fríggjadagur 29. oktober 2010síða 16

nr. 152 · 29. oktober 2010 16 VIKUSKIFTI mentan Rigmor Dam rigmor@sosialurin.fo Við víðopnum sinni og kenslunæmum sansum liggi eg fjálg og trygg í døkkum, reyðum skyni. Kring meg skvatlar ein flógvur bjálvi varliga aftur og fram saman við ljóðinum frá rútmiskum hjartaslátturi og tungum andadrátti. Hóast eg eri sjey ára gomul, eri eg eitt fostur í móðurlívi. Fyri løtu síðani kreyp eg niður í stóru barnakonuna á gólvinum. Onkur lyfti lokið av búkinum og vísti mær inn í opið, har til ber at kenna, hvussu tað er at liggja í búkinum hjá mammu síni aftur. Uttan fyri barnakonuna stendur ein persónbilur parkeraður á flísa­ gólvinum. Hann er klæddur við grønum flagi. Í øllum krókunum eru alskyns aðrir løgn ir lutir og listaverk, sum vit børn kunnu royna, nerta við, kenna og práta um. Eisini í vakra garðinum við víða havútsýninum eru gávur til sansirnar. Til dømis ein risastórur og ikki sørt vandamikil skreiðibani og ein garvillur rennistrongur tvørtur um eitt grønt vatn, har summi detta útí. Vit eru stødd í seinnu helvt av sjeytiárunum. Modernaða listasavnið Lousiana í Humlebæk í Norðursælandi hevur, í rætta tíðarandanum, eina fram­ sýning við heitinum ”Børn er et folk”. Seinni havi eg skilt, at fólk í hópa­ tali tustu til framsýningina, sum eisini gjørdist eitt satt frambrot innan norður­ lendska barnamentan. Festir seg í hugan Hetta er mítt fyrsta minni frá Lousiana. Ein stekt uppliving, sum festi seg í unga barnasinnið, og sum hevur fylgt mær síðani. Eins og aðrar sterkar upplivingar, sum hava lyndi til at meiðsla seg í minnið. Hetta vita tey á listasavninum Lousiana. Stóra víðagitna modernaða listasavninum, sum er millum tey Legg Leiðina framvið listasavninum lousiana næstu ferð tú fert niðuR ein túR. tú verður heiLt vist vísaRi innan, vakrari uttan og RíkaRi sum heiLd.. Her finna vit stór bært ríki dømi Calderterrassan framman fyri matstovuni við útsýni yvir Oyrasund. Louisiana Museum of Modern Art