mánadagur 9. november 2009síða 4

4 tíðindi Nr. 214 - 9. november 2009 Løgreglan í Suðuroy stongdi sunnunáttina Segl­ loftið á Tvøroyri, tá klokkan varð blivin hálvgum fýra. Orsøkin til tað var, at eitt glas varð tveitt út gjøgnum eitt vindeyga, og rakti niður á ein bil, sum stóð parkerað­ ur frammanfyri bygningin­ um. Vakthavandi á Løgreglu­ støðini á Tvøroyri váttar, at teir høvdu hoyrt graml um, at rúsdrekka varð skonkt til ómyndug, men sigur, at teir einki sóu tá teir vóru har, og at einki tískil kann prógv­ ast. Talan var um eitt vanligt øl­ ella sjussglas, sum fór út gjøgnum rútin, og rakti forrútin á parkeraða bilin­ um. Einki verður sagt um stórvegis skaða av glasinum tó. Burtursæð frá at teir føldu seg noyddar at rudda út á Seglloftinum á miðjari nátt, sigur vakthavandi at vikuskiftið í Suðuroy hevur verið fyrimyndarliga gott og friðarligt. Onkrir bilfør­ arar eru steðgaðir til kann­ ingar, men alt hevur verið í lagi, sigur vakthavandi á Løgreglustøðini á Tvør­ oyri. - RN Ruddaðu Seglloftið sunnunáttina Seglloftið, ið hoyrir til býarlívið á havnarlagnum á Tvøroyri, varð um vikuskiftið ruddað út. Henda myndin er tikin á Pubbini, ið hoyrir til sama felag Savnsmynd Sviar spyrja um hjáárin Svensku fjølmiðlarnir vilja nú hava at vita, um sviar, sum fáa hjáárin av koppingarevninum ímóti H1N1, kunnu krevja endurgjald frá fyritøkuni, sum hevur gjørt evnið. Spurningurin er íkomin, nú tað er komið fram, at danska stjórnin hevur gjørt avtalu við heilivágfyritøkuna Glaxo Smith Kline um, at danir kunnu ikki krevja endurgjald fyri møguligt hjáárin av koppingarevninum. Svensku heilsumyndugleikarnir hava viðgingið, at ein partur av avtaluni við Glaxo Smith Kline er loyniligur, men nú krevja svensku fjølmiðlarnir, at tann loyniligi parturin verður almannakunngjørdur. Ikki finnlendingur Finski forsætisráðharrin, Matti Vanhanen, væntar ikki, at nakar finnlendingur kann fáa starvið sum tann fyrsti uttanríkisráðharrin hjá ES, og hann hevur heldur ongar vónir um, at Finnland fær tann fyrsta forsetan í samveld­ inum. Tað sigur Vanhanen í samrøðu við Huvudstadsbladet. Tað hevur ljóðað at finski ES­kommiserurin Olli Rehn kann koma upp á tal sum ES­uttanríkisráðharri, men tann møguleikin minkaði munandi, tá javnaðarbólkurin í ES­ tinginum gjørdi av at styðja bretska uttanríkisráðharran, David Miliband, skrivar finska blaðið. Í politifrágreiðingini fyri vikuskiftið, er tað serliga herverk, ið fyllir væl upp. Í øllum førum sjey tilburðir í Havn eru fráboðaðir. Í miðbýnum í Havn fekk onkur bilur eisini toyggið leygarnáttina, og er talan har um sera umfatandi skaðar. Eisini eru nøkur innbrot fráboðað, millum annað vóru nakrir málningar stoln­ ir í einum handli á Áarveg­ num, meðan onkur eisini hevði stolið eitt sindur av peningi úr kioskini umborð á Smyrli. Hesir gernings­ menn eru fangaðir. Tvær ferðir eru politivið­ tøkurnar eisini brotnar, og verða teir mennirnir ákærdir fyri hetta. Eitt slíkt brot úrslitar í eini bót. Onkur klipp í koyrikortið vóru eisini givin um viku­ skiftið. Leygardagin seinna­ part vórðu tvey klipp givin í Kaldbaksbotni fyri ferð, fyri ávikavist 106 og 108 kilometrar um tíman. Eisini hevur onkur verið somikið djarvur at yvirhála inni í einum tunli, og tað kostar somuleiðis eitt klipp í koyrikortið. Fyrrapartin í gjár fekk MRCC eisini eina fráboðan, tá ein bátur hevði mist mot­ orkraftina. Talan var um ein 24 fót plastbát, sum varð staddur suður úr Gomlu Rætt, tá brekið kom á. - RN Vikuskiftið merkt av herverki Áhugaverdir fyri­ lestrar um Darwin, og hansara ávirkan á bókmentir, jarðfrøði og um ættartalvur verða á Náttúrugripa­ savninum mikukvøld­ ið 11. november 2009 VÍSINDI Tíðindaskriv Tríggir ymiskir fyrilestrar eru á skránni: Turið Sigurðardóttir heldur fyrilestur ha r evnið er ávirkanin á bókmentir, Rolf Guttesen heldur fyrilestur við heitinum »Heiman og handan Dar­ win. Filosofiskir tankar um evolutiónsteoriina« og Gunnvør D. Hoydal hev­ ur fyrilestur um fylogeni (ættartalvur) og biosemio­ tik (samskifti sínámillum og við umhvørvið hjá liv­ andi verum). Høvi verður eisini at síggja smærri framsýning­ ar við lutum úr føroysku náttúruni, ið lýsa læru Dar­ wins. Tiltakið verður í fram­ sýningarhølunum hjá Nátt­ úrugripasavninum á Debes­ artrøð mikukvøldið 11. november 2009, kl. 19.30. 2009 serstakt Darwin ár Tiltakið 11. november er fjórða og síðsta tiltakið í røðini, ið verða skipað í sambandi við, at 2009 er lýst sum eitt serstakt Dar­ win ár – tað eru 200 ársíðani Charles Darwin varð borin í heim, og 150 ár síðani bókin On the Origin of Species kom út. Og hetta vilja vit eisini hátíðarhalda í Føroyum. Fróðskaparfelagið, Lív­ frøðingafelagið og Náttúru­ gripasavnið hava í felag lagt eina skrá tilrættis fyri 2009, har vit á ymiskan hátt lýsa persónin Charles Dar­ win, læruna um lívmenning og hvønn týdning hansara arbeiðið eftirfylgjandi hev­ ur havt á m.a. lívfrøði, heimspeki og bókmentir. ­ Læran hjá Darwin – at tær livandi verurnar eru vorðnar til við náttúrligari útveljing gjøgnum millión­ ir av árum – hevur kollvelt okkara fatan av heiminum, og hevur lært okkum at síggja okkum sjálvi sum ein part av náttúruni, siga Fróðskaparfelagið, Lívfrøð­ ingafelagið og Náttúru­ gripasavnið í tíðindaskrivi. Tríggir fyrilestrar um ávirkanina hjá Darwin Tað kemur javnan fyri at bardagi tekur seg upp í Klubbagarðinum og hetta vikuskiftið var heldur einki undantak. Onkur er vorðin meldaður fyri harðskap Tilvildarlig mynd