týsdagur 20. oktober 2009síða 13

13 tíðindi Nr. 200 - 20. oktober 2009 Tað er ikki á hvørjum degi, at allir seks flokkar á tingi saman seta eitt uppskot fram, men tað hendir í málinum um skerj­ an av útláti av veður­ lagsgassum. – Tað hevur ómetaliga stóran týdning út eftir, at vit standa saman. Hetta er ein tjóðarsemja, sigur Annika Olsen, landsstýriskvinna í umhvørvismálum ÚTLÁT Leo Poulsen leo@sosialurin.fo Annika Olsen, lands stýris­ kvinna í umhvørvismálum, legði fyrrapartin í gjár eitt einmælt »Uppskot til sam­ tyktar um at skerja føroyska útlátið av veðurlagsgassum« fram á einum tíðindafundi í Løgtinginum. Hvussu stóran dent leggur so landsstýriskvinnan á, at tað eru allir flokkar á tingi, sum eru samdir um at leggja uppskotið fram. ­ Tað hevur ómetaliga stóran týdning. Tað politiska kjakið, sum hevur verið í politiska fylgibólkinum, hev ur verið ómetaliga gev­ andi og hevu víst, at vit hava eitt felags stev í hesum máli. Tað hevur ómetaliga stóran týdning, at vit fáa eina breiða semju í hesum máli, tí hetta er eitt mál, sum røkkur tvørtur um fleiri samgongur, og tí var neyðugt, at hetta gjørdist eitt felags mál fyri andstøðu og samgongu, sigur Annika Olsen. Landsstýriskvinnan sigur, at semjan eisini fer at hava stóran týdning í mun til tað mandat, sum Føroyar fara at hava úteftir í sambandi við veðurlagsráðstevnuna í Keypmannahavn í desemb­ er, og tann sáttmála, sum hon vónar verður undir­ skriv aður har. ­ So sjálvt um tað sær eitt sindur dapurt út beint nú, so hava vit í hvussu er eitt mandat at fara í samráðingar um sjálvan sáttmálan, sigur Annika Olsen. Skal fremjast Tað er eingin loyna, at tað verri enn so er vanligt, at allir flokkar á tingi eru samdir um at leggja eitt uppskot fram, so hevur tað verið trupult at finna fram til semju. ­ Nei, eg haldi ikki, at tað hevur verið trupult. Eg haldi, at øll hava sæð týdn­ ingin av hesum málinum. Tað eru sjálvandi summi, sum hava ynskt at fingið onnur ting við og ynskt ein størri niðurskurð, men tá alt kemur til alt hava vit sama hugburð um hetta málið, og tí hevur tað ikki verið so trupult at finna eina semju, sigur Annika Olsen. Tað hevur eisini verið ein politiskur fylgibólkur, sum hevur málinum, og lands­ stýriskvinnan heldur, at tað hevur verið ógvuliga kon­ struktivt íkast til kjakið, sum hesin fylgibólkur er komin við. ­ Tað hevur eisini týdning at nevna, at eingin er ósamdur í tí, sum komið er fram til, og øll taka undir við tí, sjálvt um onkur kanska hevur onnur ynski. Og tað vísir eisini, at vit í veruleikanum hava eina tjóðarsemju í hesum málin­ um, sigur Annika Olsen. Hevur tað so størri tyngd, at tað er eitt samlað løgting, ið stendur aftan fyri upp­ skotið við atliti til veður­ lagsráðstevnuna, sum verð­ ur í Keypmannahavn í de ­ sember. ­ Avgjørt. Tað hevur nógv størri týdning, enn vit geva okkum far um. Og eg vil takka andstøðuni fyri at vera ótrúliga konstruktiv í hesum málinum og givið sítt dygga ískoyti. Tað hevur eisini havt sína ávirkan og hevur førka nøkur ting, so eg haldi, at vit hava eitt gott mál, sum vit kunnu semjast um í hesum førinum, sigur Annika Olsen. Hon leggur dent á, at sjálvt um eingin sáttmáli verð ur undirskrivaður í Keyp mannahavn, so er semja um at fremja hetta uppskotið kortini. ­ Hetta fer at styrkja okk­ ara búskap, tá vit fara at leggja um frá fossilum brennievni, altso olju, yvir til meira varandi orkukeldur, sigur Annika Olsen. Fyrsta stigið Tað hevur nakað av rumbli staðist uttan um veður lags­ ráðstevnuna í Keypmanna­ havn. Eitt nú hevur sam ráð­ ingarleiðarin hjá um hvørv­ isráðharranum, Conn ie Hede gaard, Thomas Becker, lagt frá sær vegna ruðul í skjølunum, og USA er kom ið við negativum út ­ sagn um, so hvørjar vónir hevur landsstýriskvinnan til ráðstevnuna í Keyp­ manna havn. ­ Man skal jú ongantíð geva upp uppá forhond. Vit eru í einari ógvuliga við­ brekn ari tíð nú. Tað styttist fram móti jólum og sjálvari ráðstevnuni, men eg eri onga løtu í iva um, at tá alt kemur til alt, so síggja fólk álvaran í hesum, og at ein semja verður gjørd, sigur Annika Olsen. Hon sigur, at tann semjan, sum flokkarnir her heima hava funnið, hevur avgjørt ógvuliga nógv at siga. Hetta er fyrsta stigið, og lands­ stýris kvinnan vónar, at Føroyar kunnu síggjast aft­ ur í sjálvum sáttmálanum. ­ At kunna vísa, at Før­ oyar standa sum eitt navn á einum sáttmála, tað er tað, vit fara eftir, sigur lands­ stýriskvinnan. Ómetaligan týdning at standa saman Annika Olsen heldur, at tað er av alstórum týdningi, at tað er eitt samt Løgting, ið tekur undir við uppskotinum um at skerja útlátið av veðurlagsgassi Mynd: Jens Kristian Vang Rick viknaði Í fleiri dagar hava fólk har norðuri í Meksiko gingið við ótta og bíðað eftir ódnini Rick, sum var á veg ímóti landi uttan úr Kyrrahavinum, og sum sambært veðurfrøðingunum var tann riongasta í fleiri ár. Men nú hava veðurfrøðingarnir boðað frá, at Rick er viknað so nógv, at nú er talan um ein tropiskan storm nú. Samstundis fyrireika fólk í Filipsoyggjunum seg til ódnina Lupit, sum nærkast tí norðara partinum av landinum. Veðurmenninir siga, at Lupit kann blíva verri enn tær báðar ódnirnar, sum fyri nøkrum vikum síðani kravdu 850 mannalív. Sløkkiútgerð stolin Landsverk skrivar á heimasíðu sínari, at onkur hevði fragd av at stjala eldsløkkiútgerðina í Norðskálatunlinum um vikuskiftið. Fráboðanar­ skipanin í tunlinum fór ígongd klokkan hálvgum tvey fríggjanáttina, og alt fyri eitt varð staðfest, at fráboðanin stavaði frá fýra neyðtelefon­ skápum í tunlinum. Bummarnir fóru niður sjálvvirkandi og Norðskála­ tunnilin varð stongdur. Politiið fór á staðið og kundi staðfesta, at talan ikki var um nakað óhapp í tunlinum, og tunnilin varð latin upp aftur fyri ferðslu. Nærri kanningar vístu, at orsøkin til fráboðanina úr teimum fýra ymisku neyðtelefonskápunum í Norðskálatunlinum fríggjanáttina var, at eldsløkkjararnir í júst hesum skápum vóru horvnir.