mánadagur 12. oktober 2009síða 4

4 tíðindi Nr. 194 - 12. oktober 2009 Listasavn Føroya hevur trý ymisk til tøk í samband við Savns­ fagnaðin í oktober. Í heystferiuni verður myndaveiða við lær­ andi avbjóðingum fyri børn og foreldur, eftir heystfrítíðina verður eitt slag av lista skúla við fokus á orku, og sein ast í oktober er inn­ latingar freist til stóra altjóða tekning kapp­ ing, har 10 føroysk børn sleppa at sýna fram í India SAvnSfAgnAður Dorit Hansen www.snar.fo Børn eru kreativ og opin, men tey fylla sjálvdan nógv á almennum listafram sýn­ ingum. Hendan mánaðin verður støðan tó væntandi øðrvísi, í øllum førum á Listasavni Føroya, sum hev ur fyrireikað seg til ta heilt stóru barnainnrásini í heystfrítíðini. – Vit kundu hugsa okkum at verið eitt vanligt útferð­ ar stað hjá føroyskum familj um, og vit arbeiða eis ini við ætlanum um at gera savnið meira barna­ vinarligt. Savnsfagnaðurin í heystferiuni er tí eitt gott høvi at vísa, hvussu savnið eisini kann vera spennandi fyri børn, greiðir Oggi Lam hauge, savnslærari á Føroya Listasavni frá. Í heystferiuni verður savn ið opið hvønn dag mill­ um 11 og 16 við spennandi myndaveiðu til børn og ung í øllum aldursbólkum. Mynda veiðan er leitan og uppgávur til ymisk listaverk á savninum. Til savnsfagn­ aðin fyri skúlaflokkum eftir heystfrítíðina skipar Lista­ savn Føroya fyri spennandi listaavbjóðingum, har børn bæði fáa frálæru og sjálvi sleppa at royna seg sum lista fólk. Harumframt sam­ skip ar Listasavnið eisini føroysku luttøkuna í altjóða teknikapping fyri børn, har 10 føroysk børn sleppa at luttaka í stórari framsýning í India. Myndaveiða í heystferiuni Oggi Lamhauge, savns lær­ ari, greiðir frá at tiltakið í heystferiuni, er skræddara­ seymað til familjur við børn um í ymiskum aldri. – Vit hava gjørt eitt lítið hefti við 12 ymiskum mynd um, og hvør mynd hev ur spurningar, sum eru tillagaðir fimm ymiskar aldursbólkar. Tey yngstu børnini fáa til uppgávu at finna myndina á savninum. Børn, sum eru byrjað í skúlanum fáa heilt einfaldar spurningar um myndirnar, t.d. hvussu nógvar dúgvur eru á mynd hjá Díðriki á Skarvanesi. Børn, sum duga at lesa og skriva, verða spurd eitt sind ur minni einfaldar spurn ingar, sum til dømis hvørjum tilfari ein stand­ mynd hjá Janusi Kamban er úr. Tey royndu børnini skulu taka støðu til samanspæl millum tilfar og innihald, meðan tey elstu børnini fáa meira avbjóðandi per spek­ tiverandi spurningar. Øll fáa sama lítla faldara, sum er lættur at ganga runt við á savninum, og spurn­ ingarnir til ymisku aldurs­ bólkarnir eru frámerktir við ymiskum litum. – Í heystferiuni koma for­ eldur við børnum, og tey ganga sjálvi runt í savninum, men vit eru eisini her, og bæði børn og vaksin eru væl komin at spyrja okkum, um tað er okkurt, sum tey ikki skilja, ella okkurt sum tey kundu hugsa sær at vita meiri um. Umframt myndaveiðuna verður eisini ein teknikapp­ ing í ymiskum aldursbólk­ um. Eitt horn í forhøllini er innrættað til tekni kapp ing­ ina, sum er býtt í fimm ald ursbólkar. Vinnarnir í hvørjum bólki fáa millum annað bøkur frá savninum. Umframt lokalu kappingina, hava børnini eisini møgu­ leika at luttaka í innleiðandi umfari til altjóða kapping, har 10 børn sleppa við. Meir um hetta seinni í grein ini. Listaavbjóðingar eftir heystferiuna Vikuna eftir heystferiuna hava skúlarnir heystfagnað, og tá skipar Føroya Lista­ savn fyri eitt slag av lista­ skúla. Evnið á savnsfagn­ aðinum er orka, og savns­ lær arin, Oggi Lamhauge, hevur valt tríggjar myndir, sum knýta seg at trimum sløgum av orku, alduorku, motororku og sólorku. – Vit byrjaðu at fyrireika okkum til savnsfagnaðin longu áðrenn summar fer­ iuna, og vit halda, at vit hava sett eina góða skrá sam an, sigur Oggi Lam­ hauge. Listaverkini, sum eru vald til listaskúlan, eru Aldur hjá Janusi Kamban, Bretskur trolari hjá Jack Kampmann og Hagamynd hjá Arnoldi Vegghamar. Á skúlaportalinum, www. snar.fo, hevur Listasavnið lagt innleiðandi kunning og uppgávur til tey trý lista­ verkini, sum lærarar og næmingar skulu hyggja eftir, áðrenn tey koma á savnið. Og tá flokkarnir hava vitjað, sæð listaverkini og hoyrt smáar fyrilestrar um teir tríggjar listamenninar, kunnu tey aftur fara inn á Snar, har Listasavnið eisini hevur lagt tríggjar kreativar uppgávur. – Listaskúlin gevur næm­ ingum kunning um føroyska list og um orku í list, men vit ynskja eisini at geva teimum møguleika at royna egnar listarligar gávur. Okk ara uppgáva er at vísa føroyska list, men eisini at geva íblástur til kreativt arbeiði, og tað er í tí anda at savnsfagnaðurin er fyrireik­ aður, sigur Oggi Lam­ hauge. Føroyskar tekningar til India Altjóða kappingin er býtt upp í tríggjar aldursbólkar. Fyrsti aldursbólkurin er børn millum 10 og 12 ár, næsti bólkurin eru børn og ung millum 12 og 14 ár, og elsti bólkurin eru ung mill­ um 14 og 16 ár. Teir yngru bólkarnir skulu tekna á eitt A4 pappír, meðan elsti bólkurin skal nýta A4 ørk. – Freistin at lata tekningar inn er 25. Oktober. Børn eru vælkomin at lata myndir inn, tá tey vitja okkum á Savnsfagnaðinum, men eis­ ini børn, sum ikki hava møguleika at vitja okkum hesar dagarnar, kunnu lut­ taka og senda myndir til okk ara, greiðir Oggi Lam­ hauge frá. Í altjóða teknikappingini eru fleiri evni at velja ímill­ um: vatn, lívfrøðiligt marg­ feldi, orka og rusk. Vinnandi føroysku myndirnar sleppa við á stóra altjóða lista­ fram sýning í indiska høv­ uðs staðnum, og á heima­ síðuni, www.ryanworld. org, ber til at lesa meira um kappingina Oggi Lamhauge vónar at teknikappingin, listaveiðan og listaskúlin draga nógvar familjur á Listasavnið hend an mánaðin, og hann leggur dent á, at ambitiónin er, at Listasavn Føroya verð ur eitt vanligt útferðar­ stað fyri føroyskar familj­ ur. – Okkara ætlan er, at krea tiva hornið í forhøllini verður tøkt alt árið. Eg kundi hugsa mær, at hetta var eitt stað, har børn kunnu seta seg og tekna við íblástri frá øllum tí, sum tey síggja her. Og at tey eisini hava møguleika at arbeiða trí­ dimensionelt við legokloss­ um í einum liti, umframt at tey kunnu seta seg og hyggja í listabøkur av ym ­ iskum slagi. Seinasta ár vóru á leið 500 børn og vitjaðu Lista­ savnið í heystfrítíðini, og hóast húsið ikki er stórt, bar hetta væl til, sigur savns­ lærarin. Altjóða teknikapping Ert tú millum 10 og 16 ár? Dámar tær at tekna? So hevur tú møguleikan at royna teg í altjóða teknikapping. Send eina mynd til Listasavn Føroya innan 25. oktober, og kanska verður tín mynd eina av teimum tíggju føroysku myndunum, sum sleppur við til stóra altjóða teknikapping og listaframsýning í India. Kappingin er býtt í tríggjar aldursbólkar, 10 ­12 ár, 12 – 14 ár og 14 ­16 ár. Tey elstu skulu tekna á eitt A3 pappír, meðan hini skulu tekna á A4 ark. Meira fæst at vita á www.snar.fo ella við at venda sær til Listasavn Føroya. Listasavnið er eisini fyri børn Oggi Lamhauge, savnslærari, framman fyri mynd hjá Beintu av Reyni, sum er sera væl dámd millum føroysk børn. – Listin hjá Beintu er nýrealistisk, og børn halda hana vera spennandi, tí myndirnar eru atkenniligar og hava ein tekniseriustíl. Og so eru evnini eisini øðrvísi og áhugaverd hjá børnum at tosa um, staðfestir savnslærarin