týsdagur 6. oktober 2009síða 4

4 tíðindi Nr. 190 - 6. oktober 2009 Tað er av neyð, at Tvøroyrar Býráð hevur bjóðað skúlan í Trongisvági fram til eftirskúla. Ein ótti hjá býráðslimum, er, at stóri skúlin á Tvøroyri verður stongdur so at tey størru børnini verða noydd í aðrar bygdir at ganga í skúla Eftirskúli Áki Bertholdsen aki@sosialurin.fo Tað er av fíggjarligari neyð, at Tvøroyrar Kommuna hevur bjóðað skúlan í Trongisvági fram til eftirskúla. Tað var niðurstøðan á býráðsfundi í Tvøroyri í gjárkvøldið. Á fundinum gjørdu at kalla allir býráðslimir púra greitt, at talan var ikki um, at Tvøroyrar Kommun longu hevur avhendað skúlan í Trongisvági til eftirskúla. Talan er einans um eitt tilboð og verður tikið av tilboðnum, kann tað geva kommununi einar 22 milliónir í kassan. Tann peningurin skuldi allur sum hann er, markast til at umvæla og útbyggja tann stóra skúlan á Tvøroyri, sum er í sera ringum standi. Samstundis var ført fram, at fíggjarliga støðan hjá kommununi er so vánalig, at hetta er rætt og slætt ein­ asti møguleiki hjá komm­ ununi yvirhøvur at umvæla skúlan. Kommunan hevur ikki ráð at umvæla skúlan, og hon fær ikki lán til at gera tað, tí hon er so skuldar­ bundin frammanundan. Kunnu missa skúlan Eitt, sum býráðslimir óttað­ ust, er ætlanin hjá Helenu Dam á Neystabø at savna fólkaskúlan í færri, men størri skúlar og at niður­ leggja aðrar skúlar. Býráðslimir á Tvøroyri stúra nevniliga fyri, at skúl­ in á Tvøroyri er í so vánalig­ um standi, at hann fer ikki at verða góðkendur at hava skúla í. Avleiðingin kann skjótt verða, at allir teir smærri klassarnir verða lagdir inni í skúlanum í Trongisvági og at børnini í framhalds­ deildini verða flutt til Vágs ella onkra aðrastaðni at ganga í skúla, stúra býráðs­ limir á Tvøroyri fyri. Samstundis varð ført fram, at tað kostar 50 milliónir at byggja skúlan í Trongisvági út til at hýsa øllum børnunum, og tað hevur kommunan undir ongum umstøðum ráð til. Men kommunan hevur heldur ikki ráð til at umvæla skúlan í Trongisvági, og avleiðingin av tí verður, at um fá ár kann hann vera í líka ringum standi, sum skúlin úti á Tvøroyri. Og so eru tveir uppslitnir og óbrúkiligir skúlar í kommununi, siga býráðs­ limir, sum sostatt heldur vilja savna allan skúlaskapin í einum og sama skúla, sum tey fáa ráð at halda. Og tað vóru fleiri býráðs­ limir, sum søgdu, at tá ið teir tóku undir við at bjóða skúlan í Trongisvági fram til eftirskúla, var tað eina og aleina fyri at útvega fígging til at dagføra skúlan á Tvøroyri. Tað elvdi til eitt ramaskríggj, tá ið tað kom fram, at Tvør­ oyrar Býráð hevur bjóðað skúlan í Trongisvági fram til eftirskúla. Bæði skúlastýrið og skúlaleiðslan hava mót­ mælt, og á býráðsfundinum í gjárkvøldið handaði ein foreldrabólkur borgarstjór­ anum, Kristin Michelsen, ein lista við 237 undirskrift­ um frá tvørafólki, sum mót­ mæltu ætlanini og fram­ ferðini hjá býráðnum. Serliga átala tey, at býráðið tekur eina slíka avgerð uttanum allar skúla­ myndugleikar á staðnum, uttan at kunna foreldrini og uttan at greiða frá, hvussu ætlanin er at skúlagongdin skal vera framyvir. Á fundinum royndu býráðs­ limir at sissa fólk og í tí sam­ bandi varð gjørt púra greitt, at ongin avgerð er tikin, og tað verður heldur ongin avgerð tikin, fyrrenn skúla­ stýrið og skúlaleiðslan eru hoyrd og tikin við upp á ráð. Sostatt skal ongin avgerð smoyggjast niður yvir tvørafólk. ­ Tað einasta, býráðið hevur gjørt, er at bjóða skúlan fram. Endar politiska telvingin við, at menta­ málaráðið er sinnað at taka av tilboðnum, verður málið lagt fyri býráðið aftur, og tá verða bæði skúlastýri og skúlaleiðsla hoyrd og tikin við upp á ráð, staðfestu býráðslimir. Annars kom fram á fundinum í gjárkvøldið, at Tvøroyrar býráð er ikki samt í málinum. Jens Johannesen úr Javnaðarflokkinum vil heldur bjóða skúlan á Tvøroyri út til eftirskúla og byggja skúlan í Trongisvági út, so hann kann hýsa øllum børnunum. Men hann fekk greitt at vita, at tað hevði kommunan yvirhøvur ikki ráð til. Malla Dam, eisini úr Javnaðarflokkinum, hevði tikið undir við ætlanini, men mælti til at taka støðu av nýggjum, í hon helt, at hon hevði tikið støðu útfrá skeivum fortreytum. Hon segði, at síðani samtyktina í býráðnum er hon komin eftir, at býráðið kann ikki taka eina avgerð um slíkar bygnaðarbroyt­ ingar, uttan at hava hoyrt skúlamyndugleikarnar á staðnum fyrst, og tað er ikki hent enn. Aðrir býráðslimir førdu fram, at talan er ikki um bygnaðarbroytingar, men um at taka støðu til ein skúlabygning, sum komm­ unan átti og einsamøll hevur ræði á.Og tað er bara sjálvan skúlan, sum Býráðið hevur bjóðað fram til eftir­ skúla. Ítróttarhøllin, skifti­ rúm og tað, sum annars hoyrir til høllina er ikki við, og eftiskúlin má so gera avtalu við kommununa um at brúka hann, saman við øllum ítróttarfeløgunum og øðrum, sum annars brúka høllina. Avtala skal eisini gerast við dagrøktina, frítíð­ arskúlan og útibarnagarðin, um økið uttanfyri skúlan. Tvøroyrar Býráð vil selja skúlan av neyð Býráðslimir á Tvøroyri sigur, at tey hava bjóðað skúlan í Trongisvági fram til eftirskúla fyri at hava ráð til at hava ein góðan skúla í býnum ístaðin fyri tveir, sum tey ikki hava ráð at halda. Annars stúra tey fyri, at tey missa framhaldsdeildina av Tvøroyri. Hesa myndina av skúlanum í Trongisvági tók TuriðV Ongin avgerð smoygd niðuryvir tvørafólk Varandi arbeiðsloysi Altjóða samfelagið skal brynja seg við toli í hesum kreppu­ tíðum, tí væntandi fer arbeiðsloysið at standa við í einar átta ella kanska tólv mánaðir afturat. Tað heldur í hvussu er aðalstjórin í Altjóða Gjaldoyragrunninum, Dominique Strauss­Kahn. Grunnurin hevur hildið fund í Istanbul, og tað var á tíðindafundi har, at IMF­stjórnin kom við sínum dapra spádómi. Hann segði, at arbeiðsloysið er ovasta málið á dagsskránni í Istanbul, har øll tey 186 limalondini eru umboða. IMF­stjórin legði afturat, at í menningarlondum kann arbeiðsloysið vera ein spurningur um lív ella deyða. Einki lán enn Fyrradagin fingu íslendingar tilsøgn um lán úr Póllandi, men teir noyðast eftir øllum at døma at brynja seg við toli, táð tað snýr seg um eitt tilsvarandi lán frá russum. Russiska stjórnin hevur langt síðani sagt seg vera sinnaða at læna íslendingum 500 milliónir dollarar, men tað dregur út við teirri endaligu tilsøgnini. Í gjár hitti íslendski fíggjarmálaráðharrin, Steingrímur J. Sigfússon, russiska starvsbróðurin Alexei Kudrin, mrn hrldur ikki tá fekst endalig semja. Kudrin segði aftan á fundin, at samráðingarnar halda fram, tí russar ætla at kunna seg betur um viðurskiftini í Íslandi.