hósdagur 1. oktober 2009síða 6

6 tíðindi Nr. 187 - 1. oktober 2009 Sun vrakar Brown Tað størsta dagblaðið í Bretlandi, Sun, kunngjørdi í gjár, at tað fer at styðja tann konservativa andstøðuflokkin upp undir parlamentsvalið næsta ár. Talan er um eina kúvending, tí tey seinastu tólv árini hevur blaðið styðjað arbeiðaraflokkin Labour. Sjónvarpsstøðin Sky heldur, at avgerðin hjá leiðsluni á Sun er tann avgerandi naglin í ta politisku kistuna hjá Gordon Brown, forsætisráðharra. Blaðstjórnin sigur, at hon tók avgerð aftan á røðuna, sum Brown helt á ársfundinum hjá Labour fyrradagin, tí hon var ikki nóg sannførandi. Í øllum meldrinum av IOC-toppfundi í Keypmannahavn, helt Fróði Hansen útgávukonsert mitt inni í danska høvuðsstaðnum TÓNLEIKUR Rólant Waag Dam rolant@sosialurin.fo Keypmannahavn pumpar í hesum døgum. Býurin er púr asta uppi at koyra. Sjón­ varpsrásirnar, útvarps støð­ irnar, dagbløðini og inter­ netssíðurnar koyra øll við breaking news! Sjálv ameri­ kanska forsetafrúan, Mi chelle Obama, er lend í Kastrup og skal vitja danska høvuðsstaðin næstu dagar­ nar. Við henni fylgja fleiri ameri konsk elituítróttar­ fólk, borgarstjórin í Chicago og talkshow­verturin Oprah Winfrey. Akkurát tí, at Keyp­ manna havn og fólk flest í býnum standa á høvdinum um dagarnar, kendist tað sum ein lætti at koma inn í ráa og ópoleraða kjallaran í Kattesundet. Ein síðugøta til Strøget, har áðurnevnda Oprah í gjár hevði gingið oman og niðan nakrar tímar frammanundan konsertina, meðan eitt øgiligt fjølmiðla­ lið og forvitnir danir runnu aftaná. Inni í Lades Kælder nakrar tímar seinni var ferð in ein onnur. Kjallarin kendist næstan sum eitt slag av frírúmi, har øll kundu anda út, njóta eina øl og hvønn annan. – Eg skal heldur ikki úti­ loka, at eg havi mist onkrar áhoyrarar til hesar stjørnur, segði Fróði Hansen smíl­ andi eftir konsertina í gjár­ kvøldið. Fróði og feiti bólkurin Fróði Hansen hevði eisini grund til at smílast. Hann hevði júst sungið, spælt gitt ar og munnharmoniku og verið serstakliga væl stuðl aður av frálíka bólkin­ um, sum taldi fýra mans. Sveinur Dam á el­gittar, Rúni Mortensen á trummur og donsku Anders Hellborn og Johannes Buhl Andresen á ávíkavist bass og key­ board. Serliga síðstnevndi var serstakliga dugnaligur og ein frægd at hoyra og eygleiða. Somuleiðis var tað feitt, tá Fróði Hansen hevði so dugnaligt fólk aftrat sær, at hesir so eisini sluppu at folda seg út. Við nógvum og drúgvum solo’um sluppu hesir at markera seg og spæla sær, meðan Fróði Hansen trein av pallinum og stillaði millum áhoyrar­ arnar. Feitt! – Tað gekk yvirraskandi væl og betri enn, tá vit hava vant í síðstuni. Hetta var eisini okkara fyrsta veruliga konsert síðani fløgan kom út, og tí var tað feitt at so nógv fólk komu, segði Fróði Hansen, sum eftir fløguútgávuna í summar spældi nøkur fá løg í Tutl í Tórsgøtu í Havn. Munur á konsert og útgávukonsert Fróði Hansen og restin av manningini sá eisini út til at hugna sær á pallinum. Tað sama gjørdu áhoyrararnir. Kortini var saknur í eitt sind ur av frágreiðing frá Fróða. Talan var um eina útgávukonsert, og tá tað er tilfeldið, hevði tað verið passaligt við nøkrum orðum um fløguna, tekstirnar og løgini. Tað er munur á eini konsert og eini útgávu­ konsert, men hetta sást ikki aftur í gjár. Ikki tí, konsertin var góð og tað ætlar Fróði Hansen at byggja víðari á. Næsta útgávan er klár Næsta konsertin verður á The Rock og seinni skal hann eisini inn í Studenter­ huset at spæla. Fróði Han­ sen sigur, at teir ætla at spæla so nógv sum gjørligt nú útgávan er fesk. – Men neyvan verður leingi til næstu útgávuna. Henda fløgan varð innspæld fyri akkurát einum ári síð­ ani, men eg havi longu til­ farið til næstu fløguna klárt. Tað er bara ein spurningur um fígging, so kemur hon eisini út, sigur Fróði Han­ sen. Frírúmið hjá Fróða Fróði Hansen var ógvuliga væl stuðlaður av sínum bólki. Sjálvur spældi hann gittar og sang, umframt at munnharpan eisini var frammi viðhvørt Mynd: Rólant Waag Dam Nógv fólk høvdu leitað sær í Lades Kælder mikukvøldið meðan konsertin var Mynd: Rólant Waag Dam