týsdagur 23. mars 2010síða 2

2 Nr. 57 - 23. mars 2010 Akstovan | Hoyvíksvegur 57 | Postsmoga 3206 | FO-110 Tórshavn Tel +298 35 04 00 | Fax +298 35 04 01 | www.akstovan.fo | akstovan@akstovan.fo SkrivSTOvuFólk Atkstovan søkir eftir skrivstovufólki til Koyrikortdeildina at seta beinanvegin. Talan er um eitt fast starv, ið er skipað sum eitt fulltíðarstarv Uppgávan uppgávan fevnir m.a. um: • Avgreiðslu av viðskiftafólki og telefonavgreiðslu • Skráseting og framleiðslu av koyrikortum • Umsiting av tíðum til ástøðis- og koyriroyndir • Málsviðgerð • Postavgreiðslu • Kassauppgerð Førleikakrøv Vit hugsa okkum ein persón við skrivstovu- útbúgving, HH ella tílíkari útbúgving og royndum við arbeiði á skrivstovu. Dentur verður lagdur á, at ein hevur góð samstarvsevni, er fyrikomandi og dugir at arbeiða undir trýsti. Tað er ein treyt, at ein hevur kunnleika til at arbeiða við teldu. Setanartreytir Starvið er lønt eftir sáttmála millum Fíggjar- málaráðið og Starvsmannafelagið. Starvs- setanin hoyrir undir Innlendismálaráðið við tilhoyrandi stovnum, umframt Løgmans- skrivstovuna og onnur aðalráð. Upplýsingar um starvið kunnu fáast við at venda sær til Tórunn S. Miðberg, deildar- leiðara, á telefon 350 418. Umsóknir við møguligum prógvum og viðmælum skulu vera okkum í hendi í seinasta lagi 29. mars 2010. Akstovan er stovnur undir Innlendismálaráðnum og hevur sum endamál at fremja akfaratøkniligar kanningar og akfaraeftirlit, stíla fyri koyriroynd- um, útvega fólki koyrikort, umsita skráseting av koyrikortum og umsita akfaraskráseting, skráset- ingargjøld og vegskatt. Umframt høvuðsdeildina í Tórshavn, hevur Akstovan sýnsdeildir um alt landið. Á Akstovuni starvast 21 fólk. til koyrikortdeildina Góði lesari Sosialurin er nú til reiðar at bjóða nýggju tíðini av. Vit fara at broyta talið á útgávudøgum, og blaðið sjálvt verður eisini broytt – bæði tá tað kemur til útsjónd og innihald. Hesar broytingar koma at ávirka bæði tykkum lesarum og okkum, sum starvast á blaðnum. Frá 1. apríl at rokna kemur Sosialurin út tríggjar ferðir um vikuna – mánadag, mikudag og fríggjadag. Hendan broytingin verður gjørd fyri at fáa eitt blað, sum passar betur til tíðina, vit liva í. Gongdin í Føroyum og aðrastaðni vísir, at bløðini hava trupult við at standa seg í kappingini um tíðindini. Skjótu miðlarnir – internet og radio – standa sterkir í kappingini um nógvar av tíðindasøgunum, og tí má avísin nú flyta seg og finna fótafestið aftur. Og tað ger Sosialurin nú. Fyri 20 árum síðani fór Sosialurin undir at geva blaðið út fimm ferðir um vikuna, men nú er tíðin komin at minka útgávudagarnar niður í tríggjar útgávudagar um vikuna og gera eitt nýtt blað til føroyingar. Nýggi Sosialurin kemur fyrstu ferð á gøtuna 6. mars. Hetta verður ein týsdag og kemst av, at mánadagur 5. apríl er annar páskadagur. Eftir tað verða útgávudagarnar mánadag, mikudag og fríggjadag, um ikki serligar umstøður gera seg galdandi. Tíðindavirksemið í Miðlahúsinum verður ikki niðurraðfest fyri tað, tí Miðlahúsið røkir tíðindaflutning døgnið runt á Portalinum og um dagin á Rás2. Sosialurin skal frameftir verða blaðið, sum finnur sín egna stíl og leiklut við tíðindum, kjaki, bakgrund, reportasjum, ummælum, samrøðum og annað. Lækkingin í talinum á útgávum merkir eisini, at haldaragjaldið lækkar. Frameftir fer Sosialurin at kosta 400 krónur um ársfjórðingin. Haldarar okkara hava longu goldið fyri apríl-ársfjórðingin, men tað, tey hava goldið ov nógv, verður drigið av gjaldinum fyri juli-ársfjórðingin. Tey, sum hava árshald, verður eisini góðskrivað fyri lækkingina í haldaragjaldinum. Vit gleða okkum sera nógv til at bjóða tykkum ein nýggjan Sosialin, sum vit vóna tit verða glað fyri, og sum føroyska samfelagið í breiðari merking eisini fær gleði av. Eirikur Lindenskov, ábyrgdarblaðstjóri