fríggjadagur 14. august 2009síða 2

2 tíðindi Nr. 153 - 14. august 2009 Hálvan juli sóu tey á Ríkissjúkrahúsinum ein blett á øðrum lunganum hjá Sverra Nilssen á Tvør­oyri. Hann gjørdi, sum hann varð biðin, og fór á Lands­sjúkra­ húsið at skanna lunguni. Nústaðni hevur Ríkis­sjúkra­ húsið funnið útav, at tað hevur fingið myndirnar, men ikki fyrr enn aftaná mánadagin fær Sverri Nilssen svarið, um hann hevur lungna­ krabbamein ella ei Sjúkraverk Randi Jacobsen randi@sosialurin.fo Føroyskir sjúklingar koma av og í klemmu millum tvær ymiskar skipanir, ta hjá Landssjúkrahúsinum og ta hjá Ríkissjúkrahúsinum. Fyri at koma burtur úr tí noyðist sjúklingurin sjálvur at streingja á. Í grundini skuldi trupulleikin verið til at loyst. Eitt gott dømi umhetta er Sverri Nilssen á Tvøroyri. 15. juli var Sverri á Ríkis­ sjúkrahúsinum til hálvárligt eftirlit, tí hann hevur havt krabbamein í arminum. Á Ríkissjúkrahúsinum segði ein lækni við han, at tey høvdu sæð ein blett á øðrum lunganum og bóðu hann fara til Føroya at verða skannaður á Landssjúkra­ húsinum, og tað hevði skund, vóru boðini. Sverri fór til Føroya og 3. august var hann á Lands­ sjúkrahúsinum og fekk lunguni skannað. Misti tolið Hann hevur bíðað og bíðað í óvissuni síðan, men hós­ dagin var tolið uppi. Hann ringdi niður á Ríkissjúkrahúsið at spyrja eftir svarinum, men tey søgdu seg ongar myndir hava fingið. So ringdi Sverri á Lands­ sjúkrahúsið, og har fekk hann at vita, at røntgen­mynd­ irnar vóru sendar niður. Og so aftur at ringja niður. Sama svar. Enn eina ferð ringdi Sverri til Landssjúkrahúsið, har hann varð biðin um at seta seg í samband við Ríkissjúkrahúsið. - Tá segði eg, at tað kundi ikki vera rætt, at sjúklingurin sjálvur skuldi loysa henda trupulleikan, tí vit duga ikki so væl at forklára okkum, og vit kunnu ikki vita, hvat er hent, sigur Sverri Nilssen. Nakað eftir ringdi Lands­ sjúkrahúsið aftur, og Sverri Nilssen fekk at vita, at onkur skipan á Ríkis­sjúkra­ húsinum var brotin saman. Tey skuldu ringja aftur í morgun. Bíðar framvegis - Eg var so fortørnaður, og eg angri so dyggiliga, at eg fór til Føroya at taka rønt­ gen­myndirnar, tí hóast bíði­ tíðin er longri á Ríkis­sjúkra­ húsinum enn í Før­oyum, hevði eg nú havt fingið svar, sigur Sverri Nilssen. Sum lovað, ringdu tey av Landssjúkrahúsinum í morgun aftur til Sverra Nilssen. Nú hevði Ríkis­ sjúkrahúsið váttað, at mynd­ irnar vóru komnar, men læknarnir fara ikki at hyggja at myndunum fyrr enn mánadagin. Sverri Nilssen noyðist sostatt at bíða eftir svarin­ um, um hann hevur lungna­ krabba ella ei, í tríggjar dagar aftrat. - Hetta kann heilsuverkið ikki bjóða fólki. Tað er so ringt at liva við hesum ivanum, og so vísir tað seg, at sjúklingurin sjálvur má streingja á, tí annars hendir einki, sigur Sverri Nilssen. Hann veit um fólk, sum hava bíðað longur enn hann. Tað kann koma at kosta, tá ið talan er um krabbamein. Tvey ymsk p-tøl Á Landssjúkrahúsinum vistu tey als ikki av, at Ríkissjúkrahúsið ikki hevði fingið myndir­nar. Ríkis­ sjúkrahúsið hevði bara biðið Sverra Nilssen fara á Landssjúkrahúsið at fáa tikið myndir, og tá ið Lands­ sjúkrahúsið hevði gjørt tað var teirra uppgáva liðug. - Tá ið eg hósdagin fekk at vita, at Ríkissjúkrahúsið ikki hevði fingið myndirnar, ringdi eg niður og segði, at trupulleikin helst var, at vit senda myndar við føroyska p-talinum hjá sjúklingum, og at Ríkissjúkrahúsið hevur síni egnu fiktivu p-tøl fyri føroyingar, sigur røntgen­ læknin Marius Rasmussen. Hósdagin eydnaðist hon­ um ikki at fáa orð á nakran lækna, sum hevði heimild til a leita út frá føroyska p- talinum. Hann ringdi so aftur í morgun, og tá bar til. Myndirnar vóru har. Marius Rasmussen sigur, at myndir áður eru dotnar burturímillum orsakað av tveimum ymiskum p-tølum, men á Ríkissjúkrahúsinum eru eisini læknar, sum vita um trupulleikan og ti duga at finna myndirnar beinan­ vegin. Hevur bíðað ein mánað í óvissu Lýggjari og minni ísur Tað hevur verið óvanliga lýtt har vesturi í tí arktiska økinum í summar. Í Tuktoyaktuk, sum er við Beaufort Havið, hava tey havt upp í 30 hitastig. Tann nógvi hitin hevur gjørt, at ísurin er minkaður. Sagt verður, at fyri bara nøkrum árum síðani lá ísrondin einar 35 fjórðingar úr landi við Tuktoyaktuk, men at nú er rondin næstan 70 fjórðingar úr landi har. Amerikanski stovnurin The US National Snow and Ice Center hevur roknað seg fram til, at í juli í juli minkaði ísurin so nógv hvønn einasta dag tað, sum svaraði til tríggir ferðir støddina á Belgia. Burturkast við Svalbard Tá sýslumaðurin á Svalbard og sjálvboðin fóru at leita í fjøruni har norðuri á Svalbard, funnu tey 155 rúmmetrar av burturkasti. Tal er upp í tíggju fullar lastbilar. Per Andreassen, sum er løgreglumaður á Svalbard, sigur við norska kring­ varpið, at tað mesta av burturkastinum er ymiskt, sum fiski­ skip blaka í havið so sum trolstykkir, garnakúlur, plastik­kassar og ymiskt annað, sum helst stavar frá fiskiskip­um. Løgreglu­ maðurin leggur afturat, at løgreglan tekur dálkingina í stórum álvara, tí yvirhøvur er talan um burturkast, sum heldur sær sera leingi úti í náttúruni. Sverri Nilssen fekk fyrst krabbameiní armin og misti hondina. Nú er hann kannaður fyri lungnakrabba, men tað tekur sína tíð at fáa svarið Mynd: Jens Kristian Vang