mikudagur 4. mai 2011síða 18

Mikudagur 4. mai 2011 · Nr. 51 18 Sosialurin Bátafestivalurin Vælkomin á bátafestival Flaggdagurin 25. apríl hevur júst verið, og minnir hann okkum á, at summar er í hondum. Tað er nú, at stevnurnar byrja runt landið. Tann fyrsta árliga stevnan hevur nú í fleiri ár verið bátafestivalurin á Toftum, sum liggur fyrsta vikuskiftið í mai. Bátafelagið á Toftum hevur hesi seinastu árini ment hetta tiltakið til veruliga at vera ein festivalur, sum er afturvendandi hvørt ár, og sum fólk tosar um og gleðir seg til. Aftur í ár hevur festivalurin eina fjølbroytta skrá fyri bæði børn og vaksin. Fleiri kend nøvn eru við, sum fara at undirhalda í stóra teltinum. Umstøðurnar hjá bátum og kampingvognum eru í top, so tað er at seta kós - og seta hvørjum øðrum stevnu á bátafestivalinum hin 7. mai. Vælkomin til Toftir leygardagin! Símin Johannesen Borgarstjóri – Øll eru vælkomin til Toftir leygardagin til bátafestival, sigur borgarstjórin, Símun Johannesen, borgarstjóri So byrja bátastevnurnar aftur Ársins fyrsta bátastevna er stevnan, sum Bátafelagið á Toftum skipar fyri. Leygardagin verður siglt úr Skálafirði og út í Oyrarnar á Toftum Vilmund Jacobsen Skal siglast, má loysast. So einfalt er tað. Leygardagin verður so ársins fyrsta bátastevna. Fyri reik ing­ arnar eru í hæddini, og á Toftum verður vónað, at undirtøkan fyri regattasiglingini úr Skálafirði og út í Oyrarnar á Toftum verður stór – og helst enn størri enn undanfarin ár. Seinnu árini hevur tað vundið meiri og meiri upp á seg at sigla og njóta frítíðina í báti. Heilar familjur kunnu vera í summum bátum, og í øðrum bátum eru tað vinfólk, sum sigla og hugna sær saman. Eitt annað mynstur, sum vit eisini hava sæð vinda upp á seg seinnu árini, er, at fólk eru farin at ferðast meiri í húsvognum, eins og tað eisini er vorðið vanligt at tjalda á stevnum og festivalum. Tað er hugnaligt at vera millum tey sum sigla, og við bryggjukantin og eins og umborð á bátunum verður matgjørt, spælt og sungið, tá lagið er best. Nú er bert at vóna, at veður­ gudarnir halda seg í skinninum leygardagin. Gera teir tað, er lítil ivi um, at bátasiglarar og stevnugestir annars fáa eina góða bátastevnu leygardagin. vilmund@sosialurin.fo