fríggjadagur 7. januar 2011síða 4

nr. 3 · 7. januar 2011 4 VIKUSKIFTI interview Eydna Skaale eydna@sosialurin.fo Fyrstu dagarnar hava tó ikki verið stund ir til at njóta góða útsýnið, tí tíðin er farin til samráðingar við Finansiel Stabilitet um yvirtøku av Eik. Í løtuni bíð ar tryggingarfelagið eftir svarið uppá teirra seinasta útspæl. Nú er stjór in tó ein annar, enn hann var, tá keyps tilgongdin byrjaði. Gunnar í Liða er farin, og Regin Hammer hevur tikið við. Men hvør er nýggi stjórin? Avbjóðingar í Føroyum Regin Hammer hevur verið uttanlands og nomið sær útbúgving. Hann hevur nógvar royndir við spennandi størvum av altjóða formati, millum annað sum umboðsmaður hjá DONG, umframt at hann hevur havt ábyrgd av samskipanini av fíggjarstýringini fyri alla oljuleiting í Evropa hjá DONG. Men síðani 2003 hevur hann búð í Føroyum. Hevur hann ongantíð viljað roynt seg uttanlands? – Eg haldi, at tað veldst um hvat man hevur valt. Vit hava fingið eina familju, og tá ber ikki so væl til at ferð ast runt í heiminum. Sjálvandi kundi tað verið spennandi at arbeitt í London ella New York eina tíð. Men børn ini skuldu vaksa upp í Føroyum, og tí fluttu vit heimaftur eftir nøkur ár uttan lands. Tað var ikki eitt ringt val, sigur Regin Hammer. Hann slær fast, at tað eru nógvir møguleikar í Føroyum. Tað veldst um, hvat tú gert tað til. – Tú fært kanska ikki júst tær somu, stóru avbjóðingarnar, sum aðrastaðni, men Føroyar hava so nógv annað. Her er meiri av tí, sum fær menniskjað at trívast. Til dømis náttúran og tær tøttu relatiónirnar við onnur. Í so máta eru Føroyar heimsins besta land. Regin hevur tí hesi ráð til ung les­ andi: Farið út í heim, fáið tykkum út­ búgv ingar og royndir, men komið so aftur. Føroyar hava brúk fyri nógvum nýggj um impulsum uttan úr heimi, um vit skulu standa okkum í altjóða kapp ingini. If it ain't broken... Regin hevur verið stjóri í egnari fyri­ tøku, umframt at hann hevur verið varastjóri á Tryggingini. Men hvørjar dygdir metir hann vera tær størstu, ein stjóri kann hava? – Tað týdningarmesta, ein stjóri kann gera, er at lurta eftir sínum starvs­ fólki. Her eru 125 góð høvd, og tey til­ samans kunnu koma við fleiri góðum hugskotum, enn eg kann einsamallur. – Ein stjóri kann ikki distansera seg frá starvsfólkunum, tí starvsfólkini eru fyritøkan. Tí er mín hurð altíð opin. Regin sigur seg vera sama typa sum fráfarni stjórin, og tí fer vanligi føroyingurin helst ikki at síggja nakrar radikalar broytingar. – Eg eri ikki Gunnar í Liða. Men vit hava sama hugburð til nógv ting og eru báðir varnir av lyndi. Tað mugu vit vera, tí Tryggingarfelagið er ein av horna steinunum í føroyska bú skap­ inum. Um alt koppar, má Tryggingar­ felagið kunna lofta teimum, sum koma illa fyri. Tí skal hetta felagið rekast við størsta varsemi, sigur Regin. – Og sum man sigur: If it ain't broken – don't fix it. Ta góðu skrivstovuna Hóast hann ikki hevur nakrar koll velt­ andi ætlanir, so sær Regin stórar av­ bjóðingar. – Vit koma í samband við næstan hvørt menniskja í landinum. Tey flestu hava jú tryggingar av onkrum slagi ella pensjón. Harumframt hava vit gjørt nógv ar íløgur í føroyska vinnulívið. Hetta er tað perfekta starvið fyri ein bú­ skapar frøðing, sigur hann smílandi. Hóast hann bert hevur verið stjóri í fáar dagar, so er Tryggingarfelagið ikki ókent fyri honum. – Eg havi sitið í nevndini og verið varastjóri, so eg havi verið við til at lagt eina kós fyri felagið. Nú skal eg sjálvur taka róðrið og føra okkum eftir løgdu kósini. Tað er avbjóðandi. Gerandisdagurin er ikki broyttur nógv, men sum Regin skemtandi sigur – Nú havi eg fingið ta góðu skriv stov­ una við tí góða útsýninum. Hann hevur tó ikki notið útsýnið hesar fyrstu dagarnar, tí samráðingarnar um yvirtøku av Eik hava tikið alla hans ara tíð. Gávur ella lægri gjald? Eitt, sum gav Tryggingini nógva um talu í 2010 var, at tey lótu Lands sjúkra hús­ inum ein MR­skannara. Nógv ilskaðust um hetta og vildu heldur havt lægri tryggingargjald. Hvat heldur Regin um tað? – Eg haldi, at tá vit liggja sjúk og skulu skannast, so eru vit øll helst fegin um hasa gávuna, svarar hann skjótt. Hann greiðir frá, at teir settu seg í samband við sjúkrahúsverkið og spurdu, hvat tey høvdu størstan tørv á, men ikki ráð til við verandi fíggjar­ karmum. – Tørvurin var størstur á einum MR­skannara, og tí bleiv tað til tað. Vit vildu markera okkara 70 ára dag við eini gávu, sum kundi koma øllum føroyingum til góðar. – Skannarin kostaði 10 milliónir. Vit hava umleið 25.000 tryggingartakarar, og um vit heldur skuldu latið teimum peng arnar, høvdu tey bara fingið nakr­ ar fáar hundrað kr aftur í part. Eg veit ikki, um tey høvdu verið so øgiliga nógv glaðari fyri tað. – Hinvegin hava vit júst innført eina av sláttrarskipan, sum kann spara húsar haldunum fleiri túsund krón ur. So kanska kann sigast, at tryggingar­ takararnir hava fingið bæði í posa og sekk. Hann leggur afturat, at ein kanning herfyri vísti, at tryggingargjaldið í Før oyum er 30­40% lægri enn tað er í Danmark, og tí mugu prísirnir sigast at vera sera sámuligir. Svarið kemur skjótt, tá hann verður spurdur, um ætlanir eru at lata fleiri gávur. – Hatta var ein markering av, at vit fyltu 70 ár. Nú mugu vit síggja, hvussu tað verður, tá vit fylla 140, sigur hann flenn andi. Nýggi Stjórin á tryggingarfElagnum hevur verið á tryggingini eiNa tíð frammanundan, og tí er gErandiSdagurin ikki broyttur kollvEltandi. – MeN nú havi eg fiNgið tað góða kontórið við tí góða útSýninum, sigur rEgin HammEr fleNNaNdi Fingið kontórið við útsýninum