hósdagur 9. mai 2002síða 7

12 Nr. 87 - 9. mai 2002 Nr. 87 - 9. mai 2002 13 – Sambandsveljarar eru forargaðir um tað, sum er hent, sigur Lisbeth L. Petersen. POLITIKKUR Vilmund Jacobsen Sambandsflokkurin skuldi á fundi í gjár kl. 13 umrøða politisku støðuna, nú løg- maður, Anfinn Kallsberg, hevur boðað frá, at sam- gongan heldur fram, og at Javnaðarflokkurin og Mið- flokkurin eru vælkomnir uppí samstarvi, men ikki Sambandsflokkurin. – Fyribils hava vit í and- støðuni so eina skrivliga avtalu um, at vit standa saman, og í kjakinum í út- varpinum týskvøldið hefti eg meg við, at ikki minst Jenis av Rana legði stóran dent á hetta, sigur Lisbeth L. Petersen. Hon leggur dent á, at Sambandsflokkurin, Javn- aðarflokkurin og Miðflokk- urin gjørdu hesa avtalu, tá ið tað frættist, at Fólka- flokkurin og Sjálvstýris- flokkurin vóru gingnir saman. – Við avtaluni vildu vit vísa á, at vit eisini eru 16, og at samgongan ikki kann ignorera hendan veruleika. Mangir leikir í longum talvi Spurd, um hon heldur, at hendan avtalan fer at halda, nú Javnaðarflokkinum og Miðflokkinum stendur í boði at koma uppí sam- gonguna, sigur hon, at tað vil hon vóna, at hon ger. – Í politikki veitst tú ongantíð, hvat hendir, men í mínari verð er ein avtala ein avtala, sum eigur at vera hildin. Men fer andstøðan so eisini at standa saman ímóti samgonguni, eftir at tingar- beiðið er tikið uppaftur, nú tað stendur á jøvnum í ting- mannatali, spurdu vit Lis- beth. – Ja, eg havi skilt, at av- talan eisisi fevnir um tíðina eftir, at tingið er komið saman aftur, og tí verður tað torført hjá samgonguni, sum bert hevur helmingin av tinginum aftanfyri seg, at fremja síni mál, sigur hon. Lisbeth heldur, at hetta er ein ógvuliga keðilig og fastløst støða. – Eg haldi avgjørt, at løg- maður átti at latið aðrar flokkar roynt seg, áðrenn hann avgerð at halda fram við ongum meiriluta aftan- fyri seg, og tá ið hann ikki ger tað, haldi eg, at hann misnýtir sítt vald sum løg- maður. Veljarin altíð rætt – Eg tulki valúrslitið so- leiðis, at veljarin segði nei til førda politikkin seinastu fýra árini, men løgmaður, sum valkvøldið segði, at veljarin altíð hevur rætt, virðir ikki, at andstøðan fekk meira enn helmingin av atkvøðunum á valinum, 30. apríl. Lisbeth sigur, at hevði samgongan fingið 51,1% av atkvøðunum og andstøð- an bert 48,9, ivast hon ikki í, at hetta hevði verið brúkt til fyrimuns fyri sitandi samgongu og førda politik- kin. – Men nú tað er øvut, virðir løgmaður ikki avgerð Føroya fólks, sigur hon. Atkvøðuslúkurin á løg- tingsvalinum sigur, at sam- bandsveljarar, sum hon hevur tosað við, eru forarg- aðir um støðuna og halda ikki, at løgmaður ber seg rætt at. Spurd, um hon hevði ætlað sær at verið løgmaður í eini samgongu, har Sam- bandsflokkurin var við, sig- ur Lisbeth L. Petersen at enda. – Sambandsflokkurin hevur flestar atkvøður av øllum flokkum, og komu vit í samgongu, er tað náttúrligt, at vit vildu havt løgmann. Men vit hava onga avgerð tikið um, hvør skuldi sitið í løgmanssessi- num sigur hon. Á fundi mikudagin kl. 13 skuldi Sambandsflokkurin so umrøða politisku støðu- na. Løgmaður misnýtir sítt vald – Løgmaður virðir ikki avgerð Føroya fólks, sum er eitt nei til førda politikkin seinastu fýra árini, sigur Lisbeth L. Petersen. - Eg harmist um, at støðan er so fastløst, men samgongan er framvegis opin fyri einum breiðum sam- starvi, og enn havi eg vónir um, at aðrir flokkar koma við í samgonguna, sigur Høgni Hoydal. POLITIKKUR Vilmund Jacobsen Hóast løgmaður hevur boð- að frá, at sitandi samgonga fer at halda fram við 16 tinglimum aftanfyri seg, merkir tað kortini ikki, at hurðar eru lætnar aftur fyri einum breiðari samstarvi við eitt nú Javnaðarflokkin og Miðflokkin. – Í dag er einki hent, sum týðir uppá tað, men vit hava framvegis ikki slept vónini um eitt breiðari samgongu- grundarlag, og enn eru hurðarnar opnar til tess, segði Høgni Hoydal, tá ið Sosialurin tosaði við hann fyrrapartin í gjár. Støðan er hon, at løg- maður hevur boðað frá, at sitandi samgonga heldur fram, men hon hevur bert helmingin at nývalda løg- tinginum aftanfyri seg. – Sum út sær í løtuni, verður hetta ein minniluta- stjórn, soleiðis sum vit kenna tær í øðrum londum, men vit kunnu eisini kalla hetta eina javnleikastjórn, sigur Høgni Hoydal. Høgni harmast Hann ásannar, at tað var ikki hetta, sum Tjóðveldis- flokkurin og samgongan annars helst vildi og harm- ast um, at politiska telving- in hevur ført til hesa fast- læstu støðu. – Eg haldi, at um Javnað- arflokkurin óttaðist ójavnar samráðingar, nú vit fram- manundan eru 16 aftanfyri samgonguna, so kundi flokkurin í minsta lagi møtt upp til samráðingar um møguligt samstarv. Men tað valdi flokkurin ikki at gera, og tað skilji eg ikki, sigur Høgni. Hann vísir á, at hetta er ein heilt nýggj støða, sum flokkarnir hvør í síni lagi tosa saman um. Spurdur, nær Tjóðveldis- flokkurin, Fólkaflokkurin og Sjálvstýrisflokkurin fara at tosa um innihaldið í ein- um nýggjum samgongu- skjali, sigur Høgni, at tað helst verður áðrenn tingið kemur saman mikudagin í komandi viku. – Men eingin sigur, at hetta skal gerast fyri ta tíð. Nú fáa vit at síggja, hvat hendir næstu dagarnar, og tað kemur so eisini at hava týdning fyri arbeiði, sum gerast skal. Høgni sigur, at tað vóru Fólkaflokkurin og Sjálv- stýrisflokkurin, sum gjørdu nógv umrøddu avtaluna, meðan Tjóðveldisflokkurin ikki var við í nakrari bein- leiðis »alliancu«. – Vit mæltu til at taka upp samráðingar við Javn- aðarflokkin og Miðflokkin um samstarv við sitandi samgongu, tí vit mettu, at støðan annars kundi lasast føst, og tað er hetta, sum nú er hent, sigur Høgni. Andstøðan hevur sagt, at avtalan millum Sambands- flokkin, Javnaðarflokkin og Miðflokkin stendur við, til ein formansrunda hevur verið. Hetta merkir iva- leyst, at andstøðan verður tung at »dansa« við hjá samgonguni, tá ið tingar- beiði verður tikið uppaftur. Høgni ásannar, at hetta er ein keðilig støða og vónar, at Javnaðarflokkurin og Miðflokkurin eru so mikið at sær komnir, at teir vilja verða við í landsins stjórn. – Eg skilji ikki, hví hesir flokkar velja at seta seg uttanfyri, tá ið hurðarnar eru opnar fyri teimum at verða við í tí arbeiði, sum gerast skal, sigur Høgni Hoydal. Eingin viðmerking Tað er løgmaður, sum velir landsstýrismenninar og ein spurningur, sum hevur tikið seg upp í hesum sambandi, er, hvussu nógvar lands- stýrismenn eitt nú Sjálv- stýrisflokkurin fær. Flokk- urin misti annað umboði á valinum, 30. apríl og situr nú bert við einum umboði á tingi. Í verandi samgongu hevur Sjálvstýrisflokkurin tveir landsstýrismenn, og fólk spyrja nú, hvussu verð- ur framyvir. – Handa spurningin havi eg onga viðmerking til, sig- ur Høgni Hoydal. Hann vísir á, at nú løg- tingsval hevur verið, hava vit eitt nýtt grundarlag og eitt nýtt tingmannabýti, men hann ynskir onga við- merking at gera hesum við- víkjandi. Hurðar framvegis opnar fyri breiðum samstarvi – Eg skilji ikki, hví Javnaðarflokkurin og Miðflokkurin velja at seta seg uttanfyri, tá ið hurðarnar eru opnar fyri teimum at verða við í tí arbeiði, sum gerast skal, sigur Høgni Hoydal. BERG MOTORS BILASØLAN SCAND- ITALIA DAEWOO SUZUKI Leygardagin 11. mai kl. 10.00-20.00 Sunnudagin 12. mai kl. 14.00-20.00 ESMAR SIMONSEN · DB BILAR · BILASØLAN v/ ØSSUR JOHANNESEN · SP/F SUPERDEKK BERG MOTORS · NORÐBIL · SUZUKI · SCANDITALIA SKODA KIA AUDI VW MG MAZDA DAEWOO Sosialurin 311820 C M Y K 13 12