mánadagur 19. oktober 2009síða 22

22 ÍTRÓTTARBLAÐIÐ Sosialurin 19. oktober 2009 – Nr. 199 Mansdysturin millum SÍ og Fleyr gjørdist ein fimm­ settari, ið hevði alt tað, ein spennandi flogbóltsdystur skal hava. Verður ein fimm­ settari í hvørjum umfari, boð a r tað frá einum góðum vetri Fyri viku síðani vóru tað kvinnurnar hjá Fleyr og Drátti, sum máttu spæla fimm sett, áðrenn ein vinnari var funn in, og í gjár var Fleyr enn eina ferð partur av einum fimmsettara, tá menninir vóru í Sørvági. Kappingin er enn bert tvey umfør gomul, so tað boðar frá góðum, at dystirnir eru bæði spennandi og drúgvir. Menninir hjá Fleyr sóu eisini út til at fáa fatur í rætta endanum, tá teir vunnu tey bæði fyrstu settini ímóti SÍ. Í triðja setti gjørdist tað javnt, og støðan var 23-23, so her kundi Fleyr havt tikið alt, hevði tað gingið tann vegin. Men í staðin vann SÍ 25-23, og so byrjaði tað at líkjast einum drama. Í fjórða setti gjørdist enn eina ferð 25-23, og við settstøðuni 2-2 var greitt, eitt fimta sett mátti til. Her tóktist SÍ koma betur frá byrjan og kom á odda 12-9, áðrenn Fleyr svaraði aftur, men helt tó ikki allan veg in, tí SÍ vann setti 16-14 og dystin 3-2. Í hinum mansdystinum vóru tað greipu vinnararnir hjá ÍF, sum tóku ímóti Mjølnir. Men annan dystin á rað máttu fuglfirðingar staðfesta, at byrjan in hetta kappingarárið ikki stend ur mát við endan á tí undan- farna. Mjølnir gjørdi slætt borð og vann 3-0, men hóast ÍF serliga í triðja setti royndi at býta frá sær, eydnaðist held ur ikki hesa ferð at vinna eitt sett. Dystirnir hjá monnunum eru nógv ir í tali í vetur, so enn kann nógv broytast. Tó sær út til, at tað eru SÍ og Mjølnir, ið hava fingið bestu byrjanina. So fæst at síggja, um tað heldur allan vegin, ella um ÍF og Fleyr fara at spæla seg upp, men onkursvegna tykist alt feltið eitt sind ur javnari enn síðsta kapp ingar- ár. Greiðir sigrar Hjá kvinnunum eru tað SÍ og Mjølnir, ið eru komin best frá byrjan við hvør sínum tveimum sigrum. Men longu sunnudagin verður óivað møguleiki hjá onkrum av hinum at nærkast ella blanda seg uppí, tí tá verður fyrsta toppuppgerðin í kvinnu kapp- ingini í Sørvági, har Mjølnir vitjar. Hesa ferð gjørdist talan um tríggj- ar dystir, ið allir endaðu við heima- sigr um. SÍ vann á Fleyr, Mjølnir á ÍF og Dráttur basti KÍF, og í ongum av dystunum var spenningurin so øgiliga stórur. Liðini eru tó mong í tali, so sjálvt tey, ið hava skinklað eitt sindur í fyrstu dystunum, kunnu koma upp í part, sum tað líður út á kappingina. Tað sóu vit eisini síðsta kappingarár, tá ikki færri enn fýra av liðunum høv du kjans at vinna annaðhvørt silv ur ella bronsu síðsta dystar dagin. Enn er nakað tíðliga at tosa um av ger an di tendens í kvinnu kapp- ing ini, tí ójavnt er, hvussu nógv liðini hava spælt. SÍ, Dráttur, Fleyr og ÍF hava spælt hvør sínar tveir dystir og Mjølnir og KÍF hvør sín, men enn eigur TB fyrsta dystin til góðar. Hetta skyldast millum annað, at okkurt av liðunum mestsum alt er á námsferð í senn. einslistir@kallnet.fo Hilmar Jan Hansen Flogbóltsdrama í Sørvági Flogbóltsúrslit Eikligan, kvinnur SÍ-Fleyr 3-0 (25-22, 25-15, 25-18) Mjølnir-ÍF 3-0 (25-12, 25-23, 25-21) Dráttur-KÍF 3-0 (25-13, 25-7, 25-10) Eikligan, menn ÍF-Mjølnir 0-3 (21-25, 20-25, 24-26) SÍ-Fleyr 3-2 (18-25, 18-25, 25-23, 25-23, 16-14) Fakta Tey bæði bestu mansliðini síðsta kappingarár hava fingið misjavna byrjan, tí meðan SÍ hevur vunnið báðar sínar dystir, hevur ÍF enn bara tapt Savnsmynd: Álvur Haraldsen Owen skal vitja Anfield Michael skoraði í síni tíð sum Liverpool-spælari imponerandi 160 mál í 300 dystum, men áleyparin væntar so eingi stuðulsróp frá áskoðarunum, tá hann og Manchester United fara til Anfield komandi sunnudag. – Eg má vera realistiskur. Sjálvandi vil eg gjarna, at fólk í Liverpool minnast meg fyri tað, sum eg havi gjørt fyri felagið. Men eg vænti mær ikki nakra hjálp, nú eg spæli fyri arvafíggindarnar, sigur Owen við Mail on Sunday. Nygaard vil til HM 33 ára gamli Marc Nygaard, sum hevur ættarbond av Tvøroyri, hevur ikki slept vónini um at sleppa til HM-endaspælið við danska fótbóltslandsliðnum. Nygaard var í vár toppskjútti í donsku superliguni, menn enn hevur hann ikki funnið vegin til meskarnar hetta kappingarárið. – HM er framvegis ein dreymur hjá mær. Men tað snýr seg fyrst og fremst um, at eg skal finna støðið frá seinasta kappingarári aftur, sigur Marc Nygaard við Politikken. Nygaard hevur sjey ferðir spælt á danska A-landsliðnum.