fríggjadagur 25. september 2009síða 40

40 Nr. 183 - 25. september 2009 lýsingar Føroya Kærustovnur sóknast eftir sjúklingaráðgevum Sambært nýggju psykiatrilógini, sum kem­ ur í gildi 1. oktober 2009, skulu sjúklinga­ ráðgevar tilnevnast í øllum førum, tá ið talan er um tvingsilsinnlegging, tvings­ ilsafturhald, tvingsilsviðgerð, tvingsilsfast­ spenning, nýtslu av likamligum valdi, verjufastspenning, nýtslu av persónligum alarm­ og peiliskipanum og serligum dura­ lásum, persónligari vernd, ið uttan steðg varir meira enn 24 tímar, umframt, at dyr á deildini verða læstar. Í hesum sambandi søkja vit eftir persónum, sum kundu hugsað sær at verði sjúk­ lingaráðgevar. Talan er ikki um fulltíðarstarv, men um at tú verður góðkendur sum sjúklingaráðgevi og tilnevndur, tá tørvur er á hesum. Uppgávur Uppgávan hjá tær sum sjúklingaráðgevi er at leiðbeina sjúklingin og geva honum ráð í øllum viðurskiftum í sambandi við inn­ legging, uppihald og viðgerð á psykiatrisku deild. Tú skal somuleiðis hjálpa sjúklinginum við at seta í verk og gjøgnumføra møguligar kærur, og um til ber, vera hjástaddur, tá ið kæran verður viðgjørd í sjúklingakæru­ nevndini. Førleiki Serlig útbúgvingarkrøv eru ikki til at gerast sjúklingaráðgevi, men ynskiligt er, at tú í tínum starvi hevur innlit ella royndir, ið verða mett, at vera serliga viðkomandi. Tú arbeiðir kanska í heilsu­ ella sosiala økinum. Tú ert kanska prestur, sálarfrøðingur, lærari ella á annan hátt serliga væl skikkaður at røkja uppgávuna sum sjúklingaráðgevi. Eingin starvsbólkur verður tó framman­ undan tikin fram um aðrar. Løn- og setanartreytir Føroya Kærustovnur finnur fram til og góðkennir sjúklingaráðgevarar og kunnar teir um psykiatrilógina og uppgávur teirra. Eitt yvirlit yvir góðkendu sjúklingaráð­ gevarnar verður síðan latið til Psykiatriska depilin, sum tilnevnir sjúklingaráðgevarnar í hvørjum einstøkum føri og eisini lønar ráðgevunum. Samsýningin verður ásett í kunngerð av landsstýrismanninum í heilsumálum Umsóknir Freistin at søkja er 8. oktober 2009. Umsóknir við prógvum, C.V. og møguligum viðmælum skulu sendast til: Føroya Kærustovnur Undir Hornabakka Postboks 45 110 Tórshavn Áhugaði eru vælkomin at seta seg í samband við Beintu Festirstein, løgfrøðing á tlf. 320585 fyri at frætta nærri. Um stovnin: Føroya Kærustovnur er óheftur stovnur undir Innlendismálaráðnum. Stovnurin fyrireikar kærumál til Kærunevndina í almanna­ og heilsumálum, Skatta­ og avgjaldskærunevndina, Kærunevndina hjá Stuðulsstovninum, Kærunevndin í lendismálum, Vinnukærunevndina og frá 1. oktober 2009 eisini til Psykiatrisku sjúklingakærunevndina. Harumframt er Kærustovnurin skrivstova hjá Skuldarumskipanarnevndini og Fjølmiðlanevndini. Á stovninum starvast í løtuni 7 fólk, stjórin, tríggir løgfrøðingar og trý skrivstovufólk.