hósdagur 2. juli 2009síða 4

4 tíðindi Nr. 124 - 2. juli 2009 Týskvøldið hittust seks fólk, sum hava tað til felags, at tey tóku realprógv fyri 70 árum síðan. - Fólk í høgum aldri mugu ikki bara seta seg niður og einki gera, sigur Jenny Fosaa AFTURHVARV Randi Jacobsen randi@sosialurin.fo Tað er vanligt, at fólk, sum einaferð gingu í skúla sam­ an ella konfirmeraðust sam­an, hittast aftur aftaná 25, 30, 40 ella 50 ár. Men færri munnu dømini vera um floksfelagar, sum hittast aftur 70 ár eftir, at tey tóku prógv. Tað gjørdu týskvøldið seks fólk, sum í 1939 tóku realprógv í Havn. Vit vóru 27, sum tóku real­prógv tað árið, men tað er sjálvsagt minkað buturav, sigur Jenny Fosaa. Hon hevur verið við allar fýra ferðirnar, floksfelagar hennara hava hitst aftur. Tey kundu verið fleiri hetta kvøldið, men tríggir aðrir floksfelagar kundu av ymiskum orsøkum ikki koma við. Hesaferð var tað Solveig Hildebrandt, áður Soveig Lava Olsen, sum tók stigið at hittast aftur. Hon býr í Danmark, hevði ringt til Solveig Dam og boðaði frá, at hon kom til Føroya sam­ an við Foreningin Norden. Týskvøldið hevði hon frí . So hin Solveig at ringja runt, og avtalað varð at hitt­ ast á Hotel Hafnia til fiska­ borð. Nøkur av teimum seks gomlu floksfeløgunum kenn­ast meira ella minni. Eg møti so ofta Jákup Suna Jacobsen, og eg og Sol­veig Dam hava gingið í sama bindiklubba í yvir 50 ár, sigur Jenny Fosaa. Floksfelagarnir hittust fyrstu ferð aftur 50 ár eftir, at tey tóku prógv, aðru ferð 60 ár eftir, síðan eftir 65 ár, og so nú. Eg veit ikki, Poul Søren­ sen sigur, at vit skulu hittast aftur um fimm ár. Góðir skúlaár Jenny Fossá er ættað ur Hoy­vík, og tað var ein stór broyting, tá ið hon fór oman til Havnar í realskúla. Skúlin hevði fyrst eitt fyri­reikingarár, síðan fýra ár í millumskúla og til sein­ ast real. Men vit í Hoyvík fóru ikki oman fyrr enn annað árið í millumskúlanum, tí vit skuldu gjalda fyri hitan i realskúlanum, og góða lær­ ar­innan hja okkum í Hoyvir heldt tað var ov kostn­að­ar­ mikið og tí lærdi hon okkum meira. Hon fór sjálv at læra seg eingilskt bara fyri at kunna undirvísa okk­ um, sigur Jenny Fosaa. Tann góða lærarinnan var Sanna Olsen, ættað úr Nólsoy. Tey fóru 17 gentur og 12 dreingir, sum tóku realprógv í 1939. Gentur og dreingir gingu í hvør sínum flokki. Jenny Fosaa minnist væl aftur á tíðina í realskúlanum í Havn. Tey høvdu góðar lær­ arar, men bestur av øll­um var Hans A. Djurhuus, sum undirvísti teimum í før­ oyskum, søgu og landa­læru. Hann var flokslærari hjá okkum øll árini og fortaldi eisini nógv, sum ikki stoð i bókunum. Hann var so góð­ ur við okkum. Gott kvøld Kvøldið á Hotel Hafnia eydn­aðist avbera væl, og maturin var góður. Tey sótu saman i næstan fýra tímar og prátaðu um alt tað gamla. Øll vóru rímiliga væl fyri, hóast árini nú eru mong, 86 og 87 ár. Tað finst einki eintýðugt svar upp á spurningin, hvussu tað eydnast at koma so langt upp í árini og hava tað so gott. Virkin kona Eg havi altíð gingið nógv, og tað geri eg framvegis, sjálvt um knøini ikki eru so góð longur. Tað ræður um at fara út millum fólk í stað­in fyri at seta seg niður og einki gera. Børnini eru fimm, og eg eigi fleiri ommu­børn, so eg hevði ikki havt stundir at farið í Tilhaldið. Hvønn dag á middegi havi eg døgurðan á borðinum, tí ein ommu­ sonur etur altíð døgurða her. Eg bindi ofta upp á ommu­ børnini, og eg havi eisini brod­erað nógv. Eg dugi alt til hendurnar, sigur Jenny Fosaa. Hon ger eisini nakað fyri at halda lív í heila­kykn­un­ um. Eg loysi altíð krossorð, tí tað er so góður heila­fim­leik­ ur. Eg havi roynt meg við sudoku, men eg vendi altíð aftur til krossorðini, tí tey dámar mær betur, sigur Jenny Fosaa, sum klárar seg væl heima sjálv. Annars heldur hon tað ikki vera verri, at ein ommu­ dóttir býr í kjallaranum, og onkur av børnunum ikki búgva so langt frá. Eg kundi ikki hugsað mær at farið úr húsunum, ti tað er so deiligt at búgva her mitt í býnum og síggja nógv fólk, sigur Jenny Fosaa. Hittast aftur um fimm ár Tey vóru væl fleiri, tá ið tey hittust fyri fimm árum síðan Mynd: Ólavur Frederiksen Gomlu gomlu floksfelagarnir hugnaðu sær væl saman týskvøldið. Frá vinstru: Solveig Hildsbrandt (f. Lava Hansen), Jákup Suni Jacobsen, Jenny Fosaa (f. Simonsen), Solveig Dam (f. Mørkøre Joensen, Poul Sørensen og Gudrun Rubeksen (Djurhuus) Stjórnin missir veljarar Var altingsval í Íslandi í dag, hevði stjórnarsamgongan mist meirilutan. Ein nýggj meiningakanning hjá Gallup vísir, at teir báðir stjórnarflokkarnir høvdu fingið 43 prosent av atkvøð­un­ um ímóti 52 prosentum á valinum herfyri. Hjá Samfylkingini er talan um eina afturgongd úr 30 prosentum á valinum til 25 prosent nú, og Vinstrafylkingin, sum fekk 22 prosent á val­in­ um, hevði fingið 18 prosent nú. Sjálfstæðisflokkurin hevði fingið 28 prosent, var val nú, og tað er fýra prosentstig meiri enn á valinum. Framsóknarflokkurin hevði tó verið tann stóri sigursharrin við 17 prosentum, og so stóra undirtøku hevur flokkurin ikki havt síðani 2003. Kalifornia í kreppu Guvernørurin í Kalifornia, Arnold Schwarzenegger, hevur lýst statin í fíggjarliga undantaksstøðu. Tað ber millum annað í sær, at myndugleikarnir kunnu útskriva skuldarbrøv heldur enn at rinda sínar rokningar. Sum er vanta 2,8 milliardir dollarar í tí kaliforniska statskassanum, og tað hevur noytt myndugleikarnar at seta fleiri sparitiltøk í verk. Eitt nú eru allar almennar skriv­ stovur stongdar tríggjar fríggjadagar um mánaðin, og tey 235.000 starvsfólkini fáa ikki løn fyri teir tríggjar dagarnar. Kali­fornia hevði 24 milliardir dollarar í halli seinasta fíggjarár, og Schwar­zenegger og hinir politikararnir hava fingið 45 dagar til at finna pengar til hallið, skrivar AP.