týsdagur 23. juni 2009síða 4

4 tíðindi Nr. 117 - 23. juni 2009 Millum tær 91 pis­ur­ nar, ið verða klaktar á Studentaskúlanum og HF-skeiðinum á Kambsdali í ár, er ein serliga ung pisa. Í morgun klokkan 11 fekk tann enn bert 17 ára gamla Anna Nygaard húgvuna á høvdið Próvtøka Rógvi Nybo Rogvi@sosialurin.fo – Eg eri liðug tit! Hetta er fyrsta veruliga reaktiónin, tá tann bert 17 ára gamla Anna Nygaard úr Saltangará klokkan 11 í morgun fekk studentahúgvuna setta á høvdið eftir nakrar sera ner­vøsar minuttir í bíði­ støðu, meðan lærarin og próvdómarin vigaðu Annu. Úti í gongini stóð ein heil rúgva av fólki, familja og kenningar úr Danmark og Føroyum klára at gratu­lera henni við nýásettu studenta­ húgvuni. Í samfull trý ár hevur Anna, saman við hinum floks- og skúlafelagunum, bart seg gjøgnum eina rúgvu av skúlatingum, nógv­ar frustratiónir, sitið langar nætur við uppgávum, veitslur og alt annað, ið hoyrir studentalívinum til. Men brátt er tað liðugt. Trý ár farin. Húgvan sett á høvd­ið. Pisan klakt. Ein seinasta próvtøka er yvirstaðin, og Anna Ny­ gaard rundaði studentatíð­ ina hjá sær av við einum flottum 9 tali í enskum, sum hon hevur havt á hægsta stigi. Hetta, saman við restini av próvtøku­úr­ slitunum, ið liggja frá 8 til 11, geva boð um eitt prógv av teimum heilt góðu, sum Anna hevur við sær í skjátt­ uni. Eitt fantastiskt upplivilsi Anna Nygaard man vera mill­um teir heilt fáu, um ikki tann einasti, ið megnar at vera liðug við student sum bert 17 ára gomul. Hetta kemst av, at hon í 1997 fór í skúla eitt ár ov tíð­liga, og av tí at hon eftir loknan 9.flokk fór beinleið­ is í studentaskúla. Hon fyll­ ir tann 1. august, og var sostatt júst fylt 6 ár, tá hon fór í 1. flokk, og var somu­ leiðis júst fylt 15 ár, tá hon byrjaði í 1.s á Kambsdali. Nú knøpp trý ár seinni kann hon kalla seg student upp á met stutta tíð. Hevur tað verið strævið? – Nei, tí eg haldi sjálv at eg var á sama støði fakliga og sálarliga sum øll hini, tá eg byrjaði. Tað hevði kanska verið ein trupulleiki, um eg ikki kundi fylgt við hinum, men tað hevur ikki verið nakar trupulleiki heldur. Eg havi sum so ongantíð følt meg yngri enn hini, leggur Anna Nygaard dent á. Sjálv sigur Anna, at skúla­tíðin hevur verið eitt fantastiskt upplivilsi, og at øll gongdin hevur verið við til at menna hana sum menn­iskja. – Hevði eg byrjað í skúla til tíðina, hevði lívið hjá mær kanska sæð heilt øðr­ vísi út í dag, sigur Anna við einum væl nøgdum brosi. Songfuglur burturav At verða liðug sum student­ ur upp á met stutta tíð, er ikki ein­asta bragdið, ið Anna hevur framt. Á sumri í fjør vann hon nevniliga kappingina sum Ársins Songrødd 2008. Síðan tá hevur hon havt úr at gera við at fáa endarnar at røkka saman. Men tá eg spyrji hana, um tónleikurin ikki hevur órógvað skúlan, svarar avgjørd, at tað hevur tað ikki. Hon greiðir frá, at hon sjálv hevur gjørt av, hvussu nógva tíð hon vildi nýta til sangin, og at hon hevur lagt sær tað soleiðis til rættis, at tað passaði saman. – Men har hava sjálvandi verið tíðir, har man hevur hugsað, at student var ikki neyðugt, tá man kundi kreera sær eina yrkisleið sum sangari ístaðin. Men eg eri sera væl nøgd við tær avgerðir, eg havi tikið higar­til, leggur songfuglurin Anna Nygaard dent á. Anna í ævintýrlandi Anna Nygaad gjørdist sum sagt Ársins Songrødd í 2008, og hevur síðani fing­ ist nógv við sangin. Eitt nú sang hon í fjør á Summar Festivalinum, og hevur hon eisini fleiri ferðir sungið á kaféum og líknandi. Tað var eitt satt ævintýr, Anna tá fór undir, og tað endar eftir øllum at døma ikki enn. Í summar skal hon aftur á pall, tá hon syngur Við Múrin, og í august mán­aði fer hon aftur í skúla. – Í august mánaði flyti eg til Keypmannahavnar, har eg skal byrja á sangskúlan­ um Complete Vocal Insti­ tute, ið vist nokk er tann sami, sum bæði Linda Andrews og Guðrun Sólja Jacobsen hava gingið á, sigur Anna spent. Um hetta, sum stendur fyri framman, sigur Anna, at hon er ser spent, og at hon gleðir seg til at prøva nakað nýtt. – Tað verður sum at byrja ein nýggjan kapittul av lív­ in­um, sigur Anna Nygaard, sum í morgun klokkan líka yvir 11 gjørdist tann yngsta pisan í landinum. Vrakaði Royal Greenland Royal Greenland, sum í síðstu viku fekk tilsøgn um 500 milliónir krónur úr grønlendska landskassanum, skyldar svenskum, týskum og bretskum bankum og 2,3 milliardir krónur. Danske Bank var ein av samstarvsbanmkunum hjá grønlendska felagnum, men fyri tveimum árum síðani segði bankin samstarvið upp, tí bankin var troyttur av teirri politisku uppíleggingini í felagið, skrivar Berlingske Business. Um tað mundið ætlaði leiðslan í felaqgnum at fáa privatar íleggjarar at seta pengar í Royal Greenland, men tað vildi tað táverandi Siumut-landsstýrið ikki og gav ístaðin leiðsluni sekkin. Tað fekk Danske Bank at ripa lokið á kassan, skrivar Berlingske Business. Danmark heimsmet í skatti Ein uppgerð hjá ES-nevndini vísir, at Danmark hevur tað størsta skattatrýstið í heiminum. Sambært uppgerðini er danska skattatrýstið 48,7 prosent, og í hølunum á Danmark kremur Svøríki við 48,3 prosentum. Danska kringvarpið sigur, at skattatrýstið í ES-londunum er sum heild størri enn aðrastaðni í heiminum, og tí er niðurstøðan, at Danmark hevur heimsins størsta skattatrýst. Hinvegin liggur Danmark miðskeiðis í yvirlitinum, tá talan er um partafelagsskatt. Tann danski er 25 prosent, men Danmark kann tó ikki kappast við Bulgaria, Kýpros og Írland, har partafelagsskatturin er ávikavist 10, 10 og 12,5 prosent. Songfuglur seytjan og studentur Rómurin var stórur, tá 17 ára gamla Anna Nygaard í morgun fekk studentahúgvuna á høvdið, og harvið gjørdist ársins yngsta pisa, um ikki yvirhøvur í Føroyum. Familja, vinir og kenningar hálsfevndu ovurlukkuligu Annu, tá hon nú hevði sett endaligt punktum fyri trý ára studentalívi Myndir: Bárður Lydersen