fríggjadagur 21. januar 2011síða 19

19 Fríggjadagur 21. januar 2011 · Nr. 9 Sosialurin Fyrst í sekstiárunum fór fuglfirðingurin Sigurðjón Elde vig til Grønlands at smíða. Hann hevur verið víða, og hevur smíðað næstan á hvørjum pynti á vestursíðuni – eisini í Thule, sum hann plagar at taka til. Sigurðjón giftist grønlendskari konu í 1967 og í 1968 fingu tey elsta sonin Jens Christian. Tá ið børnini vóru smá, fluttu tey aftur til Fuglafjarðar og búðu tey har, til Jens Christian var 21 ár. Jens Christian gjørdi vart við seg í fótbólti og spældi m.a. við ÍF í 1. deild í 1988 og 89. Jens Christian flutti aft­ ur til Grønlands saman við familjuni, tá ið hann var 21 ára gamal og hevur gjørt nógv ymiskt fyrifallandi arbeiði í Sisimiut, sum er vinarbýur Klaksvíkar og eisini í Nuuk. Sigurðjón var við til at byggja Tekniska skúlan í Sisimiut og bleiv eisini lærari á skúlanum, har hann eisini hevur fyrisitið pørtum av undirvíringini. Seinnu nógvu árini hevur Jens Christian verið leiðari á Blue Water Shipping í Sisimiut saman við yngra beiggja sínum John Eldevig. Jens Christian Eldevig, sum er ein sáttligur og friðar­ ligur maður og veit hvat hann vil, hevur rættiliga gjørt um seg við fótbólti i Grønlandi – Hann hevur verið á grøn­ lendska landsliðnum í átta ár og spælt eini 60 landsdystir. Við B 67 í Nuuk hevur hann fimm ferðir verið grøn lands­ meistari, ársins spælari 1999, útnevndur sum ársins fight­ ari tvær ferðir og eisini verið ársins tekninari. Síðani 2003 hevur hann verið venjari í mannsdeildini í Sisimiut. Blue Waterhevur nú boðið Jens Chriastian eina leið­ araútbúgving innan shipping Í Ålborg. Í hesum sambandi steðgar hann á í Føroyum í eitt hálvt ár og leitar eftir einum arbeiði her nú hann er heima. Eisini stendur Jens Chriastian í boði at verða venjari hjá ÍF 2. deild, meðan hann er her. Jens Christian hevur hugt seg eitt sindur um, nú hann er heima, og mikudagin gekk leiðin til Klaksvíkar at hitta Dávur Winther, ment anar­ leiðaran – sum kenn ast bæði úr Fuglafirði og frá vitjanum í Sisimiut í Grønlandi. Skipað varð fyri einum rundtúri í Klaksvík at síggja ymisk virki og sjálvandi gekk leiðin fyrst norður í Norðhavnina at heilsa upp á Heina á Marknagili og síggja rúmliga goymslubygningin hjá Faroe Ship har. Eisini varð heilsað uppá Eyðun Ras­ mussen, stjóra á P/F Hvalnes, sum m.a. hevur silda verk­ smiðjutrolaran Norðborg. Jens Christian hevur búð 21 ár í Grønlandi og 21 ár í Føroyum og tosar føroysk sum ein fuglfirðingur. Hann var sera hugtikin av um­ støðunum í Norðhavnini og ikki minst tí snotiliga húsinum, ið har stendur. Høvdu vit havt eina slíka havn í Sisimiut, so høvdu vit verið væl fyri, segði hann fegin um vitjanina í vin ar býnum hjá Sisimiut – Klaksvík. Jens Christian spurdi um kava og kavagrevstur í Klaksvik, um hesum var meira av enn fyrr. Hann greiddi frá, at fyrstu ferð hann veit um, var tað regn í Sisimiut, tá ið jólatræið varð tendrað í 2010. So okkurt týður uppá, at verðurlagið er fyri broytingum. ­ Ein hugnaligur dag ur saman við einum hugna­ lig um manni var komin at enda. Men Jens Christian helt fyri, eg komi skjótt aftur, tí her er so nógv áhuga vert í Klaksvík, eg vil vita meir um, sigur Dávur Winth er, mentanarleiðari hjá Klaks­ víkar kommunu. Grønlendskur fuglfirðingur í Klaksvík Jens Christian Eldevig og Heini á Marknagili á rúmligu goymsluni hjá Faroe Ship í Norðhavnini Mynd: Dávur Winther