fríggjadagur 18. desember 2009síða 1

45 Rákið – desember '09 1 litur av mjólk 1½ dl av rísingríni 1 klovin vaniljustong 2½ dl av róma 2½ dl av súrróma 18% 1 spsk. av sukri 75 g av smátt skornum mandlum Lat grýnini og vaniljustong í mjólkina og kóka við jøvnum hita. Rør í grýtuni so, at mjólkin ikki brennist í botninum. Tak grýtuna av hitanum, tá ið grýnini eru vorðin til greyt og set at kólna. Píska róma og sukur til skúm og blanda við súrrómanum og greytinum. Koyr mandlur í. Jarðber og rabarbusós: 250 g av jarðberum Sitrónsaft og sukur 6 stelkar av rabarbum 2-2½ spsk. av vatni 8 spsk. av sukri Jarðber og rabarbusós: Sker jarðber í kvartar og stroy sitrón og sukur omanyvir. Sker rabarburnar í 3-4 cm stórar bitar, legg í eina grýtu og lat vatn og sukur í. Kóka við lítlum hita, til bitarnir eru moyrir. Blanda rabarbur og jarðber saman og hav sósina til greytin. 2 dunnubringur, uml 300 g hvør 25 g av smøri ½ tsk. av grovum salti Pipar Rist nakrar skurðir í bringuskinnini og krydda við pipari. Legg á heita pannu við smøri og steik við lítlum hita, fyrst útsíðuna í uml. 12 minuttir, so innsíðuna í uml. 15 minuttir, ella til gjøgnumstokt er. Tak av og krydda við salti. Legg staniol útyvir og lat standa í einar 10 minuttir.. Appilsinsós: 2 spsk. av soðnum frá pannuni 1 dl av nýpressaðari appilsinsaft 2 dl av róma 1 tsk. maizenamjøl kalt vatn ¾ tsk. av grovum salti Pipar Appilsinsós: Koyr 2 spsk. av soðnum frá pannuni í eina grýta saman við appilsinsaft og róma. Fá upp á kók og rør maizenamjøl út í kalt vatn og javnað sósina. Kóka við lítlum hita í uml. 1 minutt. Smakka til við salti og pipari. Grøn waldorfsalat: 1 salathøvd, t.d. frisésalat ella blaðsalat 1 bakki av feldsalati ella rukola 4 stelkar av blaðsellarí 1 purra 2 súreplir 100 g av grønum ella bláum víndrúvum 50 g av valnøtukjarnum Eitt sindur av sitrónsaft Dressingur: ½ dl av olivenolju 1 spsk. av balsamicoediki ½ tsk. av havsalti ½ tsk. av dijonsinnopi Grøn waldorfsalat: Sker salatið í stór stykkir og blaðsellarí og purru í tunnar flísar. Sker víndrúvurnar í helvt og súreplini í puntar. Dyppa puntarnar í sitrón, so at teir ikki verða brúnir. Blanda dressingina og koyr oman yvir salatið. Blanda salatið væl og pynta við valnøtukjarnum. Dunnubringa við appilsinsós og waldorfsalati (2 persónar) Rís à la Oddvør Oddvør fær einglarnir at syngja Dunnubringa við appilsinsós og mandlurís a la Oddvør. Royn spennandi jólauppskriftirnar úr nýggju kókibókini hjá Oddvør Skarðhamar. Vit á Rákinum hava longu verið í køkinum og kunnu lova, at himmiríkið er nær – serliga fall appilsinsósin í góða jørð Lagt til rættis: Rigmor Dam