fríggjadagur 26. november 2010síða 31

31 Fríggjadagur 26. november 2010 · Nr. 164 Sosialurin Verðin broyttist tann dagin, tá beiggi mín ringdi og segði, at tú aftur var farin á sjúkra húsið, og at ikki var møgu ligt at fáa samband við teg. Tú hevdi havt ein blóðpropp fyri trimun árum síðani, men var komin væl fyri teg, og hevdi tað gott til dagligt. Tankarnir fara upp at mala, og øll minnini koma fram fyri meg aftur. Barndómsminnini av Viðar­ eiði saman við tær uppi í Follendi, ella onkra aðru staðni í bø ella haga, har tær dámdi so væl, og sum tú brúkti so nógv av tínari tíð. Tú fekst altíð við seyð og jarðarbrúk, so leingi tú orkaði tað. Tey seinru árini, tá gongulagið var blivið nakað vánaligt, gekk tú ikki meira á fjall, men hugurin var har allíkavæl. Ella ein harutúr inn í Berg ella niðan í Dal, skjútti var tú góður, og sjáldan var tað meira enn eitt skot upp á haruna, tá dagurin var liðugur. Tú var kunnugur í bø og haga, visti navnið á hvørjari steinpirru og hvørjari túgvu, og kendi teg væl úti í náttúruni. Mangan sást tú úti í bønum við einum spaka, har tú velti bøin slættan, so hann kundi sláast við maskinuni. Ella kanska vældi tú um eitt av teimum mongu gomlu út húsunum, ið hoyrdu til festið hjá tær. Tær dámdi ikki at tey skuldu forfalla, helt teg skylda forfedrunum at halda tað við líka, sum teir høvdu lagt eftur seg. Sum smádrongur á Við­ ar eiði var tú sum dreingir flest, gekk í skúla niðri á Bakka og bleiv fermdur har niðri eisini. Nú eru ikki nógv eftur av teimun, sum eru saman við tær á myndini frá tí degnum. Síðan fekst tú við vanligt bygdarlív, til tú nøkur ár seinri fór til skips. Har strídd ist tú, sum so mang­ ur ann ar føroyingur, tey næstu mongu árini, til tú legð ist upp á land mitt í sjeyti árunum at taka tær av festinum, sum hevði ver ið í slektini í rættu liga nógv ættarlið. Tú byrj aði tá at arbeiða inni á Frost­ virk inum í Norddepli, og var har í nógv ár, síðan var tú hjá Kanjon, til kreppan legði alt landið stilt í níti árun um. Eftir tað hevði tú ikki nakað lønt arbeiði, men ikki sat tú stillur fyri tað. Tað er altíð okkurt at taka sær til hjá tí sum hevur hugin og evnini. Kreftirnar hava altíð verið góðar, og man tú mangan hava tikið okkurt ódnartak. Tó, ikki hoyrdi eg teg reypa av tí, men tað sást, um ein hugdi eftir tær, tá tú fekst við okkurt arbeiði. Tað fall tær lætt. Tankarnir eru eisini hjá mammu míni, tey náddu at vera gift í knøpp 49 ár, so saknurin má vera stór­ ur hjá tær. Tú var væl um hann, eftur at hann gjørd­ ist sjúkur fyri 3 árun síðani, við góðari hjálp frá beigg­ un um hjá mær og heima­ hjálp unum. Tað skulu tær hava stóra tøkk fyri. Tað kundi veri so nógv, eg kundi nevnt, minnini eru nógv og góð, tey fjálga væl í hesi tungu tíð. Tú gleddi teg til at vit skuldu koma heim at vitja, tað var ikki ofta tú, sást abbasynirnar, men tað náddi tú ikki. Eg var tó glaður um, at eg fekk sagt tær farvæl, áðrenn tú legði árarnar inn. Við hesum fáu orðum vil eg lýsa frið yvur minnið um pápa mín Kjartan Matras. Anfinn Minningarorð um pápa mín Kjartan Matras Mia í Ansastovu 3. nov. 1915 – 21. nov. 2010 in memoriam Spakuliga, dáttligt ljóðar, Mia er ei meir, hon sum gav oss løtur góðar er nú blivin lívleyst leir. Nítifimm á foldarfløtu, henni untist ár á fold, góð for øll á jarðargøtu var hon, til hon fór í mold. --- Barnaheim var Ansastova, Mia átti lív sítt har, hugnaheim og eydnusmoga skaptist hvar, ið Mia var. Vøkur, vís og góð mót gesti, livdi hon sítt dagatal, var teim flestu vinur besti, gjørdi øllum bara væl. Sínum var hon hjálpin vísa, systir, mamma, omma við, gestablíð hon mundi hýsa øllum sínum sær við lið. --- Tøkk fá fyri hvørja løtu innan tína klinkuslá, fyri blídligt brá á gøtu, tá vit møttust av og á. Tøkk fá fyri minnir góðu, vit nú sita eftir við, nú á mál er komin róður: “Góða Mia, hvíl í frið”. pmp Sunnukvøldið klokkan 20 verður ein rættiliga fjølbroytt konsert í Fríðríkskirkjuni. Van ligt hevur verið hesi sein astu árini, at »Kórið hjá Jóhan« hevur skipað fyri jólakonsert fyrst í advent­ ini. Kórið stendur eisini sum fyriskipari í ár og fer við sínum sangi at seta sín dám á fyrsta sunnudag í ad vent, men kortini er kon sertin nakað øðrvísi enn undan­ farin ár. Í ár verða nógvir musikk­ skúlanæmingar í Nes Sókn­ ar Musikkskúla við í kon­ sert skránni. Næm ingarnir skipa eitt orkestur, ið telur einar tjúgu spælarar. Hetta orkestrið fer at spæla undir hjá kórinum í tveimum sangum. Í orkestrinum eru violinir, cello, horn, tvør­ floytur og klarinettir. Eisini tónleikanæmingar í 9. flokki í skúlanum við Løkin fara at spæla og syngja. Ein sangbólkur mannaður við tíggju monnum verður eisini við. Konsertin byrjar klokkan 20:00. Adventskonsert í Fríðrikskirkjuni