mikudagur 23. september 2009síða 4

4 tíðindi Nr. 181 - 23. september 2009 Mánakvøldið segði Alfred Olsen, at útspælið hjá Sam­ bandsflokkinum um at tiðna blokkin var eitt krav. Men tey orðini tekur hann í seg aftur Ríkisveiting Heini í Skorini heini_skorini@yahoo.com Alfred Olsen tosaði um eitt “krav”. Kaj Leo Johannesen tosaði um eitt “ynski”. Spurningurin er so, hvørjum av hesum báðum sambands­ monnunum vit skulu trúgva. Formanninum í tingbólki Sambandsfloksins? Ella løgmanni og samgonguleið­ ara? Tá Jóannes Eidesgaard í gjár boðaði danska fíggjar­ málaráðharranum frá, at blokkurin verður verandi á sama støði, hingu orðini hjá Alfredi Olsen í Degi og Viku mánakvøldið fram­ vegis í luftini. Formaðurin í tingbólkinum hjá Sambands­ flokkinum svaraði nevniliga játtandi, tá hann varð spurd­ ur, um útspælið hjá Sam­ bandsflokkinum um at tiðna blokkin var eitt krav. Um orðini hjá Alfred eru galdandi, so átti ABC sam­ gongan nú at verið í eini stjórnarkreppu. Men tað er hon ikki, tí Alfred meinti eftir øllum at døma ikki tað, sum hann segði við sjón­ varpið mánakvøldið. ­ Í politikki er ongantíð klókt at seta ultimatum. Tingmanningin hjá Sam­ bandsflokkinum er komin við sínum ynski um at tiðna blokkin, men tað fingu vit so ikki ígjøgnum, sigur Alfred Olsen. Men var kravið so ikki eitt krav kortini? ­ Nú hanga tit journalistar tykkum í hatta einstaka orð­ ið. Nei, talan var ikki um nakað ultimatum, sigur Alfred Olsen. Við útspælinum um at tiðna blokkin og fáa umleið 110 milliónir eyka krónur í landskassan økir Sambandið um trýstið á Eidesgaard, sum skal verja stóru skerjingarnar á komandi fíggjarlóg. Fíggjarmálaráðharrin kennir seg bakbitnan av Edmundi Joensen og kompaní Ríkisveiting Heini í Skorini heini_skorini@yahoo.com ­ Eg kenni hetta sum eitt bakbit frá Sambandsflokk­ inum. So greiður er fíggjarmála­ ráðharrin, sum í gjár boðaði sínum danska starvsbróðuri frá, at árliga ríkisveitingin verður verandi óbroytt. Frá­ boðanin kom í Degi og Viku týskvøldið eftir hart samgongustríð seinastu dag­ arnar, tí Sambandsflokkurin fyrr í vikuni boðaði frá, at ríkisveitingin skuldi verið prístalsregulerað, soleiðis at hon fylgdi prísvøkstrinum í samfelagnum annars. Við afturvirkandi megi, tað vil siga um roknað verður aftur til 2002, tá fullveldissam­ gongan fastfrysti blokkin, kundi ein tílík prístalsregul­ ering vunnið landskassanum um 110 milliónir krónur. Bakbit Tann fyrra ABC samgongan varð samd um at varðveita hesa fastfrysting í 2004. Sambandsflokkurin hevur alla tíðina viljað tiðnað blokkin, men tað hava Javn­ aðarflokkurin og Fólka­ flokkurin ikki viljað. Báðir flokkarnir hava meldað út, at loysnin á trongu búskap­ arliga støðuni ikki er at biðja danir um størri blokk­ stuðul, og at útspælið frá Sambandsflokkinum haraft­ urat er í stríð við samgongu­ skjalið. Nú stendur samgongan yvir fyri einum halli á kom­ andi fíggjarlóg, sum fer at tátta í milliardina. Og stóra avbjóðingin hjá samgonguni verður at verja stóru skerj­ ingarnar, ikki minst á væl­ ferðarøkinum. Tí harmast fíggjarmálaráð­ harrin og formaðurin í Javnaðarflokkinum um framferðarháttin hjá sínum samgongufeløgum í Sam­ bandsflokkinum. Jóannes Eidesgaard brúkar orð sum “bakbit” og undrast serliga á “timingina”, tá hann skal seta orð á ósemjuna. ­ At Sambandið velur at koma við hesum útspæli, beint áðrenn fíggjarlógin verður løgd fram, og at Edmund nú fer solo klokkan fimm minuttir í tólv, hevur gjørt samgonguna veikari, sigur Jóannes Eidesgaard. Trýstið økist Javnaðarflokkurin er í tung­ um sjógvi í veljarakanning­ unum og fekk einans 14% í Gallup kanning fyri fáum vikum síðani. Flokkurin situr við fíggjarmálum, og nú stórar sparingar eru fyri framman, sum skulu verjast yvir fyri veljarunum, kann trýstið á flokkin økjast. Og við útspælinum frá Sam­ bandsflokkinum kann Eid­ esgaard koma at standa meiri einsamallur, tá ákoyr­ ingarnar um skerda vælferð fara at skola oman yvir sam­ gonguflokkarnar í komandi tíðum. Jóannes ásannar, at Javnaðarflokkurin stendur yvir fyri eini stórari avbjóð­ ing. ­ Lat meg siga tað soleið­ is, at hetta hevur í øllum førum ikki linkað um trýstið á Javnaðarflokkin. Men hin­ vegin verður hallið somikið stórt, umleið 800 milliónir krónur, at ein prístalsregul­ ering av blokkinum als ikki loysir teir trupulleikar, sum føroyska samfelagið stendur yvir fyri, sigur Jóannes Eidesgaard. Skeiv tøl Fíggjarmálaráðharrin undr­ ast eisini á, at Sambandið uttan at blunka tosar um 110 milliónir eyka krónur í landskassan, um blokkurin varð tiðnaður. Men hendan upphæddin er einans røtt, um danir vóru sinnaðir at prístalsregulera blokkin við afturvirkandi megi heilt aftur til 2002, tá blokkurin varð frystur. Tað hevði ver­ ið ein samráðingarspurning­ ur, og tað væntar fíggjar­ málaráðharrin ikki, at danir høvdu verið sinnaðir til. ­ Danir hava sjálvir eitt undirskot á 86 milliardir krónur og høvdu neyvan givið okkum meiri pengar, um vit nú boðaðu frá, at semjan frá 2004 skal broyt­ ast. Eidesgaard: Bakbit frá Sambandinum Alfred etur orðini í seg aftur Við útspælinum frá Sambandsflokkinum um at tiðna blokkin og vinna landskassanum 110 milliónir krónur økist trýstið á fíggjarmálaráðharran og javnaðarformannin Jóannes Eidesgaard, sum í komandi tíðum skal verja stóru sparingarnar yvir fyri veljarunum At Sambandsflokkurin og Edmund Joen­ sen nú fara solo klokkan fimm minuttir í tólv, hevur gjørt samgonguna veikari Bilasølan steðgað Danska bilasølan er nú minkað so nógv, at bilasølurnar hava ikki selt so fáar bilar síðani 2003. Tøl hjá innflytarafelagnum vísa, at persónbilasølan minkaði 31 prosent í august samanborið við sama mánað í fjør. Hjá teimum, sum selja vøruvognar, gekk uppaftur verri, tí tann sølan var heili 59 prosent minni enn í august í 2008. Tær donsku bilasølurnar ugga seg tó við, at tølini eru frægari nú enn fyrr í ár, tí tá keyptu danir næstan ongar bilar. Men glottarnir eru smáir, tí bilamarknaðurin er framvegis undir stórum trýsti orsakað av arbeiðsloysi og fíggjarkreppuni annars, sigur felagið. Ov nógvir tinglimir Fyrradagin kunngjørdu Demokratarnir í Grønlandi, at teir vilja hava landsstýrið at kanna treytirnar fyri grønlendskum limaskapi í ES. Í gjár komu teir aftur við einum uppskoti, og hesaferð mælti flokkurin til at skerja tingmannatalið í Inatsisartut ella Landstinginum. Eftir galdandi skipan hevur Landstingið 31 limir, men Demokratarnir halda, at 25 hevði verið nóg mikið, og tað hevði eisini spart landskassanum einar tríggjar milliónir krónur um árið, sigur flokkurin sambært blaðnum Sermitsiaq.