grøna­ nesi, har vit leingi hava havt eitt økið til endamálið. Bygdar­ ráðið fer í næstum at taka støðu til, hvussu fram skal farast, sigur borgarstjórin í Vestmanna Vestmanna Vilmund Jacobsen vilmund@sosialurin.fo Tó at tíðirnar knappliga eru broyttar, hava vestmenning­ ar ikki slept ætlanunum um at byggja eitt røktarheim í bygdini. Kortini ætlar komm­ unan sær ikki at leypa fram av, nú vánirnar á ymiskan hátt eru øðrvísi, enn tær hava verið. ­ Vit eru millum tær bygdir og býir, sum hava fingið lovað stuðul til bygging av einum røktarheimi. Lógin er broytt, soleiðis at landskassin nú rindar 700.000 krónur av íløguni fyri hvørt búpláss. Áður var ískoyti úr landskass­ anum ein hálv miljón fyri hvørt búpláss. Karl A. Olsen, borgarstjóri í Vestmanna, vísir á, at heimið, sum vestmenningar hava fingið teknað, rúmar 24 fólkum. ­ Metti kostnaðurin hevur verið einar 50 miljónir krón­ ur, men soleiðis, sum tíðir­ nar eru í dag, og byggivinnan hugsandi er eitt sindur “svangari”, høvdu vit kanska fingið heimið upp fyri einar 40 miljónir krónur. Borgarstjórin vísir á, at sitandi bygdarráð fer at taka støðu til hetta mál einaferð í summar, og tá fer komm­ unustýrið eisini at viðgera og taka støðu til eina lang­ tíðar raðfesting av íløgum í kommununi. ­ Økið til eitt røktarheim er lagt av á Grønanesi, og har er faktiskt alt klárt. Koma vit til ta niðurstøðu, at heimið skal byggjast, og verkætlanin annars kann fíggjast, er so gott sum klárt at bjóða arbeiði út. Karl A. Olsen ásannar, at um kommunan fer undir hesa verkætlan, er hon so stór og kostnaðarmikil, at onkrar aðrar íløgur, sum liggja fyri framman, mugu strekkjast yvir eitt sindur longri tíðarskeið. ­ Tørvurin á einum røktar­ heimi minkar ikki, tó at vit hava eldrasambýli í bygdini. Vit bíða nú eftir, um pening­ urin gerst tøkur, og vit bíða eisini eftir, hvørjar uppgávur landið ætlar, at kommun­ urnar skulu átaka sær. Í triðja lagi vita vit heldur ikki við vissu, hvussu landsstýrið ætl­ ar, at kommunurnar skulu síggja út frameftir, sigur borg­ arstjórin í Vestmanna. Fara at taka støðu til røktarheim - Umframt alt fólkið, sum starvast í fiski-og framleiðsluvinnuni og øðrum vinnum við tilknýti til hesar, ganga vestmenningar eisini frammarlaga í eitt nú ferðavinnu, sigur borgarstjórin, Karl A. Olsen Ferðamenn smugla fisk Tollvaldið í Noregi hevur støðugt veksandi trupulleikar av stuttleikafisk­ imonnum, sum royna at sleppa av landinum við meiri fiski, enn reglurnar loyva. Millum annað hevur tollvaldið við svenska markið lagt hald á rættiliga nógvan fisk í seinastuni. Fiskeribladet skrivar, at tær báðar seinastu vikurnar hava tollararnir lagt hald á 651 kilo av skræðuleysum og beinleysum toskaflaki, sum svara til meiri enn tvey tons í rundari vekt. Tollvaldið sigur, at tað eru yvirhøvur týskir og estlendskir stuttleikafiskimenn, sum royna at sleppa av landinum við flakinum.