fríggjadagur 26. mars 2010síða 32

32 Fótbóltur 2010 Sosialurin b36 Í fjør gekk tað av skriðuni. B36 stríddist alt kappingarárið fyri at sleppa undan niður­ flyting. Tað eydnaðist akkurát, og tað vóru teir hvítu og svørtu fegnir um. Hóast teir løgdu bragdliga fyri, so var úrtøkan soltin. Tað bar við sær, at setningurin mesta part in av tíðini var at halda seg røttu megin niður­ flytingarstrikuna. Fíggjarligur aldudalur og næstan húsa­ gangur vóru orsøk til, at tað undan síðsta kappingarárið ikki bar til at taka so rívan til, sum teir ofta hava gjørt í B36. Tríggir út lendingar vóru millum spælararnar, sum tað varð vónað skuldu lyfta liðið. Avrikið var einki at reypa av, og nú eru Sam Malson, Brima Koroma og Dennis Holmberg farnir av aftur landinum. B36 hevur altíð átt góðar fíggjarligar stuðlar, og skal metast út frá tilgongdini, so hevur tað seinastu mánaðirnar aftur fløtt í penga punginum. Fimm spælarar, sum í fleiri ár hava verið markantir í bestu deildini, eru nú í B36: klaksvíkingarnir Hjalgrím Elttør, Meinhardt Joensen og Símun Joensen og Bárður Olsen úr Sundalagnum kunnu allir roknast at gerast stuðlar. Dmitri Jankovic er gamal kenningur í B36, og tað hevur ivaleyst størstan týdning av øllum, at hann aftur verður stýrimaður í miðverjuni. Royndirnar siga, at Dmitri Jankovic lyftir avrikini hjá fleiri av liðfeløgunum ikki so lítið. Jákup á Borg, Klæmint Matras, Fróði Clementsen og Herbert í Lon Jacobsen eru millum veteranarnar, ið eru uppvaksnir í fel ag num, og í nýggja B36 ættarliðnum eru Jóan Pauli Dahl Jakobsen, Oddmar Færø, Johan Ellingsgaard og ikki minst Róaldur Jacobsen, sum tvey tey seinastu árini hevur verið millum mest eyðsýndu spælararnar. Christian Restorff Mouritsen vísti síðsta heyst, at hann er komin seg rættuliga eftir at hava verið skaðadarvaður, og Magnus Olsen og Heini í Skorini eru eisini við í kappingini um plássini á besta liðnum. Í B36 er stóri spurningurin, hvussu tað verður við Inga Højsted. Fyrrverandi Arsenal­ unglingin hevur verið óvanliga nógv skaða­ plágaður. Tað ber við sær, at hann sjálvandi ikki er á støðinum, sum hann var á, tá ið hann vandi saman við heimsstjørnunum í London. Eingin ivast tó í, at tað fer at lyfta B36­miðvøllin, um Ingi verður førur fyri at spæla. Eftir ársskiftið hevur hann verið skaða plágaður, og nú fæst at síggja um tað fer at eydnast Inga at koma fyri seg. Sigfríður Clementsen tók um endan í fjør, tá ið tað stóð ringast til. B36 og Sigfríður hava áður vunnið nógv saman. Í ár er Arnbjørn Danielsen hjálparvenjari. Hann var á til tikna B36­liðnum, sum í 1997 vann fyrsta FM heitið í 25 ár. Eingin ivi er um, at fyritreytirnar eru góð­ ar fyri, at tað í ár fer at hilnast væl betri, enn tað gjørdi í fjør. Hópurin tykist vera so mik ið góður, at tað skal vilja illa til, um kapp ing in ikki fer at snúgva seg um at vinna heiðursmerki. Málverjar Jóan Pauli Dahl Jakobsen Meinhardt Joensen Terji Rasmussen Verjuspælarar Dmitri Jankovic (SERBIA) Herbert í Lon Oddmar Færø Fróði Clementsen Johan Ellingsgaard Poul Arni Jacobsen Símun Joensen Miðvallarspælarar Klæmint Matras Heini í Skorini Róaldur Jacobsen Magnus Olsen Ingi Højsted Bárdur Olsen Christian R. Mouritsen Álopsspælarar Jákup á Borg Bergur Midjord Hjalgrím Elttør Høgni Eysturoy Sigurð Carlsen Venjarar Sigfríður Skaale Clementsen, venjari Arnbjørn Danielsen, hjálparvenjari Magnus Poulsen, málmansvenjari Tilgongd: Meinhardt Joensen, Dmitri Jankovic, Símun Joensen, Bárdur Olsen, Hjalgrím Elttør, Fróði Clementsen, Heini í Skorini og Sigurð Carlsen Frágongd: Bogi Hermansen, Dennis Holmberg, Brima Koroma, Súni úr Hørg og Sam Malson Bóltfelagið B36 Stovnað: 28. mars 1936 Formaður: Kristjan á Neystabø Meistari (8): 1946, 1948, 1950, 15959, 1962, 1997, 2001, 2005 Steypavinnari (5): 1965, 1991, 2001, 2003, 2006 Greipuvinnari (1): 2001 Í bestu deildini (66 ár): 1942-1943, 1945-1984, 1986, 1988- Í Europa (11): 1992, 1997, 1998, 1999, 2000, 2002, 2004, 2005, 2006, 2008, 2009 Bóltfelagið B36 www.b36.fo Hópurin 2010 Kós móti tindinum Spurningurin er, um tað fer at eydnast Sigfríði Clementsen at fáa nýggju bygdamenninar at rigga saman við teimum, ið eru uppvaksnir í árstalsfelagnum og verjuskansanum Dmitri Jankovic