týsdagur 14. juli 2009síða 2

2 tíðindi Nr. 132 - 14. juli 2009 Tað einasta, sum er heilt víst, er at ongin konsert verður. Hvør hevur ábyrgdina er nú stríð um, og helst endar málið í rættinum avlýsing Eirikur í Jákupsstovu eij@sosialurin.fo Tað er endaliga staðfest, at ongin konsert verður við Kenny Rogers í Føroyum. Sp/f Holmen, sum skuldi skipa fyri konsertunum, sig­ ur, at teir eru snýttir fyri eina rúgvu av peningi, og at felagið nú hevur meldað umboðsmannin til løgregl­ una. Av kriminaldeildini ver­ ur váttað, at Sp/f Holmen hevur verið í samband við løgregluna um hetta mál. ­ Teir hava ongantíð havt ráð til Kenny Rogers, og tað, sum teir siga er loddrøt lygn, sigur Cutter Mehri, sum í hvussu so er hevur umboðað Sp/f Holmen í sambandi við Kenny Rogers konsertirnar. Benny við Sandá undrast ikki á hetta. ­ Maðurin hevur ikki so gott orð á sær, men vit fingu álit á honum, og nú hevur hann snýtt fyri sera nógvar pengar, og tað kem­ ur bara meira fram, sigur hann. Skelkaðir av støðuni Fyriskipararnir í Sp/f Holm­ en siga seg vera serstakliga skelkaðar av støðuni, sum er íkomin, og greiða frá, at teir hildu alt vera í lagi, líka til teir fingu boð frá høllini á Hálsi, at konsertirnar ikki blivu veruleiki. ­ Vit ringdu beinanvegin, og fyri fyrstu ferð sjálvir, til managaran hjá Kenny Rogers í Amerika og søgdu sum var. At vit vóru íleggar­ ir til Kenny Rogers konsert­ irnar, sum skuldi verða í Føroyum og ynsktu at fáa váttað, at øll viðurskifti í samsvari við sáttmálan framhaldandi vóru í lagi. Sum tíverri vænta segði managarin, at Kenny Rog­ ers konsertirnar vóru avlýst­ ar, av tí orsøk, at teir ikki høvdu fingið alla deposit­ um­upphæddina enn, og at managarin ongantíð hevði sent nakran teldupost til Cutter, sum segði at alt var ílagi og at vit bert manglaðu at gjalda tí seinastu upp­ hæddina. ­ Av tí, at okkara umboðs­ maður hevði skipað tað soleiðis, og hevði stolið hesar upphæddir var sátt­ málin við Kenny Rogers brotin aftanfyri okkara rygg, sigur Sp/f Holmen. Visti tað altíð Cutter Mehri vísir hinvegin á, at hann síðan marsmánað hevur væntað, at konsertir­ nar ikki blivu til veruleika. ­ Eg roknaði alla tíðina við tí. Altso, at teir ikki høvdu ráð til konsertirnar. Men av tí, at eigararnir av Sp/f Holmen síggja út at vera væl fyri fíggjarliga á teirra livihátti, so helt eg onkursvegna, at tað fór at bera til. Seinni finni eg útav, at teir nýta allan peningin frá bilettsøluni til egna nýtslu og so taki eg sjálvur pengarnar úr Ekspert, sum løn fyri mítt arbeiði, sigur Cutter Mehri, sum er sann­ førdur um, at hinir royna at nýta hann til syndabukk í hesum málinum. Samstundis sum hann heldur, at hinir hava syrgt fyri, at hann fær torført við at skipa fyri konsertum aftur. Sendu til privatkontu Fríggjadagin skrivaði Sosi­ alurin, at peningur vantaði, so at konsertin kundi gerast veruleiki. Sp/f Holmen greiðir frá, at hesin peningurin varð fluttur, og at teir nú hava funnið útav, at hetta var ein privatkontu í Danmark, sum fekk peningin, og ikki rætti viðkomandi í Ameriku. ­ Tað eri eg, sum havi gjørt allar avtalurnar, og avtalan var um at fara, tí Sp/f Holmen ikki hevði goldið nóg mikið av pen­ ingi. Tí kravdi eg, at pengar­ nir vórðu fluttir. Men tað er rætt, at tað var ein konto hjá mær, men eg trúði ongantíð, at pengarnir fóru at koma. Og tað gjørdu teir heldur ikki, sigur Cutter Mehri. Báðir partar nevna eisini ymisk onnur dømi um løgnar hendingar í málinum. Og har eru partarnir heldur ikki samdir. Ongin konsert Hóast tað er ilt at siga, hvat er satt og ikki í hesum mál­ inum, so kann endiliga endaliga staðfestast, at ong­ in konsert verður. Málið endar helst alt hjá løgregl­ uni, og tað verður helst ikki fyrr enn dómur verður sagd­ ur í møguliga málinum, at nøkur skuld endaliga kann verða givin. Cutter Mehri trýr tó, at fólk fáa peningin aftur fyri keypt atgongumerki. Júst soleiðis, sum Sp/f Holmen greiðir frá. ­ Vit vilja heita á fólk, sum hava keypt atgongu­ merkir um at senda tey til postboks 1390, 110 Tórs­ havn og viðmerkja navn, telefonnummar, bústað og hvar atgongumerkið varð keypt áðrenn 1. august 2009, so vit kunnu gjalda upphæddina aftur. Sosialurin hevur roynt at fáa eina úsøgn frá Kenny Rogers, men tað hevur ikki eydnast. Rogersmálið helst í rættin Sp/f Holmen vísir bæði í skrivi og munnliga á, at tað er Cutter Mehri, fyrrverandi umboðsmaður hjá Sp/f Holmen, sum hevur snýtt fyritøkuna. Cutter Mehri sigur hinvegin, at Sp/f Holmen ongantíð hevur havt ráð til Kenny Rogers, og tí datt alt á gólv ” - Teir hava ongantíð havt ráð til Kenny Rogers, og tað, sum teir siga er loddrøtt lygn, sigur Cutter Mehri, fyrrverandi umboðsmaður ” - Av tí, at okkara umboðsmaður hevði skipað tað soleiðis, og hevði stolið hesar upphæddir, varð sáttmálin við Kenny Rogers brotin aftanfyri okkara rygg, sigur Sp/f Holmen Danska stjórnin framgongd Í gjár vóru 100 dagar, síðani Lars Løkke Rasmussen tók við sum danskur forsætisráðharri, og sambært einari nýggjari meiningakanning er undirtøkan hjá stjórnini vaksin í hesum tíðarskeiðinum. Kanningin, sum DR hevur latið gera, vísir, at teir báðir stjórnarflokkarnir og stuðulsflokkarnir, Danski Fólkaflokkurin og Liberal Alliance, fáa undirtøku frá 52,4 prosentum av fólkinum. Hetta er ein munandi broyting samanborið við eina kanning fyri einum mánað síðani, tí hon gav andstøðuflokkunum 51,8 prosent. Harafturat vísir kanningin hjá DR, at Vinstri hevur havt framgongd og er nú tvey prosentstig framman fyri Sosialdemokratarnar, sigur DR. Prestar funnir deyðir Í Kuba eru fólk farin at seta spurnartekin við, hvat hendi tveim­ um sponskum prestum, sum eru funnir deyðir. Annar varð funn­ in í februar, og gjáramorgunin varð líkið av hinum funnið á einum oydnum staði uttan fyri høvuðsstaðin Havana. Tann katólska kirkjan í Kuba heldur uppá, at prestarnir vórðu myrdir, men hvørki myndugleikarnir ella fjølmiðlarnir hava nevnt mál­ ið við einum einasta orði, skrivar Reuters. Myndugleikarnir hava tó boðað frá, at teir kanna framvegis, hvat hendi prestin­ um, sum varð funnin deyður í februar. Talsmenn hjá katólsku kirkjuni í Kuba hava sagt, at tær fyrstu kanningarnar vístu greið tekin um, at talan var um morð.