mikudagur 17. apríl 2002síða 15

28 Nr. 72 - 17. apríl 2002 Nr. 72 - 17. apríl 2002 29 Mánadagin var eitt lítið hátíðarhald hildið í viðarlundini úti í Grøv. Hetta var í samband við, at næmingarnir á Tekn- iska Skúla handaðu borgarstjóranum eina brúgv, sum tey gjøgn- um farna hálva árið hava latið úr hondum HÁTÍðARHALD Orð og myndir: Ragnhild Ellingsgaard Klaksvík: Veðrið var av tí allar fagrasta, tá hátíðar- haldið fór fram. Sólin sendi heitar geislar bæði oman og niðan, og rættiligur summ- ardámur var yvir fólkunum, sum vóru til staðar. Børn hoppaðu av steini til stein í ánni, meðan tey vaksnu hugnaðu sær við sjálvtøku- borðinum, ið Jákup Ziska- son hevði lagt til rættis á bønum. Viðarlundin vøkur aftur Allir norðoyingar munnu minnast grimdarregni 18. septembur seinasta ár, sum oyðilegði ein stóran part av viðarlundini úti í Grøv. Gamlir menn vita at siga frá, at ongantíð áður hevur so nógv vatn staðið í ánni, og hetta førdi eisini við sær, at ein stórur partur av áar- bakkanum hvarv í øllum regninum. Eisini niðara brúgvin fekk stóran skaða, samstundis sum gøturnar í viðarlundini fingu smáveg- is snuddir. Men býráðið setti bein- anvegin eftir hendingina pening til síðis, sum skuldi verða nýttir til at fríðka um viðarlundina aftur, og farna hálva árið hevur býargartn- arin saman við hansara fólkum gjørt eitt megnar arbeiði úti í Grøv. Áarbakkin er laðaður upp av nýggjum, gøturnar eru asfalteraðar og plantur av ymsum slag eru settar niður framvið ánni. Harafturat hava næming- arnir á Tekniska Skúlanum smíðað eina nýggja brúgv, og varð hon handað borgar- stjóranum hendan dagin. Sjálvtøkuborð í Móður Náttúru Hans Hjalti Skaale, býar- gartnari í Klaksvík, helt eina lítla røðu um alt ar- beiðið, sum lagt hevur ver- ið í viðarlundina seinasta árið. Og eingin ivi skal verða um, at hann, saman við hansara fólki, hevur gjørt eitt megnar arbeiði. Viðarlundin er nú so vøkur sum ongantíð fyrr, og kom hon eisini rættiliga til sín rætt hendan góðveðursdag. Síðan segði Steinbjørn Jacobsen, borgarstjóri, nøk- ur orð, har hann eisini takk- aði næmingunum á Tekiska Skúla fyri teirra leiklut í hesum sambandi. Næmingarnir fingu í november mánaða til upp- gávu at smíðað eina nýggja brúgv yvir um ánna, eftir at tann gamla varð oyðiløgd av áarfloyminum í septem- ber. Tann nýggja brúgvin líkist tí gomlu, og hóskar stak væl inn í umhvørvið í viðarlundini. Efir røðuna handaði borgarstjórin flokkinum ein kekk áljóðandi 5.000 krón- ur, og tey vóru sjálvandi sera fegin um hesa sam- sýning. Sum tann eini næmingurin segði: »Ikki so galið at fáa løn fyri skúla- ting, ha?«. Eftir røðurnar bjóðaði Hans Hjalti øllum til sjálv- tøkuborðið, sum Jákup Ziskason hevði lagt til rætt- is. Á borðinum stóð pinna- matur, sodavatn og vín, so løtan fekk móti endanum dám av eini útferð av tí fín- ara slagnum. Hátíðarhald úti í Grøv Síðani heimasíðan hjá Javnstøðunevndini lat upp av nýggjum fyri hálvari aðru viku síðani, hava um 3000 fólk verið inni á síð- uni og nógv hava eisini tikið lut í kjakinum og atkvøðugreiðsluni KVINNUVAL Turið Kjølbro Nýggja dagførda heima- síðan er liður í stríðnum hjá Javnstøðunevndini at fáa fleiri kvinnur valdar inn á ting, og at upplýsa og kunna um ójavnstøðuna í talinum av mannligum og kvinnuligum løgtingslim- um. Greitt verður frá, hvønn týdning tað hevur fyri samfelagið, at kvinnur hava lítla politiska ávirkan og hvørjar orsøkirnar kunnu vera til, at so fáar kvinnur stilla upp og verða valdar inn á ting. - Tað hevur týdning, at fleiri kvinnur verða valdar inn á ting. Eitt vælvirkandi samfelag krevur aktivar samfelagsborgarar, sum gera sína ávirkan galdandi, tá raðfestingar verða gjørd- ar og avgerðir tiknar. Ikki bert tey gomlu, sjúku og veiku hava fyri neyðini at verða aktivir borgarar, um tey skulu vænta at fáa áhugamál teirra rímuliga raðfest. Eisini tey ungu mugu vísa á sín tørv. - Og hvussu við kvinn- unum? Umframt at tær eru bæði ungar og gamlar, sterkar ella veikar, so telja tær helmingin av landsins borgarum. Er tað annað enn ein sjálvfylgja at tær, júst tí tær eru kvinnur oftast rað- festa øðrvísi enn menninir? Kann samfelagið ella tann politiski leikpallurin yvir- høvur vera hesar røddir fyriuttan, sigur Turið Debes Hentze, forkvinna í Javn- støðunevndini, sum vónar, at veljararnir í ár stuðla kvinnuligum valevnum, soleiðis at 2002 gerst árið, har kvinnurnar sita á 25 prosent av Løgtingssessun- um og harvið fáa møgu- leika at gera seg galdandi á politiska leikpallinum og virka fyri einum meiri fjølbroyttum virksemi á tingi. Í nýggjari grein á heima- síðuna svarar hon spurn- inginum, nógv hava sett, nevniliga hví tað er neyð- ugt við einum serligum átaki fyri at fáa fólk at velja kvinnur. - Viðmerkingarnar, javn- støðunevndin hevur fingið, geva ein part av svarinum. Blokeringar, ivasemi og aggressiónir, tí kvinnurnar nú vilja nakað annað enn tað, sum hevur verið vænt- að av teimum, og sum vit eru von við. Tann politiski leikpallurin hevur ikki júst verið teirra. Og tað er ikki ein sjálvfylgja at lata seg umboða av eini kvinnu á Føroya Løgtingi. Kynsbrill- urnar forða her fyri út- sýninum, sigur Turið Debes Hentze millum annað. Úr innihaldinum Annika Wardum Joensen er sett at samskipa heimasíð- una. Á síðuni er ein rúgva av spennandi og aktuellum tilfari, ið alt nemur við kvinnupolitiskar spurning- ar og mál, ið viðkoma kvinnum. Hvørja viku verða kvinnuligir politik- arar lýstir, og hesar greiðar frá tankum og ætlanum við- víkjandi javnstøðu. Fimm fólk siga frá teirra meting um ymiskar spurningar viðvíkjandi javnstøðu, hesa vikuna, hví summi fólk ikki vilja atkvøða fyri einari kvinnu. Fesku greinirnar á heimasíðuna hesa vikuna eru tríggjar. Helena Dam á Neystabø, tingkvinna, sigur frá um arbeiðsháttin í tinginum, Malan Johansen, búskaparfrøðingur, hug- leiðir rundan um spurning- in, um hon hevði broytt nakað, um hon kom á ting, og Jógvan Mørkøre, sam- felagsfrøðingur, viðger spurningin, hvønn týdning tað hevur fyri samfelagið, at kvinnur hava lítla po- litiska ávirkan. Í farnu viku viðgjørdi Rói Patursson, heimsspekingur, spurn- ingin, um kvinnur skulu vera uppi í politikki, Bjørt Samuelsen, tíðindakvinna, setur spurnartekin við, hví kvinnur siga nei at verða uppstillaðar, og Dagny Joensen, tíðindakvinna, hugleiðir um spurningin, um kvinnuligu politikarar- nir hoyrast. Í komandi viku eru aftur nýggjar áhuga- verdar greinir at lesa. Hvørja viku skrivar for- kvinna í Javnstøðunevndini um kvinnur og politikk, og heimasíðuvitjandi svara spurninginum, um fleiri kvinnur áttu at havt sæti á tingi, Slóðir eru til danskar greinar og annað tilfar um javnstøðu. Í morgin, tað vil siga í hósdagsblaðnum, fer So- sialurin undir eina greina- røð, vit rópa Kvinnuval. Fyrsta greinin er samrøða við Anniku Wardum Joen- sen, samskipara av heima- síðuni hjá Javnstøðunevnd- ini, sum eisini hevur royndir sum stjóri. Síðani koma seks greinir, ein í hvørjum blaði til valið, har kvinnulig valevni umboð- andi allar seks flokkarnar, siga frá, eitt nú, um tær ætla at virka fyri størri javn- støðu í samfelagnum. Sein- asta greinin, sum kemur sjálvan valdagin, er sam- røða við Helenu Dam á Neystabø, tingkvinnu. www.javnratt.fo væl vitjað - Umframt at kvinnurnar eru bæði ungar og gamlar, sterkar ella veikar, so telja tær helmingin av landsins borgarum. Er tað annað enn ein sjálvfylgja at tær, júst tí tær eru kvinnur oftast raðfesta øðrvísi enn menninir, sigur Turið Debes Hentze, forkvinna í Javnstøðunevndini HT-3 flokkurin á Tekniska Skúla í Klaksvík hevur farna hálva árið smíða nýggju brúnna Eysturoyar Javnaðarfelag verður í HÆDDINI í Saltangará Í kvøld, MIKUKVØLDIÐ 17. APRÍL 2002 KL. 20-22 Jens Marni Hansen úr Kollafirði spælir og syngur Kaffi, te, smyrjibreyð og køkur verða at fáa Valevni Javnaðarfloksins verða við á hugnaløtuni og høvið verður at skifta orð við tey Øll eru hjartalig vælkomin Skráseting Føroya hevur í dag skrásett niðanfyri standandi fráboðan: Skrásetingar-nr. 2400, Norðoya Sparikassi, 700 Klaksvík. Viðtøkur broyttar: 31.12.2001 og 22.02.2002. Ábyrgdarpeningurin er tann 31. december 2001 kr. 2.817.000,00 Skráseting Føroya tann 15. apríl 2002 Kristin Balle _____________________ www.johandahl.net Johan Dahl Valevni Sambandsfloksins í Suðuroy Vit kunnu ikki lova tær pláss á lands- liðnum… … men eftir summarfrítíðina hava vit tvey lærupláss tøk. Og hjá R&W hava vit eisini eitt dugnaligt og væl samanspælt lið. At grannskoða varð fyrr mangan hildið at vera eitt keðiligt arbeiði, har ein bara sat og stardi at tølum. Í dag virkar grannskoðarin ofta sum ráðgevi, og við sínum heildarinnliti í viðurskifti kundans kann hann veita virðisskapandi ráðgeving. Umframt at grannskoða skal grannskoðarin í dag eisini kunna geva ráð um fígging, management, skatt, roknskap o.a. Hetta krevur bæði praktiska og teoretiska útbúgving. Tað er eisini neyðugt at hava góðan kunnleika bæði til vinnulívið sum heild og alment virksemi og stovnar. Jú, grannskoðan er í roynd og veru spennandi, og ein útbúgving hjá okkum gevur sera góðar framtíðarmøguleikar. Vit bjóða tær eitt lærupláss, har tú fyrst kanst lesa HD. Tað merkir, at tú vinnur pening, samstundis sum tú fært eina hægri útbúgving. Ætlar tú tær víðari eftir HD, eru møguleikarnir fleiri. Tú kanst t.d. lesa cand. merc. aud. sum sjálvlesandi, samstundis sum tú arbeiðir hjá okkum. Tú kanst eisini lesa cand. merc. aud. sum fulltíðarlesandi í Danmark - tú kanst fáa farloyvi, og kanska kunnu vit útvega tær arbeiði í lestrartíðini hjá PricewaterhouseCoopers í Danmark. Aftan á cand. merc. aud. er møguleiki at gerast statsautoriseraður grannskoðari. Hevur tú vilja og evni, stuðla vit tær sjálvsagt í at fullføra tað, tú setir tær fyri. Vit vænta, at tú hevur tikið ella tekur students-, HF- ella HH-prógv í summar, og at tú ert áhugað(ur) í eini búskaparligari útbúgving. Tú hevur hug at sameina eina teoretiska útbúgving við eina praktiska útbúgving. Eisini heldur tú tað vera spennandi at sleppa at virka í vinnulívinum. Størvini skulu setast eftir summarfrítíðina, men longu nú kunnu vit gera eina setanaravtalu. Ynskir tú aðrar upplýsingar, kanst tú ringja til okkara og seta teg í samband við Ole Guldborg Nielsen ella Klaus Rasmussen. Skrivlig umsókn við prógvum og øðrum upp- lýsingum skal vera okkum í hendi í seinasta lagi 27. apríl . Á Glaðsheyggi · Box 30 · FO-110 Tórshavn Tel. (+298) 31 10 17 · Fax (+298) 31 10 18 E-mail: rasmussen@rasmussen.fo · http://www.rasmussen.fo C M Y K 29 28