mikudagur 17. november 2010síða 18

Mikudagur 17. november 2010 · Nr. 160 18 Sosialurin Oyggjaredaktiónin: Snorri Brend snorri@sosialurin.fo Vilmund Jacobsen vilmund@sosialurin.fo Jens Kristian Vang jensk@sosialurin.fo Bøkur Snorri Brend Á sumri í 1957 vóru stórar útgávu­ ætlanir í umbúna hjá tí, sum vit í dag kenna sum Bókadeild Føroya Lærarafelags. Á fundi í bókanevndini 20. juni hetta árið varð komandi útgávan av teimum seinni so tiltiknu Glæstri­ bókunum umrødd. Nevndini stóð í boði at geva út 12 myndabøkur, sum hvør eru ein stutt, fittlig smásøga, sum er prýdd við litmyndum. Á fundinum varð greitt frá, at allar týðingarnar vóru fingnar frá hond ini, og at ætlanin var at lata bøk urnar til prentingar sum skjótast. Nevndin samtykti at kanna týð ing arnar gjølla, áðrenn prentað verður, og til hetta starv vórðu valdir J. M. Kjeld og Marius Johannesen. Helst var tað J. M. Kjeld, sum fekk hesa útgávu í lag, og sermerkt er tað, at hendan útgávan kann kallast fyrsta føroyska barnabókin í samprenti. Á fundi í oktober 1958 upplýsti nevndarformaðurin, J. M. Kjeld, at hann hevði arbeitt við útgávuni av Glæstribókunum, meðan hann hevði verið í Keypmannahavn. Prent ingin var um av vera avgreidd, og bøk urnar fóru at koma til Før­ oyar í november. Útseldar Tær so væl umtóktu glæstri bøk­ ur nar vóru 12 í tali. Allar 24 síður við myndum í litum. Talan var um samprent í samstarvi við danska Illustrationsforlaget. Prísurin var 2,50 kr. fyri hvørja. Útgávan av Glæstribókunum var ein stór íløga, sum varð fíggjað við láni, sum Lærarafelagið tók í Føroya Sparikassa. Lánið uppá 38.000 krónur varð skipað soleiðis: “at vit ongan avdrátt gjalda í trý ár, og renturnar tey trý fyrstu árini verða goldnar úr landskassanum”, sum skrivað stendur í gerðabók Lærarafelagsins. Bókadeildin yvirtók tað, ið eftir var av láninum, í 1962. Nógv varð gjørt burtur úr at fáa Glæstribøkurnar seldar. Bóka­ nevndin vendi sær til lærarar kring landið og fekk teir at standa fyri søluni. Og væl hepnaðist, tí nógv settu seg fyri bøkurnar, sum tá í tíðini vóru bæði snotuligar og hartil forkunnugur lesnaður. Á nevndarfundi um várið árið eftir varð upplýst, at umleið 9.000 eintøk eru seld og at roynt verð ur at fáa skúlarnar at keypa floks sett. Glæstribøkurnar komu út til jóla 1958, og tí varð avgjørt ikki at geva Mína Jólabók út hetta árið, men í staðin lata Glæstribøkurnar vera jólabøkur felagsins 1958. (Kelda: Brot úr bókini “Og so veit eg eina vakra søgu”. Bókadeild Føroya Lærarafelags 1956-2006.) Oyggjablaðið í næstu viku: Eiði Bøkur Í hesum blað­ num viðger Oyggjablaðið evnið um bøkur og útgávu av bókmentum. Lesið um: Síða 18: Glæstribøkur fyri 2,50 Síða 20-22: Smáir lepar gjørdust stóra bygdarsøga Síða 24-25: Tær eldru bøkurnar eru best Síða 26: Matgerð í nýggjum hami Síða 28-29: Fleiri rithøvundar á sama arbeiðs­ plássi Síða 30: Soleiðis skrivar tú bøkur Síða 42-43: Skakandi at skriva bøkur Baksíðan: Erhard og Glæstribøkurnar Tá tann besta bókin kostaði 2,50 BARNABØKUR Tað var eins stórur dagur fyri júst 52 árum síðani, tá tær fyrstu Glæstribøkurnar komu út. Børnini tóku bøkurnar til sín, og ikki gekk long tíð til tær vóru útseldar ­ allar 9.000. Glæstribøkurnar vóru 12 í tali: Dunnu Billa horvin Hundahvølpurin sum fekk sólina at rísa Heidi Leingi livi lítla tokið Tummil lítli Komið og spælið lækni Tríggir smáir kettlingar Óli Oyralangi og várið Gelli-Smelli skúlabussurin Petur Kanin Hvørji búgva í bóndans garði Sunnudagsdukkan Týðarar av bókunum vóru: Poul E. Petersen, Marius Johannesen, Jens Pauli Heinesen, Martin Joensen, Flóvin Flekk, Johan Kallsoy, Jákup M. Kjeld, Tummas Lenvig, Ludvig Petersen, Jákup Follend, Hans David Matras. 12 bøkur Ikki út aftur Hóast mong helst høvdu ynskt, at tær 12 Glæstri- bøkurnar komu út aftur, so hevur Bókadeildin ongar ætlanir um tað í løtuni. – Um vit fáa høvi til tess, so gera vit tað, lovar Niels Jákup Thomsen, stjóri.