týsdagur 21. juli 2009síða 28

54 Ólavsøkublaðið – juli '09 55 Ólavsøkublaðið – juli '09 Tema’ið á ólavsøkufram­ sýningini í ár er landslag. fo/2009 við undirtekstu­ num »avmyndan, um­ skapan og avskapan«. – Eitt landslag kann tulkast í sínum breiðasta og mest abstrakta týdningi, og øll tøkni er loyvd í skapandi listini, sigur Malan Marn­ ersdóttir, forkvinna í Listafelag Føroya Í ár hevur Listafelag Føroya, sum stendur aftanfyri árligu ólav søku­ framsýningina í Listaskálanum, valt at geva framsýningini eitt ávíst heiti – ella tema. Tema’ið er Landslag.fo/09 – við undirheitunum »avmyndan, umskapan og av­ skapan«. Fólk, sum kundu hugs­ að sær at havt listaverk við á framsýningini, høvdu freist til 15. juli at senda inn uppskot. Síðan er tað nevndin í Listafelag Føroya, ið velir burturúr innkomnum upp­ skotum, sum síðan mynda fram­ sýningina á ólavsøku. Nýggjar tíðir Malan Marnersdóttir er forkvinna í Listafelag Føroya. Hon heldur, at tema’ið Landslag. fo/09 í sær sjálvum ber boð um, at talan er um nýggjar tíðin innan landslagsmyndir. – Summi halda, at føroyska lands­ lagslistin er fjølbroytt, slóðbrótandi, áhugaverd og frísklig. Onnur halda, at henda listin eftirhondini er vorðin einsporað, óorginal, nalvaskoðandi, keðilig, moðin – og fyri alt í verðini ov siðbundin. Malan vísir á, at sum myndaevni hevur landslagið í mong ættarlið verið høvuðseyðkennið hjá listini – ikki bara í Føroyum, men eisini uttanfyri landoddarnar. Hon væntar tó eina rættiliga spennandi, forvitnisliga og fjøl­ broytta framsýning í Listaskálanum á ólavsøku. – Tema og undirtekstir leggja upp til, at landslagið eisini kann tulkast í sínum breiðasta og mest abstrakta týdningi. Malan heldur, at í einum speiskum tóna ber til at siga, at eitt landslag kann vera nógv meira enn bert ein bygd, eitt fjall ella ein havsbrúgv. – Vit hava eingi mørk sett fyri, hvussu listafólkini kunnu arbeiða, ei heldur tøkniliga. Øll tøkni er vælkomin, um so er. Men er tað soleiðis, at onkur listaverk krevja okkurt serstakt, er neyðugt, at fólk gera vart við hetta í góðari tíð, so høvi verður at hyggja upp á, um umstøður eru til at ganga ynskjunum á møti. Torført val Tá vit prátaðu við Maluna í fyrra helmingi av hesum mánaðinum, segði hon, at nøkur listaverk longu vóru komin og fleiri vóru væntandi. – Jú, tað verður eisini spennandi hjá okkum í Listafelag Føroya at síggja, hvar listafólk nú halda, at landslagið er statt, sum hon tekur til. Malan væntar, at fólk, sum fara at vitja ólavsøkuframsýningina, fáa høvi at síggja bæði kend, minni kend og í hennara verð ókend listafólk. – Tað er altíð torført at velja ímillum innkomna list, men hetta er ein avbjóðing og er samstundis ógvuliga spennandi. Tá vit prátaðu við forkvinnuna í Listafelag Føroya, hevði hon av góðum grundum einki neyvt boð upp á, hvussu framsýningin fer at síggja út, tí nakrir dagar enn vóru eftir av innlatingartíðini. Ólavsøkuframsýningin verður í tí gamla og upprunaliga partinum av Listaskálanum, men Malan Marnersdóttir vísir á, at nú graf­ iski verkstaðurin er fluttur, kem ur tann parturin helst upp í fram­ sýningarøkið á ólavsøku aftrat. Framsýningin í Listaskálanum letur upp ólavsøkuaftan klokk­ an 14 og verður opin báðar ólav­ søkudagarnar millum klokkan 14 og 20. Síðan hongur framsýningin nakrar dagar út í august og kann síggjast í tíðini, tá savnið annars er opið. Væl vitjað Helgi Fossádal, leiðari á Listasavni Føroya, sigur, at millum 50 og 100 verk plaga at verða sýnd fram á ólavsøkuframsýningini, men hann veit av góðum grundum ikki, hvussu stórt talið verður hesaferð. – Tað er soleiðis, at vit leggja bara hølini til, og síðan er tað Listafelag Føroya, ið tekur støðu til, hvørji og hvussu mong listaverk koma upp at hanga. Helgi Fossádal vísir á, at ólav søku­ framsýningin sum heild plagar at vera væl vitjað. – Talið av vitjandi liggur vanliga millum eini 1500 og 3000, harav tey flestu vitja framsýningina um ólavsøkuna, sigur leiðarin á Listasavni Føroya. ______________________________________ Vilmund Jacobsen vilmund@sosialurin.fo Mynd: Álvur Haraldsen Landslag í nýggjum hami – Jú, tað verður spennandi at síggja, hvar listafólk halda, at landslagið er statt í løtuni, sigur Malan Marnersdóttir, forkvinna í Listafelag Føroya Røttu klæðini til ólavsøkuna fær tú frá okkum Tórsgøta · 100 Tórshavn · Tel 31 13 95 Teldupostur: hjakissa@post.olivant.fo Til føroyska búnan hava vit: Hvíta skjúrtu Svart slips Selar Føroyska húgvu SummarútSøla í Skálabúðini og Mótaskálanum byrjar hósdagin 23. juli kl. 9.00 Dr. Jakobsensgøta 20 · Tel. 315317 Stórar støddir -20% Veitslukjólar -20% Baðidraktir og ymiskt frá Triumph og mangt annað Opið er: Hósdag og fríggjadag 09.00-18.00 Leygardag 09.00-16.00 útSøla útSøla útSøla Vit ynskja øllum góða ólavsøku! Ymisk klæði fyri 100, 200, 300 og 400 kr. pr. stk.