mánadagur 20. juli 2009síða 45

Nr. 136 - 20. juli 2009 45 Túnatos Rebecca Joensen er 19 ár, lesandi og frá Klaksvík 1. Ætlar tú tær á SF í ár? Ja, eg búgvi í Klaksvík, so eg ætli mær sjálvandi. SF er altíð hugnaligt og hoyrir til føroyska summarið. 2. Hvør hevur verið besta konsertin nakrantíð á SF? Uttan iva Alphabeat í 2008! 3. Svevur tú í tjald ella í ordiligari song á SF? Eg sovi míni egnu song! :) 4. Hvat hevur verið tín hugnaligasta uppliving á SF? Tað hugnaligasta man nokk verða stemningurin á festivalinum, góður tónleikur og fitt fólk ;) 5. Hvat gleðir tú teg mest til á SF 2009? uuhh… tað man nokk fara vera Robin Gibb.. - har hittini hittast FESTIVALTÍÐINDI við Ragnhild Ellingsgaard Fremsti føroyski rock­ bólk urin fer í august aftur á pallin á Summar Festivalinum, har seinasta framførslan var so minni­ lig, at hon var givin út á dvd í Danmark Tónleikur Ragnhild Ellingsgaard The Dreams eru komnir langt uttanlands, og nú er bert spurningur um tíð, áðrenn føroyski rockbólkurin við basa í Danmark, røkkur enn longri út í heim. Áhugin fyri The Dreams er størri enn nakrantíð – bæði í Danmark og aðrastaðni kring Europa – og fyrstu úrslitini av tí eru farin at síggjast. Nú verður arbeitt miðvíst fram ímóti at fáa eitt altjóða gjøgnumbrot og við einum sáttmála, sum longu er komin í hús í Fraklandi, tykjast dreymarnir skjótt fara á flog. Men The Dreams gloyma ikki Føroyar og Summar Festivalin, har teir hava spælt fleiri ferðir áður. Langt áðrenn The Dreams fekk gjøgnumbrotið í Danmark og samstundis gjørdist eitt stórt navn í føroyskum tónleiki, spældu teir á Summar Festivalinum. Potentiali í bólkinum var frá byrjan stórt, og tað er púra vist, at bólkurin hevur ikki rokkið sínari endastatión uttanfyri landoddarnar enn – og langt frá tí. Í fjør spældu The Dreams eina fantastiska konsert á stóra palli á Summar Festivalinum, og konsertin eydnaðist so væl, at stórur partur av framførsluni varð givin út á dvd í Danmark og í Føroyum. Myndirnar vóru minniligar, og tónleikurin var framúr. Og nú er greitt, at The Dreams spæla á Summar Festivalinum aftur í ár, har teir lova eina rimmar konsert til allar rockelskarar. The Dreams spæla á Summar Festivalinum Tað verður ein feit konsert við løgum, sum vit øll kenna, tá The Dreams aftur í ár koma á pallin hjá Summar Festivalinum Tveir av best umtóktu DJ’unum í Føroyum fara at undirhalda í Flags­ tjaldinum á Summar Festivalinum Tónleikur Ragnhild Ellingsgaard Summar Festivalurin kann bjóða eina ørgrynnu av livandi tónleik á palli, men møguleiki verður eisini at dansa til tónar, sum tveir av fremstu DJ’unum í Føroyum hava at bjóða. Bæði leygarnáttina og sunnu­ náttina verður DJ show í Flags­ tjaldinum á Summar Festivalinum, og tað verða DJ Cool og DJ Tech, sum fara at standa fyri tón leiki­ num. DJ Cool hevur ferðast land og ríkið runt sum plátuvendari. Hann hevur hitað stórar áhoyrarafjøldir upp til nøvn sum Nik & Jay, DJ Aligator, Sash, SOAP, Rene Diff og Anna David. DJ Cool var í nógv ár fastur DJ í Club 20, og nú er hann fastur fúsur á Eclipse og Rex í Havn. DJ Tech er nógv umbiðin til tiltøk kring alt landið. Hann var í fleiri ár DJ í Club 20 og telist nú millum teir, sum standa fyri undirhaldinum á Rex og Eclipse í Havn. DJ Cool og DJ Tech hava royndir í at fáa eina og hvørja áhoyrarafjøld at kóka, og tað fara teir eisini at gera mitt á nátt í Flags­tjaldinum á Summar Festivalinum. DJ show á Summar Festivalinum DJ Cool og DJ Tech lova at fáa Flagstjaldið upp at koyra í føroysku summarnáttini