hósdagur 18. apríl 2002síða 2

2 Nr. 73 - 18. apríl 2002 Nr. 73 - 18. apríl 2002 3 TÍÐNDASKRIV Javnaðarflokkurin Javnaðarflokkurin hevur í valstríðnum fingið sær ein buss til vega, sum skal koyra runt alt landið. Talan er um ein 20 persónar buss, sum flokkurin hevur leigað frá Strandfaraskipum. Buss- urin er síðan skrýddur uttan við plakatum o.ø. Bussurin, sum hevur fingið heitið Leið 2002 Tinganes er farin at koyra, og seinastu dagarnar hevur verið koyrt runt til bygdir í Norðoyggjum og Eystur- oynni. Ætlanin er at bussur- in skal vitja allar bygdir í Føroyum, har koyrandi er til, og sjálvan valdagin fer bussurin at koyra fólk til valstaðið í Havn. Leikurin »Renn fyri vívi- num«, sum Spírar spæla, er nú spældur fyri 2700 fólk- um kring landið. Spírarnir hava umframt í Havn verið í Klaksvík og í Skopun, og allastaðni hev- ur verið útselt og fólk hevur latið ómetaliga væl at, siga tey í Spírum. Komandi leygardag verð- ur leikurin sýndur í Eydnu- ni á Oyrarbakka. Sýningar verða klokkan 17 og klokk- an 20. Atgongumerki eru at fáa í Streymbúðini og við dyrnar, um nøkur atgongu- merki eru eftir. Aftaná Oyrarbakka eru ætlanir um at fara í Suður- oynna at spæla. Leikararnir eru kunnugt: Aksel Joensen, Nikolaj Falk, Heðin Johannesen, Heini Poulsen, Ronni Poul- sen, Kristina Ougaard, Beinta Clotier og Hallur Hjalgrímsson. Kunngjørt verður fyri ætt, vinum og kenningum, at elskaði maður, pápi, verfaðir, abbi og bróðir okkara Johan Joensen andaðist á Landssjúkrahúsinum 14. apríl, 63 ára gamal. Jarðarferðin verður hósdagin 18. apríl kl. 13.00 úr Havnar kirkju. Fyri tey avvarðandi Nancy, Sólrun, Jan og Jón »Renn fyri vívinum« á Oyrarbakka leygardagin Javnaðarbussurin – Leið 2002 Tinganes Koyriætlanin sær annars soleiðis út: Norðoyggjar: koyrir í dag afturat Eysturoy: hevur longu verið í Eysturoynni, og var sera væl móttikin Norðstreymoy: 20. apríl koyrir bussurin á eystaru síðu í Norðstreymi og 21. apríl koyrir leið 2002 á vestaru síðu. Vágar: 16. og 17. apríl verður bussurin í Vágum Suðurstreymoy: 22., 23., 24. apríl og flaggdagin koyrir bussurin í Suðurstreymi Suðuroy: 26., 27. og 28. apríl Javnaðarflokkurin hevur í valstríðnum fingið sær ein buss til vega, sum skal koyra runt alt landið. Føroyska ullin, sum á dag fyri stóran part verður koyrd burtur, skal gagnnýtast, sigur arbeiðsbólkur, sum landstýrismaðurin við vinnumálum hevur sett LANDBÚNAÐUR Edvard Joensen Føroyska ullin skal ikki koyrast burtur, sum manga- staðni verður gjørt í dag. Hon skal savnast inn og gagnnýtast, stendur í til- mæli, landsstýrismaðurin við vinnumálum hevur fingið frá arbeiðsbólki, sum hevur viðgjørt málið. Arbeiðsbólkurin er samdur um at mæla lands- stýrismanninum til at játta eina hálva millión krónur árliga í fimm á til eina verkætlani við eini ullar- móttøku. Hendan móttøkan skal virka eina tveir-tríggjar mánaðar árliga. Ta tíðina, gingið verður á fjall um summarið, og meðan ullin verður savnað. Føroysk ull er ikki bara ull sum so, tí seyðurin er óvuliga ymiskt littur. Tí má stórt arbeiða gerast fyri at skilja ullina. Ikki bara í góðskuflokkar, uttan eisini í litir. Alt hetta arbeiði skal gerast á ullarmóttøkuni, og tann parturin av ullini, sum ikki kann nýtast, skal so fyribeinast. Umframt skal ullarmót- tøkan eisini átaka sær at turka og senda ullina víðari til virki ella aðrar keyparar. Tað áliggur eisini seyða- ánaranum at viðgera ullina og handfara hana soleiðis, at bara fyrsta floks vøra fæst burturúr. Hesum skulu teir stuðlast í, verður sagt í tíðindaskrivi, sum Vinnu- málastýrið hevur sent út í samband við verkætlanina, farast skal undir. Ullin, sum tikin verður, skal avroknast eftir dygd. Tí er sjálvsagt, at tann besta ullin, fær besta prísin. Sagt verður í tíðinda- skrivinum, at miðað verður eftir, at ullarmóttøkan skal rekast á handilsligum grundarlagi, men at ein minstiprísur tó verður ásettur. Nevnt verður í viðmerk- ing, at prísurin, sum í dag er galdandi, er fýra krónur fyri kilog, og verður tí gingið út frá, at hesin prísur verður settur sum minsti- prísur frá ullarmóttøkuni. Seinnu árini hevur før- oysk ull ikki verið serligt í metum, sæst á teimum rúgvum, sum liggja víða hvar við rættirnar ymsa- staðni í landinum. Føroyingar hava heldur ikki gjørt nakað soleiðis fyri at fáa nakað burtur úr ullini. Hugsað hevur verið um kjøt. At fáa so nógva vekt sum gjørligt upp á krovið. Ullin er so komin í aðru røð, ella als ikki hugsað um. Tað kemur til dømis týðuliga til sjóndar í litinum, føroyski seyðurin hevur. Her verður einki kynsbótararbeiði gjørt til tess at fáa einlittan seyð. Og tað sum verri er - ikki bara fyri ullina og ullar- móttøkuna, uttan mest fyri seyðin sjálvan - eru tær mongu pesjurnar, sum eru at síggja ymsastaðni. Eitt er, at menn ikki tíma at taka ullina upp av rættini, tí tað ikki loysir seg. Men at heilar gongur ganga við pesju, tí ikki verður roytt á sumri, líkist ikki nøkrum. Haðani er so einki at vænta til nakra ullarmóttøku heldur enn skinnasølu á heysti. Ull til heiður og æru Umframt at ein sovorðin pesja ikki kann brúkast til nakað sum helst, er tað ringt fyri seyðin at ganga soleiðis. Ullarmóttøkan skal stimbra seyðaánarum í at leggja seg meira eftir ullarrøkt Mynd: Edvard Joensen Várútgávan av limablaðnum hjá Føroya Heima- virkisfelag er komin. Blaðið verður givið út tvær ferðir árliga ÚTGÁVA Føroya Heimavirkisfelag hevur latið várútgávuna av limablaðnum úr hond- um. Innihaldið er greinar um ymiskt heimavirki, eins og onkur ferða- frásøgn eisini er. Limablaðið er prentað í A5 stødd og telur 28 blaðsíður. Umframt greinar og hugleiðingar, er eisini innan í permuni prentað skráin hjá Føroya Heimavirkisfelag fyri árið 2002. Eitt mál, sum er til við- gerðar í felagnum, er skipan av økisfeløgum undir Føroya Heimavirk- isfelag. Hetta verður viðgjørt í oddagrein eins og í greinum inni í blað- num. Annars eru frásagnir frá ymsum tiltøkum, sum hava við heimavirki at gera, umframt ein grein um føroyskan bát. Føroya Heimavirkis- felag boðar eisini í blað- num frá eini sonevndari Vættrakapping, har kapp- ingin er um at gera eina føroyska vættur, sum seljast kann sum »sou- venir«. Kappingin stend- ur við til hálvan juli. ej Heimavirkisblað komið C M Y K 3 2 V I N N U M Á L A S T Ý R I Ð team85 Er tað tær vit leita eftir? Vinnumálastýrið sóknast eftir einum fólki til journalleiðarastarvið í stýrinum. Starvið verður sett undir Aðalskrivstovuni. Umframt aðalskriv- stovuna fevnir Vinnumálastýrið um 3 deildir fyri ávikavist vinnu-, sam- skiftis- og veterinermál, og hevur stýrið sum høvuðsuppgávu at standa fyri at umsita vinnu-, samskiftis- og veterinermál hjá landsstýrinum. Vinnumálastýrið umsitur málsøki í m.a. ídnaði, handli, landbúnaði, aling, mati og umhvørvi, arbeiðsmarknaði, samskifti, samferðslu, herímillum fyrireiking og eftirlit við lógum, kunngerðum og reglugerðum. · skrivstovuútbúgving ella líknandi · dugir væl føroyskt og danskt umframt kunnleika til enskt · kunnleika til EDV á brúkarastigi · góð samstarvsevni · at journalisera og avgreiða post · ymiskar skrivarauppgávur fyri fulltrúar, deildarstjórar og aðalstjóra · aðrar skrivstovuuppgávur · eitt spennandi og læruríkt starv, sum tú sjálv/ur ert uppi í at skapa, viðhvørt strævið, men samstundis sera áhuga- vert og avbjóðandi við góðum skeið- og eftirútbúgvingar- møguleikum. Starvið er lønt sambært sáttmála millum Fíggjarmálastýrið og Starvs- mannafelagið. Setanarøkið fevnir um Vinnumálastýrið og stovnar undir tí umframt Løgmansskrivstovuna og onnur aðalstýri. Hevur hetta tín áhuga, er tú vælkomin at senda eina umsókn við prógv- um, viðmælum o.ø. til: innan 1. mai 2002. Upplýsingar um starvið fært tú frá Ara Johanneson, deildarstjóra í Vinnu- málastýrinum, á tel 35 60 60. Tín førleiki: Tínar uppgávur: Vit bjóða tær: Løn- og setanartreytir Umsóknir Vinnumálastýrið Postboks 377 Tórshavn