mikudagur 23. desember 2009síða 30

46 Nr. 246 - 23. desember 2009 tíðindi S einasti fimm vikurnar hava vit hvønn dag sæð nógvar fittar myndir av børnum í Sosialinum í samband við Myndakappingina, sum vit, saman við Betri pensjón hava skipað fyri. Jól og børn hoyra saman og tí avgjørdu Sosialurin og Betri pensjón, at skipa fyri eini kapping, har børnini vinna. Og undir­ tøkan hevur verið stór – næstan 300 myndir av fittum børnum eru komnar inn og tíverri hevur ikki verið rúm fyri øllum í blaðnum. Vinnarar 2. virðislønin á kr. 5.000, vann Egil Horn úr Havn og 3. virðisløn kr. 2.500, vann Billa Winther Jákupsdóttir, eisini úr Havn. Harumframt hevur verið lutakast um 5 ferðir kr. 1.000, so sigast kann ikki annað enn, at Betri pensjón, sum letur allar vinningarnar, rættiliga hevur verið í jólahýri. Nú er so tíðin komin at avdúka vinnaran. Jens Kristian Vang, fotografur og Pætur Jensen, grafikari hava avgjørt, at besta myndin í kappingini var av Eyð á Reynatúgvu, sum býr á Signabø. Sambært treytunum hava teir hugt eftir motivinum, litsamansetingini, ljósi og annars hvussu myndin er sum heild. Talan hevur sostatt ikki verið um eina vakurleikakapping. Lítla Eyð kom inn á gólvið í Miðlahúsinum at taka ímóti stóra kekkinum, sum stjórin hjá Betri pensjón, Mortan Poulsen, handaði henni. Vit fingu eitt lítið prát við pápa hennara, Niels á Reynatúgvu, sum hevur tikið myndina við einum Sony A700 myndatóli. Myndin av henni har hon situr og hugsar, er tikin á páskum, tá hon fylti 3 ár; vanliga vil Eyð ikki sita so still, tá tey taka myndir av henni. Vónandi fær hon teir glitriskógvarnar í jólagávu, sum hon ynskir sær. Besta barnamyndin funnin Mortan Poulsen, stjóri hjá Betri pensjón handar Eyð á Reynatúgvu stóra kekkin uppá 10.000 kr. Jens Kristian Vang Myndin, sum vann 1. virðisløn