mánadagur 19. juli 2010síða 8

Mánadagur 19. juli · Nr. 109 8 Sosialurin Jan Müller Herfyri vitjaði Johan Dahl, landsstýrismaður í olju­ mál um russiska gassfelagið Gazprom. Í tí sambandi fekk hann eina hjálpandi hond frá DONG, sum hevur tætt samstarv við russiska felagið. Vit spurdu Søren Gath Hansen, hvat hann heldur føroyingar kunnu fáa burtur úr einum samarbeiði við Gazprome. – Tað er heimsins størsta gassfelag og hevur nógva framkomna teknologi. Eg kenni ikki ætlaninar hja Gazprom, men tað er væl møguligt, at teir kunnu hugsa sær at vera við til at kanna møguleikar fyri at kunna framleiða á føroyska landgrunninum. So eg gangi út frá, at Johan Dahl roynir at finna íleggjarar til Føroyaøkið, og tá er tað so ein av møguleikunum at fara til Ruslands. Søren Gath Hansen vísir á, at tað er eingin ivi um, at Gazprom fer í mong ár at hava ávirkan á europeisku orkustøðuna, so hann er glaður um at kunna fáa Føroyum samband høgt uppi í Gazprom skipanini. Vandar! – Men tað eru so eisini tey, sum halda, at man skal vera sera varin við at samstarva við eitt so stórt og ókent felag sum Gazprom, sum verður mett sum ein statur í statinm. Sær tú nakrar vand­ ar fyri Føroyar at taka upp samstarv við Gazprom? – Tær metingar hava vit jú sjálvir gjørt okkum, tí vit eru eitt lítið altjóða felag. Men allar okkara royndir við Gazprom hava verið, at teir hava virkað undir fult normalum handilsligum treyt um. Vit hava eina av­ talu um at vit býta um gass frá Ormen Lange við Stórabretland til Gazprom og teir levera so gass til okkum gjøgnum Europa. Tann vegin hava vit skapt góða javnvág í samstarvinum men hyggja vit eftir europeisku samstarvspartanunum og kundum hja Gazprom, so eru teir viðfarnir handilsliga rætt. Gazprom livir av at selja gass og tí uppføra teir seg heilt normalt. Sørgen Gath Hansen heldur, at støðan til Gazprom sæð við føroyskum eygum eigur at vera tann sama sum til eitt hvørt annað stórt olju­ og gassfelag. –Men man skal sjálvandi vera varugur við, at hvør partur røkir síni áhugamál, og tað ger førosyka samfelagið eisini, so um man bara heldur seg vaknan undir fundunum, trúgvi eg tað fer at ganga gott. jan@sosialurin Fegin um at byggja brýr til Gazprom SamStarv Eg eri glaður um at kunna fáa Føroyum samband høgt uppi í Gazprom skipanini sigur Dongstjóri. Johan Dahl, landsstýrismaður hevur boðið sjóranum í Gazprom at vitja. Tað skilst at Jarðfeingi hevur gjørt frágreiðing um leitivirksemið og hvørjir møguleikar eru fyri samstarvi. Bakkafrost søkir maskinmeistara StarvSfólk Søkt verður eftir maskinmeistara til Bakkafrost Harvest Klaksvík Bakkafrost er størsta alifyritøka í Føroyum. Bakkafrost hevur ræði á allari virðisketuni frá smolti til liðugvøruframleiðslu. Bakkafrost framleiðir m.a. feskan laks til sushimarknaðin og lidnar porsjónsvørur til stórar handilsketur. Bakkafrost leggur dent á lívfrøðiliga trygd, dugnalig starvsfólk, lágkostnaðarframleiðslu, virðisøking og vakstrarmøguleikar. Bakkafrost er skrásett á Oslo Børs. Umleið 450 starvsfólk starvast á Bakkafrost. Bakkavegur 9 · PO Box 221 · fO-625 Glyvrar · tel +298 40 50 00 · fax +298 40 50 09 · www.bakkafrost.com Bakkafrost Harvest, Klaksvík, er eitt sera framkomið kryvjivirki, ið tekur ímóti umleið 18.000 til 20.000 tonsum av aldum laksi um árið. Á virkinum arbeiða 30 til 35 fólk Førleikar: Tann, ið settur verður, skal hava viðkomandi royndir og útbúgving. Arbeiðið: Arbeiðsøkið er alt vanligt maskin- og umvælingararbeiði, herundir viðlíkahald, rakstur og stýring av eykalutagoymslu. Viðkomandi skal kunna arbeiða sjálvstøðugt undir virkiðsleiðarnum. Løn og setanartreytir eru í samráð við leiðsluna. Umsóknarfreistin er 31/07-2010 Fyrispurningar: Kári E. Jacobsen, tel 235011 Áhugað biðjast senda skrivliga umsókn saman við prógvi til: P/f Bakkafrost Processing Bakkavegur 9 Postboks 221 FO-625 Glyvrar ella við telduposti til kaja@bakkafrost.com Sosialurin / KvR 34 18 00