fríggjadagur 3. juli 2009síða 30

14 ÍTRÓTTARBLAÐIÐ Sosialurin 3. juli 2009 – Nr. 125 Mikkjal Thomassen, venjari hjá B36, var bæði errin og harmur um úrslitið í Georgia í gjár. Hann staðfestir, at hópurin er bjartskygdur undan seinna dystinum uni@sosialurin.fo Uni Holm Johannesen B36 skal í øllum førum skjóta tvey mál á ovari vølli í Gundadali í komandi viku, um felagið skal vinna seg í annað umfar í Europe League. Tað varð greitt seinnapartin í gjár, tá liðið legði rygg til 2-0 tap á útivølli móti Olimpi Rustavi úr Georgia. Vóru væl við Hitastigini vóru 27 í tali, tá B36 skuldi royna at tryggja sær eitt nøktandi útgangsstøðið undan seinna dystinum. Og tað sá bjart út til tveir minuttir restaðu í. Tá økti Georgi Megreladze til 2-0 eftir skjótálop, og fortreytirnar hjá føroyska árstalsfelagnum gjørdust væl truplari. - Eg eri ikki nøgdur. Eg eri errin av avrikinum, men harmur um úrslitið. Í verjupartinum eru vit sera ansnir, har serliga Odmar Færø og Herbert í Lon Jacobsen standa seg væl. Men vit eru framvegis bjartskygdir og eru til reiðar til seinna dystin, greiðir Mikkjal Thomassen, venjari, frá. Heimaliðið legði seg á odda longu eftir tíggju minuttum. Málskjútti var Georgi Megreladze. Ellingsgaard var nær við Við einum verjukendum útgangsstøði smæddist føroysku gestirnir ikki burtur í nógva hitanum. Olimpi Rustavi legði ongantíð B36 undir veruligt trýst, og møguleikarnir vóru fáir í tali. - Talan var als ikki um einvegis ferðslu. Jóan Pauli Dahl Jakobsen hevði bara eina veruliga bjarging í øllum dystinum. Tað var eisini stuttligt at síggja, hvussu ørkymlaður venjarin hjá teimum var, sigur Mikkjal Thomassen. Størsta møguleikan hjá B36 átti Johan Ellingsgaard, sum spældi vongverji í høgru. Hann hevði skapt sær pláss í brotsteiginum hjá heimaliðnum, tá Bergur Midjord sendi bóltin fyri føturnar á honum. Men Ellingsgaard misnýtti, tá hann var einsamallur við málverjan. - Tað var møguleikin. Ungu menninir vóru ágrýtnir og vístu dirvið, og tað er týdningarmikið í altjóða dystum. Tað var torført av álvara at seta ferð á í nógva hitanum, sum eisini var til ampa fyri heimaliðið. Men eg eri errin av mínum leikarum. Men Mikkjal Thomassen, hvussu sannlíkt er tað, at B36 vinnur seg víðari í kappingini? - Í løtuni er tað 25 prosent, um eg skal seta tal á. Tað verður trupult, men vit ætla okkum heilt avgjørt víðari, staðfestir Mikkjal Thomassen í horninum úr Georgia. Thomassen er bjartskygdur Óttist ikki Johan Carl Dam skal leygardagin verða dómari, tá Føroyar Legends og Liverpool Legends skulu dystast á Tórvølli. Johan Carl Dam hevur seinastu 40 árini verið drúgvur Liverpool-fjeppari, og tí er nærliggjandi at spyrja, um tað verður torført at verða rættvísur. - Nei, tað skulu fólk ikki stúra fyri. So skjótt eg tríni á vøllin, so dømi eg rættvíst, líkamikið hvørji liðini eru, greiðir hann flennandi frá. Er tað nøkur serlig løta við hesum Liverpool-leikarunum, tú minnist sera væl? - Tað er fleiri ógloymandi løtur. Eitt nú, tá Alan Kennedy skoraði móti Real Madrid í Evropa Cup finaluni í 1981. Eg gleði meg sera nógv til hesa uppgávuna. Eg hevði so ongantíð væntað, at eg slapp at døma fleiri av leikarunum, sum eg havi sæð upp til, staðfestir Johan Carl Dam. - uni Johan Ellingsgaard, til høgru, hevði vandamestu royndina hjá B36 í gjár. Men hann gagnnýtti ikki møguleikan, tá hann var einsamallur við framherjan Julian nýggjan venjara Julian Johnsson og liðfelagarnir úr Svendborg hava fingið nýggjan hjálparavenjara. Lars Bech verður hjálpari hjá Kurt Hansen í komandi kappingarári. Felagið FC Svendborg hevur verið í stórari menning seinnu árini, og nú er ætlanin at vinna liðið upp í næstbestu donsku deildina. Julian Johnsson er liðskipari hjá liðnum. Reinert væl frá uppgávuni Petur Reinert, sum er okkara altjóða dómari, dømdi í gjár dystin millum FC Lathi úr Finnlandi og Dinamo Tirana úr Albania í Europe League. FC Lathi vann dystin 4-1. Vit skilja, at Petur Reinert kom væl frá uppgávuni, uttan stórvegis trupulleikar.