týsdagur 19. mai 2009síða 6

6 tíðindi Nr. 94 - 19. mai 2009 - Vit fara helst at leiga allan bygningin út við undantaki av einum stórum fundarhøli, sigur Jan Højgaard, formaður í Fiskimannafelagnum um nýggja bygningin hjá felagnum BYGGING Leo Poulsen leo@sosialurin.fo Bygningurin, har Karlsborg helt til, var so illa farin, at eigarin, sum er Fiskimanna­ felagið, gjørdi av at ríva hann niður og byggja nýggj­ an bygning í staðin fyri. Arbeiðið at byggja nýggj­ an bygning er farið í gongd, og ætlanin er at nýggi bygn­ ingurin skal verða í fýra hæddum. Tað vil so siga í somu hædd, sum restin av lonini, men væl hægri enn gamli bygningurin var. Jan Højgaard, formaður í Fiskimannafelagnum, sigur, at meginparturin av nýggja bygninginum verður leig­ aður út. ­ Avgjørt er, at tað verður ein kafe ella kafeteria á nið­ astu hædd. Henda er longu leigað út. Men helst verður eisini restin av nýggja bygninginum leigað út. Felagið hevur sum so nóg mikið av plássi, men vit kundu kanska brúkt eitt stórt fundarhøli við plássi til nógv fólk. Restin verður so leigað út, sigur Jan Høj­ gaard. Hann hevur ikki bygging­ ina um hendi sjálvur, men hann sigur, at ætlanin er at fáa arbeiðið frá hondini so skjótt sum tilber. Framman undan er Kafe Vágsbotn í økinum, og sum skilst er ætlanin hjá bátafe­ lagnum at byggja nýggjan bygning, og har hevur ljóð­ að, at niðasta hædd skal leigast út til eina írska pub. Hetta tykist eisini vera í tráð við ætlanina hjá býráð­ num at gera Vágsbotn til eitt hungaligt umráði við pubbum og kafeum. Nágreiniliga nær nýggi bygningurin hjá Fiskimanna­ felagnum skal standa liðug­ ur er ikki púra greitt, men element verða nú sett upp, og tað er skjótur máti at byggja upp á. Nýtt kafeteria í Vágsbotni Byrjað er at seta element upp, og greitt er, at niðasta hædd skal hýsa einum kafeteria Mynd: Jens Kristian Vang Fyrsta ferðamannaskipið 81 ferðamannaskip hava boðað frá, at tey ætla sær at vitja í Reykjavík í summar. og tað fyrsta kemur í morgin. Tað eitur Seven Seas Voyager og er 42.000 tons til støddar. Tey størstu skipini, sum koma til Reykjavíkar í summar, eru Crown Princess og Emerald Princess, sum eru 113.000 tons hvørt. Tað best kenna er harafturímóti Queen Victoria, sum er umleið 90.000 tons stórt. Morgunblaðið skrivar, at tey størstu skipini eru um 300 metrar long. Seinasta summar vitjaðu 83 ferðamannaskip í Reykjavík. Við teimum vóru 59.308 ferðafólk, og sambært Morgunblaðnum er ferðafólkatalið á leið tað sama í ár. Politikarar á ES-skeið Christel Schaldemose, sum umboðar teir donsku Sosialdemokratarnar í Evropatinginum, heldur, at danskir fólkatingspolitikarar vita alt ov lítið um ES og serliga um Evropatingið. Við kringvarpið DR sigur Christel Schaldemose, at fleiri fólkatingslimir vita ikki so frægt sum, hvussu nógv fólk eru í Evropatinginum, ella hvussu tingið arbeiðir. Tí hevur hon nú skotið upp, at tað skal verða álagt fólkatingslimum at fara á skeið um ES og Evropatingið. Sambært DR taka fleiri fólkatingslimir undir við hugskotinum. Tað skuldi verða so gott, men tað endaði ikki so væl, og nú hevur Tony Paris stevnt KÍ fyri sáttmálabrot og krevur meiri enn eina millión í mistari løn SÁTTMÁLABROT Leo Poulsen leo@sosialurin.fo Á fyrireikandi rættarfundi í dag skuldi dómarin taka støðu til eitt krav frá advo­ katinum hjá KÍ, Jógvan Elias Winther Poulsen, um at saksøkjarin, Tony Paris, setur peningaliga trygd fyri sakarmálskostnaðinum. Hetta er eitt krav, sum er vanligt at seta, tá saksøkjarin ikki býr í danska ríkinum, men tað er somuleiðis greitt, at hetta krav skal set­ ast fram á fyrsta rættarfundi, og tað varð tað ikki. Advokaturin hjá Tony Paris, Jens Wang, førdi eis­ ini hetta fram á fyrireikandi rættarfundinum í morgun, og dómarin gav honum rætt og avvísti kravið frá advo­ katinum hjá KÍ. Á rættarfundinum kom eisini fram, at Tony Paris er komin illa fyri av upp­ søgnini. Tá hann fekk fýra ára sáttmálan við KÍ segði hann øll størv frá sær í USA, men uppsøgnin í úr­ tíð hevur gjørt, at hann nú stendur uttan arbeiði. Tað hevur nevniliga ikki eydnast honum at fáa nýtt fulltíðar­ starv, og hann stendur nú við ongari sjúkratrygging, og tað er mest sum ein van­ lukka í USA. Uppsøgnin merkir eisini, at hansara CV nú hevur fingið ein álvarsligan blett, tí hann hevur ikki áður roynt at fingið eina upp­ søgn. So eisini fíggjarliga er Tony Paris illa fyri, og hann hevur tí gjørt av at stevna KÍ eftir írestandi løn fyri tíðarskeiðið, og tað kravið liggur oman fyri millión­ ina. Advokaturin hjá KÍ hevði annars kravt, at Tony Paris stillaði eina trygd á 100.000 krónur fyri sakarmálskostn­ aðin, men tað kravið varð sum nevnt avvíst av rætt­ inum. Advokaturin hjá Tony Paris fær nú tríggjar vikur at leggja síni krøv fram, og eftir tað fær advokaturin hjá KÍ væntandi ein mánað ella so at svara í, so veruliga rættarmálið verður neyvan tikið upp fyrr enn um smáar tveir mánaðir. Um so semja fæst í mál­ inum, ella tað verður upp til dómaran at gera av, ber ikki til at meta um. Men hugs­ andi er, at saksøkjarin fær viðhald, og so er spurning­ urin, hvussu pengakassin hjá KÍ fer at klára eina slíka uppgávu. Men fyribils sleppur Tony Paris so undan at stilla eina peningaliga trygd á 100.000 krónur. Paris stevnt KÍ fyri sáttmálabrot Tony Paris hevur ikki fingið nakað fulltíðarstarv síðani hann var uppsagdur sum venjari hjá KÍ