mikudagur 7. oktober 2009síða 2

2 tíðindi Nr. 191 - 7. oktober 2009 Føroysk luttøka á DanFish International Í dag, morgin og fríggjadagin er danski býurin Ålborg karmur um DanFish Inter­ national fiskivinnustevnuna. Stevnan verður hildin í Aalborg Messe­ og Kongres­ center, og við verða fleiri enn 300 framsýnarar, sum fara at vísa fram sítt útboð. Fram­ sýningin verður á tilsamans 9000 fermetrum, og sambært fyrireikarunum verða bæði framsýnarar og stevnugestir úr fleiri heimspørtum. Millum føroysku útbjóðararnar, sum eru við á DanFish International, eru eitt nú Vónin, Teymavirkið, Expro, Kj­ Hydraulik og Sp/f Rock. Nakrar av føroysku fyritøkunum eru á felags bási, meðan aðrar eru á egnum bási. DanFish stevnan læt upp í morgun og verður opin til og við fríggjadagin, tá dyrnar lata aftur. Fyrilestrar og onnur tiltøk verða eisini, meðan stevnan verður hildin í Ålborg. DanFish International verður hildin annað hvørt ár, og í 2007 vóru 13.876 vitjandi, og talið av framsýnarum var umleið 400 – úr 23 londum. Mugabe vil samstarva Fotsetin í Zimbabwe, Robert Mugabe, sigur seg nú vera til reiðar at samstarva við tey londini, sum hava funnist ser­ liga hvassliga at hansara politikki, men treytin er, at øll til­ tøk ímóti Zimbabwe verða sett úr gildi. Fyri minni enn fjúrtan døgum síðani segði Mugabe, at lond í Vesturheim­ inum royndu at forkoma zimbabwisku stjórnini og landsins búskapi. Nú sigur hann seg vera sinnaðan til samstarv, men Reuters skrivar, at fleiri lond ivast. Tey aftra seg við at styðja Zimbabwe fíggjarliga, tí tey bera ótta fyri, at pengar­ nir enda í lummunum hjá forsetanum og hansara stuðlum. AVGJALD Leo Poulsen leo@sosialurin.fo Vága Floghavn hevur boðað frá, at ferðafólkaavgjaldið hækkar í trimum stigum, 35 krónur í ár, við 10 krónum í 2010 og við 10 krónum í 2011. Hetta kann tykjast undar­ ligt, tá landsstýrið samstund­ is tykist leggja stóran dent á at marknaðarføra Føroyar sum ferðamannaland, júst við tí fyri eyga, at lokka fleiri ferðafólk til landið. Út frá hesum kann tað virka undarligt, at avgjaldið verður hækkað heldur enn lækkað. ­ Vága Floghavn hevur ikki so nógvar møguleikar at økja um inntøkurnar. Talan er um eitt partafelag, og tað skal handla ábyrgdar­ fult, og tað ber jú ikki til at hava undirskot á roknskap­ inum ár undan ári, sigur Johan Dahl, ið sum polit­ iskur myndugleiki varðar av Vága Floghavn. Hann sigur, at útbyggingin av flogvøllinum fer at økja um møguleikarnar hjá Vága Floghavn, og at betraðar umstøður alt annað líka eiga at skapa betri fortreytir fyri kapping. ­ Vit vilja jú fegin verða limir í europeiska flogfel­ agsskapinum, ECAA, fyri at útvega Atlantsflog øktar kappingarmøguleikar, og ein longri flogvøllur gevur møguleika hjá størri flogfør­ um at nýta Vága Floghavn, og um ikki nakað katastro­ falt hendir, eigur hetta at økja um møguleikarnar, sig­ ur Johan Dahl. Lækka ferðaavgjaldið Landsstýrismaðurin heldur, at tað ikki er rætti vegurin, at hækka avgjøld fyri at koma til Føroya. Men spurn­ ingurin er ikki so einfaldur heldur. ­ Fyri at betra um fortreyt­ irnar eru útbyggingar gjørd­ ar á terminalinum, og tað eigur at skapa størri inn­ tøkur. Men Vága Floghavn skal eisini lúka altjóða krøv, og tað kostar eisini pening, sigur Johan Dahl. Hann vísir eisini á, at tað er ikki hann, sum ásetur avgjaldið, hann skal bara sum politiskur myndugleiki góðkenna – ella vraka – ásetingarnar. ­ Vit hava ein møguleika at regulera kostnaðin, tí landið krevur eisini eitt avgjald fyri at ferðast til og úr Føroyum. Tí mugu vit nú fara at hyggja nærri eftir hesum ferðaavgjaldinum, sigur Johan Dahl. Landsstýrismaðurin sig­ ur, at hann ongantíð hevur verið av teirri fatan, at ferða­ avgjaldið til landið skuldi vera nakað varandi avgjald. ­ Ein lækkan av ferðaav­ gjaldinum til landið fer sjálvandi eisini at ávirka prísin hjá Smyril Line, og hevði verið eitt positivt stig mótvegis ferðavinnuni, sig­ ur Johan Dahl. Enn er málið kortini ikki umrøtt í samgonguni, men sambært Johan Dahl er hetta nakað, hann fer at taka upp. Ivast um partafelag Johan Dahl sigur, at hann var sjálvur við til at skipa leiðsluna av Vága Floghavn í eitt partafelag, og hóast hann var nakað ivasamur, serliga tí eitt partafelag skal avskriva ognirnar og harvið hava eina størri inntøku enn um talan var um almenna ogn, so heldur hann, at tað var rætta stigið at taka. ­ Nevndin í Vága Flog­ havn hevur gjørt eitt muna­ gott arbeiði, og tað vísir bara, at vit tóku røttu av­ gerðina, tá Vága Floghavn í juli í fjør varð gjørd um til eitt partafelag, sigur Johan Dahl. Men um floghavnin skal verða verandi skipað sum eitt partafelag ivast hann eitt sindur í. ­ Vága Floghavn virkar væl undir partafelagsformi, men um hetta er rætta loysnin upp á sikt, er ikki vist, sigur Johan Dahl uttan at koma nærri inn á, hvussu langt tíðarskeið upp á sikt merkir. Men fyribils er landsstýr­ ismaðurin nøgdur við nevndina og tað arbeiði, hon ger. Gott arbeiði uppvigar avskrivingar Johan Dahl heldur, at nevndin í Vága Floghavn hevur gjørt og framvegis ger eitt dygdargott arbeiði. Men um partafelagsformurin er loysnin upp á sikt, ivast hann eitt sindur í Tað kann tykjast at vera ein ávís andsøgn í, at Vága Floghavn hækkar avgjaldið hjá teimum ferðandi, samstundis sum politiski viljin ynskir at draga fleiri ferðafólk til Føroya