fríggjadagur 12. februar 2010síða 24

24 Nr. 30 - 12. februar 2010 Ætlanirnar hjá Strandferðsluni at seta Rituna í sigling í Norðoyggjum og Ternuna at røkja Nólsoyarleiðina hava verið alment kendar leingi, og tí kemur tað óvart á leiðsluna í SSL, at ferjulega ikki verður klár í Nólsoy fyrr enn um ársskiftið SAMFERÐSLA Leo Poulsen leo@sosialurin.fo Tað kom heldur óvart á stjóran á Strandferðsluni, Boga Mortensen, at eingin ferjulega verður tøk til Ternuna í Nólsoy, fyrr enn í fyrsta lagi um ársskifti. - Vit vóru greið yvir, at tað fór at draga nakað út við ferjuleguni í Nólsoy, men at tað skuldi gerast so seint, høvdu vit ikki roknað við, sigur Bogi Mortensen. Hetta kemur sjálvandi at ávirka ætlanirnar hjá Strandferðsluni at seta Tern- una inn á Nólsoyarleiðina. - Hetta mugu vit taka upp á fundi við havnanevndina í Tórshavnar kommunu og við skipaleiðsluna fyri at staðfesta, um tað ber til at sigla við Ternuni undir verandi havnarviðurskiftum í Nólsoy, sigur Strand- ferðslustjórin. Sjálvur vil stjórin ikki gera seg klókan upp á verandi havnarviðurskifti í Nólsoy. - Nú veit eg ikki, hvussu nógv skil eg havi fyri havn- arviðurskiftum sum so, men Ternan hevur røkt siglingina til Nólsoyar við verandi viðurskiftum, so tað er møguligt, at tað kann lata seg gera, sum støðan er í løt- uni, sigur Bogi Mortensen. Tað gongur móti ljósari tíðum, og harvið frægari veðurútlitum. Eru í samskifti Formaðurin í havnanevndini í Tórshavnar kommunu, Jákup Símun Simonsen, segði við blaðið í gjár, at teir vildu ikki far undir nakra verkætlan, fyrr enn teir høvu vissu fyri, at ætlanin hjá Strandferðsluni um at seta Ternuna inn á Nólsoyarleiðina gjørdist veruleiki. - Eg skilji fyri so vítt teirra sjónarmið. Játtanin kom seint í fjør, og sjálvt um Strandferðslan leingi hevur arbeitt við hesari ætlanini og eisini hevur verið í samskifti við havnanevbndina hjá Tórshavnar kommunu, so tók tað drúgva tíð at avgreiða játtanina, sigur Bogi Mortensen. Ternan stendur í løtuni á beding hjá MEST í Havn og skal eftir ætlan verða liðugt umvæld síðst í mars, so neyðugt verður við einari skjótari avgerð um Nóls- oyarleiðina í summar. - Sjódeildin hjá Strand- ferðsluni er í samskifti við Tórshavnar havn um ymisk viðurskifti, og Nólsoyar- leiðin er eisini ein partur av hesum samskifti, sigur Bogi Mortensen, stjóri á Strand- ferðsluni. Seinking kemur óvart á Bogi Mortensen, stjóri á Strandfaraskipum Landsins Týsdagin 16. februar 2010 vísa vit mótan 2010 í Sosialinum Beinta Haraldsen, fotografur, og Eydna Skaale, blaðfólk, eru á Copenhagen Fashion Week Mynd: Beinta Haraldsen Mótin 2010 ...vit eru har tað hendir!