mánadagur 20. juli 2009síða 4

4 tíðindi Nr. 136 - 20. juli 2009 Hans Trygvi Teirin, advokatur, er sannførdur um, at landsstýrismála­ nevndin hevur borið seg ivasamt at í málinum um Hans Paula Strøm og meirnýtslu, tá hon uttan at himprast dømir hann sjálv, uttan at nýta nakran óheftan kanningar­ stjóra. – Tað sær út sum, at rottan er roykt út úr holinum, og við niðurslitnum eygum er komin við einum dómi yvir ein í rúgvuni, sigur hann Meirnýtsla Eirikur í Jákupsstovu eij@sosialurin.fo Hóast Anfinn V. Hansen og Bjørn á Heygum, løgfrøð­ ingar, sum vóru við at smíða stýrisskipanarlógina, hava sagt, at landsstýris­ málanevndin gjørdi rætt í málinum um Hans Paula Strøm og meirnýtslu, so er Hans Trygvi Teirin, advok­ atur, sannførdur um, at landsstýrismálanevndin hevur borið seg sera undar­ liga at í málinum um Hans Paula Strøm. ­ Tað eru tvey viðurskifti, eg veruliga undrist á. Tað fyrsta er, at landsstýris­ málanevndin ongantíð sjálv hevur tikið málið upp, og nú málið verður tikið upp, er tað eftir eina kæru, frá einum einstakum tingmanni. Harafturat, er tað bara ein fyribilsniðurstøða, nevndin er komin við, tí Hans Pauli Strøm er bara dømdur av nevndini, hóast nevndin vanliga hevur nýtt kanning­ arstjóra til mál við minni upphæddum og minni prin­ sipiellum týdningi, sigur løgfrøðingurin. Eitt líknandi mál um meir­ nýtslu var um aldarskifti, tá Signar á Brúnni fór frá sum Mentamálaráðharri. Upp­ hæddirnar vóru ikki so stórar, men kanningarstjóri varð settur. Hví ikki aðrar Løgfrøðingurin metir, at tað sýnist sera undarligt, at ein ávísur landsstýrismaður er tikin burturúr nú, tá tað hevur verið ein generellur trupulleiki hjá teimum flestu. ­ Tað er undarligt, at landsstýrismálanevndin ikki av sínum eintingum hevur tikið málið upp, tí tað hevur verið ein trupulleiki leingi. Teir skulu jú sambært stýriskipanarlógini halda eyga við, at landsstýrið ber seg lógliga at, og tað hava teir ikki gjørt. Somuleiðis er tað løgið, at løgtingsins umboðsmaður heldur ikki hevur tikið tað upp. Og tað er eisini undarligt, at tingið ferð eftir ferð hevur góð­ tikið meirnýtslu, og nú er mann samdur um, at tað ikki ber til hjá Hans Paula Strøm, sigur hann. Farin ov langt Somuleiðis greiðir Hans Trygvi Teirin frá, at lands­ stýrismálanevndin er farin alt ov langt aftur í tíðina. ­ Landsstýrismálanevndin er ein nevnd undir tinginum, og tí kann hon ikki fara aft­ urum teir roknskapir, sum eru góðkendir av Løgtingin­ um. So at lasta Hans Paula Strøm fyri 2005 og 2006. Roknskapir, sum longu eru góðkendir, er eitt sindur undarligt, metir hann. ­ Tað sær út sum, at rottan er roykt út úr holinum, og við niðurslitnum eygum er komin við einum dómi. Hetta hevur onki við jura at gera. Hetta er reinur polit­ ikkur, sigur hann. Hinir góðtaka bara ­ Anfinn V. Hansen og Bjørn á Heygum hava uttan at himprast staðfest, at Hans Pauli Strøm hevur bor­ ið seg ólógliga at, tí teir hava als ikki sett spurnar­ tekin við landsstýrismála­ nevndina. Tað kann verða, at niðurstøðan er røtt, men tað kunnu vit ikki hava álit á, tí ongin kanningarstjóri er settur og tað bara er nevndin sjálv, sum hevur dømt hann. Hetta hevur ver­ ið sera junkasligt úr enda í annan, tá nevndin ikki vil fara eftir nøkrum øðrum enn Hans Paula Strøm og teimum báðum løgmonnun­ um, heldur Hans Trygvi Teirin. ­ Tey skuldu sett ein kann­ ingarstjóra, so vit kunnu fáa staðfest, um tað bara er Hans Pauli Strøm. Um hann hevur ábyrgdina av tí hann skal hava gjørt, ella um ábyrgdin í veruleikanum liggur onkra aðrastaðni. Tað er ein vika síðan, at Hans Pauli Strøm segði seg úr sessinum sum heilsumálaráðharri. Hans Trygvi Teirin, advokatur, metir, at hann var órættvíst viðfarin Landsstýrismálanevndin dømdi uttan grundarlag Virðisløn til Injector Altjóða felagsskapurin, Sustainable Shipping, hevur kunngjørt, at eitt samtak við Injector Trawldoors A/S og 14 øðrum fyritøkum og stovnum hevur vunnið ársins umhvørvisvirðisløn. Samtakið fær altjóða viðurkenningina fyri felags ætlanina, Framtíðarinnar Grøna Skip. Eitt endamálið við ætlanini hjá Injector Trawldoors A/S og hinum fyritøkunum er at skerja CO2­útlátið frá skipum við 30 prosentum. Eisini fatar ætlanin um at fáa skip at dálka 90 prosent minni við eitt nú køvievni og svávuli. Víkingabygningur undan kavi á Sandi Í kirkugarðinum á Sandi eru fornfrøðingar komnir niður á ein áhugaverd­ an bygning. Eftir tí ið higartil er útgrivið, er bygningurin á leið ferðir metrar til støddar. Møguliga er bygningurin frá tíðliga í víkingaøldini. Símun Arge fornfrøðingur sigur, at hesin bygningur, eins og alt annað, sum higartil er funnið á Sandi, er sera áhugaverdur. Veggirnir eru so at siga órørdir, eldstaðurin sæst tíðuliga og ein góð renna, sum er opin, gongur gjøgnum allan bygningin. Símun Arge heldur at bygningurin er ein arbeiðsbygningur, møguliga ein smiðja. Nógv hitasprongt grót er at finna í einum dunga, beint uttanfyri bygningin, sum eisini styrkir tankan um, at bygningurin er ein arbeiðsbygningur. Í løtuni arbeiða 15 fólk við útgrevsturin, 12 teirra koma úr Bretlandi hini eru føroyingar. Stýris- skipanin um lands- stýris- mála- nevndina § 38. Løgtingið setur eina tríggja manna nevnd av løgtingsmonnum at hava eftirlit við, at starv landsstýrisins verður útint á lógligan hátt. Stk. 2. Hevur nevndin illgruna um, at óregluliga hevur verið atborið, kann hon krevja, at løgtings­ formaðurin setur ein kanningarstjóra, sum ikki hevur dómsmyndug­ leika. Hann skal, eftir at hann hevur kannað mál­ ið, gera eina frágreiðing til løgtingið, hvørt fyri­ sitingin í ávísum máli er útint á lógligan hátt. Tveir fimtingar av løg­ tingsmonnunum kunnu skrivliga seta fram sama krav. Stk. 3. Kanningarstjórin skal hava løgfrøðiligt embætisprógv og skal ikki verða starvsettur í fyrisiting landsstýrisins, á stovni undir lands­ stýrinum, hjá dómsvald­ inum ella fyrr hava viðgjørt málið. Stk. 4. Kanningarstjórin hevur rætt til at krevja skrivligar ella munnligar upplýsingar frá einskild­ um borgarum eins og frá almennum embætismonn­ um.