mikudagur 5. juni 2002síða 2

2 Nr. 104 - 5. juni 2002 Nr. 104 - 5. juni 2002 3 Tá ið bestu tímarnir av degnum eru farnir, fara fleiri børn í fyr- sta flokki í skúla í Havn. Hølistrupul- leikar eru orsøkin og frá komandi skúlaári má Kommunuskúlin í Havn eisini taka til takkar við hesa loysn- ina. Tó ikki so leingi, tí um eitt ár verður nýggjur bygningur tikin í nýtslu til 1., 2. og 3. flokk FÓLKASKÚLIN Turið Kjølbro Hølistrupulleikar á fleiri skúlum í Havn gera, at yngstu næmingarnir mugu ganga í skúla seinnapart. Soleiðis hevur verið á Argjum og í Hoyvík í nógv ár, og frá komandi skúlaári mugu eisini børnini, sum byrja í 1. flokki í Kommunu- skúlanum, sláa seg til tols við at skula í skúla seinna- part. Í fleiri ár hevur hetta ikki verið neyðugt í Kom- munuskúlanum, men sein- astu fimm árini er næm- ingatalið vaksið við meiri enn 200 børnum, úr 380 í 588 frá komandi skúlaári. Karmarnir í Kommunu- skúlanum verða kortini ikki trongir so leingi afturat, tí um eitt ár tekur skúlin í nýt- slu nýggjan bygning. Barakkin á skúlaøkinum, sum yngstu flokkarnir halda til í í dag, verður tikin niður í summarsteðginum og nýggjur skúli bygdur. – Tá ið hesin bygningurin er liðugur, verður pláss fyri øllum næmingunum. At tað verður ógvulig trongt eitt ár afturat fara vit at klára við vælvild frá øllum pørtum, tí vit síggja fram til at taka ein nýggjan bygning í nýt- slu um ikki so langa tíð, sigur Hanus Joensen, skúlastjóri í Kommunu- skúlanum. Fyrsti flokkur, sum byrjar í Kommunuskúlanum kom- andi skúlaár, byrjar kl. 12.45 og verður liðugur umleið kl. 16.00. Áðrenn skúlatíð eru tey í frítíðar- skúla. – Skulu tey byrja fyrr á degnum, mugu tey í frítíð- arskúla aftur eftir skúlatíð, og tað ber illa til, sigur Hanus Joensen. Nútímans Nýggi bygningurin, sum verður bygdur til Kommunu- skúlan, verður í tveimum hæddum. Har vera seks skúlastovur og 1., 2. og 3. flokkur fara at halda til har, umframt vera aðrar stovur til annað, sum hoyrir til undirvísing í dag. – Skúlin verður í allar mátar nýtímans. Ein spenn- andi ætlan við nútímans skúlatankum, sigur Hanus Joensen. At nýggjur bygningur verður bygdur afturat til Kommunuskúlan, útloysir ikki fleiri stovur á verandi skúla. – Allar stovur verða full- ar kortini, tá ið alt er liðugt, tí næmingatalið veksur støðugt. Í 2003/4 verður ein flokkurt afturat, sigur Han- us Joensen. Tað er misjavnt, hvussu skúlastjórarnir lata at við- víkjandi tí, at sjey ára gomul børn byrja skúladag- in, tá ið stórur partur av degnum er farin. – Børnini eru illa fyri og móð, og hava ikki góð bindini til at sita still, lurta og læra. Bestu tímarnir av degnum eru farnir, tá ið hesi koma í skúla. Vit vita jú, at betur tú ert fyri, meiri lærir tú, sigur Marjun Holm, skúlastjóri í Argja skúla. Børnini í 1. flokki í Argja skúla byrja kl. 11.40 og eru liðug uml. kl. 15.00. – Foreldrini eru kedd av, at soleiðis skal vera, men har er einki at gera fyrr enn vit fáa onnur og fleiri hølir, sigur Marjun Holm. Sambært skúlastjóranum í Hoyvíkar skúla, Petur P. Dahl, lata lærararnir væl at børnunum í 1. flokki, sum byrja í skúla kl. 11.50. Í Hoyvíkar skúla eru nítjan skúlaflokkar og skúlin ræð- ur yvir seytjan skúlastov- um. – Børnini eru væl fyri. Hugburðurin er broyttur seinni árini. Nú duga fleiri at síggja fyrimunirnar við at ganga í skúla seinnapart í og við, at skúlin er rúmlig- ari tá. Høvdu børnini byrj- að í skúla seinni, kanska longri út á seinnapartin, rokni eg avgjørt við, at tey høvdu verið verri fyri, sigur Petur P. Dahl. At yngstu næmingarnir so at siga hava skúlagarðin fyri seg sjálvar, metir Hanus Joensen eisini er ein fyrimunur. – Tað er trongt í skúla- garðinum, um 600 næm- ingar skulu vera har sam- stundis og vit hava ikki møguleika fyri at býta garðin upp, sum tað verður gjørt aðra staðni, sigur hann. Óheppið Nógvar ætlanir eru í um- búna á skúlaøkinum í Tórs- havnar kommunu. Fremst stendur umrødda nýbygg- ing til Kommunuskúlan. Eisini formaðurin í mentun- arnevnd Tórshavnar bý- ráðs, Heðin Mortensen, heldur, at tað er óheppið, at sjey ára gomul børn skulu byrja í skúla so seint út á dagin. – Tað er ikki meiri enn næst best. Børnini hava jú verið virkin allan fyrrapart- in og eru vorðin móð, tá ið tey skulu í skúla. Eisini set- ir tað nógv foreldur í eina trupla støðu viðvíkjandi ansing, tí skúlin er liðugur, áðrenn foreldrini eru liðug at arbeiða, sigur Heðin Mortensen. Tøkk Hjartaliga takka vit øllum fyri sýnda samkenslu, tá kæra systir, fastir og mostur okkara Dania Jacobina Nielsen í Tvørgøtu,Tórshavn andaðist og varð jarðað. Ein serstøk tøkk til tykkum, sum vóru um hana ta seinastu tíðina. Tøkk til Bjarna Bæk, dómpróst, fyri góð og troystarrík orð í heiminum, kapellinum og í kirkjuni og tøkk til berarar, kirkjutænarar, sangarar og gravarar. Tøkk fyri blómur, kransar, heilsanir og uppringingar og tøkk til tykkum øll, sum fylgdu henni til hennara seinasta hvíldarstað. Fyri tey avvarðandi Emma Børn í skúla seinnapart orsakað av hølistrupulleikum Fleiri skúlar í Havn eru ov lítlir og tað gongur út yvir tey, ið fara í fyrsta flokk Mynd: Finnur Justinussen Páll á Reynatúgvu verður landsstýris- maður í almannamál- um, og Høgni Hoydal og Karsten Hansen halda fram við sínum málsøkjum. LANDSSTýRISMENN Heri á Rógvi Tað er nú greitt, hvønn Tjóðveldisflokkurin hevur valt at umboða flokkin í landsstýrinum. Høgni Hoy- dal og Karsten Hansen halda fram við ávíkavíst fíggjarmálum og lógarmál- um. Annlist Bjarkhamar, sum verður umrødd aðrastaðni í blaðnum, verður lands- stýrismaður í mentanar- málum. Í almannamálum verður tað Páll á Reynatúgvu, sum verður landsstýrismaður. Páll á Reynatúgvu er 34 ára gamal. Hann er valdur á ting fyri aðru ferð í Sand- oyar valdømi, og hann hev- ur eisini áður stillað upp. Hann er útbúgving fysio- terapeutur. Seinastu fýra árini hevur hann verið for- maður fyri trivnaðarnevnd- ina í løgtinginum. Hann er giftur Kristinu og tey eiga tvey børn. Páll á Reynatúgvu fær almennamál Páll á Reynatúgvu verður nú landsstýrismaður í almanna- málum Tøkk Hjartans tøkk fyri sýnda samkenslu, tá kæri maður, pápi, verpápi og abbi okkara John Dam skipari, ættaður úr Vestmanna doyði og varð jarðaður. Tøkk fyri blómur, kransar og telefonuppringingar. Tøkk til prest, kirkjutænarar og gravarar.Tøkk til Vestmenn fyri vakran sang.Tøkk til tykkum øll, sum á ymiskan hátt hjálptu til við jarðarferðina. Tøkk øll tit, ið fylgdu honum til hansara seinasta hvíldarstað. Vegna tey avvarðandi Oddvør, Hans Andreas, Marita, Zacharias og abbabørn Fyrsti landsstýris- maður Miðfloksins lovar, at tað nú fer at merkjast, at teir hava fingið ein mann í landsstýri. Fyrst á skránni verður at seta eina skúlalæknaskip- an í verk, sum Mið- flokkurin hevur lovað sínum veljarum. Eis- ini er ætlanin at menna eina hug- burðsbroyting. Vit hava hitt nýggja landsstýrismannin Bill Justinussen SAMRØðA Heri á Rógvi Hann er kanska ikki so kendur í politikki. Nýggi landsstýrismaðurin, Bill Justinussen, hevur stillað upp hvørja ferð síðani valið í 1988. Fyrstu ferðirnar stillaði hann upp fyri Kristiliga Fólkaflokkin. Hann var ein av teimum, sum stovnaðu Miðflokkin í 1991, og við valið í 1990 var hann um reppið at røkka inn á ting í Suður- streymoyar valdømi. Hann er av Glyvrum, og tað er eisini í Eysturoynni, at hann hevur stillað upp seinastu ferðirnar. Hann varð frelstur, tá hann var 13 ár. Hann er sonur Gunnvu og Bjørn Justinussen, og nú er hann eisini landsstýrismaður – 38 ára gamli Bill Justinus- sen. – Tað er væl eitt tað hæg- sta ella eitt av teimum ynskjunum, tú kanst hava í royndunum at fáa ávirkan, at gerast tingmaður ella landsstýrismaður, sigur Bill Justinussen, tá spurt verður eftir orsøkini til, at hann hevur valt at átaka sær hendan álitissess. – Eg leyp tó ikki út í tað. Eg havi hugsað meg væl um, tí eg ynski ikki, at hetta skal ganga útyvir familju- na, sigur Bill Familja og heilsa Bill Justinussen verður lands- stýrismaður í familju- og trivnaðarmálum. Hetta er at meta sum ynskistøða fyri Miðflokkin, sum undan valstríðnum bar fram ynski um ein familjumálaráð- harra. Økið hjá Bill Justinussen kemur at umfata alt sjúkra- húsverkið og øll øki innan- fyri heilsu. Eisini fara íbúð- armál, dagstovnar og rús- evnismál at hoyra undir økið hjá Bill Justinussen. Nýggi landsstýrismaðurin av Glyvrum fer at halda til saman við landsstýris- manninum í almannamál- um í Almanna- og heilsu- málastýrinum. Fyribils hev- ur ikki verið tosað um, at víðkað stýrið. Hesi mál, ið Bill Justinussen nú skal umsita, eru tey somu, ið Miðflokk- urin legði størstan dentin á í valstríðnum. – Mann vil við einum landsstýrismanni í familju- málum hyggja eitt sindur frameftir. Vit vilja arbeiða við fyribyrging og heilsu- fremjan ístaðinfyri bara at royna at sløkkja eldarnir, sum tað ofta hevur verið við verandi stýrum,serliga tí arbeiðsbyrðan hevur ver- ið so stór, sigur Bill Justinussen. Hugburðurin broytast – Eg vil styrkja um upplýs- ingina. Endamálið er at fáa eina hugburðsbroyting, sig- ur ein avgjørdur Bill Justinussen. Rúsevnismál hoyra eisini undir hansara málsøki, og har ætlar nýggi landsstýris- maðurin at leggja serliga stóran dent á fyribyrging. – Upplýsing fram um forboð, ljóðar aðalsetning- urin í politikkinum. – Eg haldi, at vit skulu læra fólk ikki at drekka, heldur enn at læra tey at drekka. sigur Bill Justinus- sen. Bill Justinussen og Mið- flokkurin meta, at tað hevur stóran týdning, at mann fer væl við sálini, og teir rað- festa eisini lívskvalitetin ovarliga. Ætlanin hjá Bill er at gera kanningar fyri at finna útav meira um lívskvalitetin hjá tí einstaka, har støði verður tikið í ynskjunum hjá tí ein- staka. – Familja skal vera kjarn- in í samfelagnum.Hendan samgongan er samd um, at heilsu- og familjuøkið skal raðfestast ovarliga, sigur Bill Justinussen. Skúlalæknin fyrst Eitt av lyftunum í valstríð- num frá Miðflokkinum var at seta eina skúlalækna- skipan í verk. Hesum ætlar Bill Justinussen eisini at virka fyri frá byrjan av sum sítt fyrsta mál sum lands- stýrismaður. Eisini skal hann og stýri í holt við at orðað ein fram- tíðar familju- og heilsupoli- tikk, og hetta verður heldur ikki nøkur hissini uppgáva. Ætlanirnar hjá Bill Justinussen eru eisini at halda fram við trimum sjúkrahúsum í Føroyum, og hann roknar eisini við, at tá Norðoyatunnilin vil gera tað møguligt at Eystur- oynni kann gera sær meira dælt av sjúkrahúsinum í Klaksvík. Bill metir eisini, at tað fer at gera hansara uppgávu munandi lættari í mun til hansara undangongumann, at eitt sjúkrahús í hesum døgum verður bygt. Eisini ætlar Bill Justinus- sen at virka fyri lógum, ið betra um trivnaðarstøðuna. Kristindómur Sum Miðflokkinum so líkt leggur Bill Justinussen eis- ini stóran dent á tað anda- liga lívið – kristnu lívs- áskoðanina. – Eg varð frelstur, tá eg var 13 ár. Tað hevur eisini ávirkað meg nógv í politik- ki, sigur Bill Justinussen. – Tit koma at merkja tað, at tað nú kemur ein lands- stýrismaður úr Miðflokki- num, sigur Bill Justinussen. Hann heldur, at nú Mið- flokkurin hevur fingið ein landsstýrismann, so kann vera við til at fáa flokkin at veksa. Tíðin fer at vísa, hvat Bill Justinussen fer at fáa burt- urúr, nú hann verður lands- stýrismaður. Bill Justinussen: – Tað fer at merkjast – Mann vil við einum landsstýrismanni í familjumálum hyggja eitt sindur frameftir. Vit vilja arbeiða við fyribyrging og heilsufremjan ístaðinfyri bara at royna at sløkkja eldarnir, sum tað ofta hevur verið við verandi stýrum,serliga tí arbeiðsbyrðan hevur verið so stór, sigur Bill Justinussen FAKTA Navn: Bill Justinussen Aldur: 38 ár Hjúnastøða: Giftur við Malenu (fødd Gregersen) Børn: Trý, 13,8 og 6 ára gomul. Útbúgving: Student-, Handilsskúla og HD fyrsta part. Starv: Bókhaldari (landsstýrismaður) 28 ára gamla Annlis Bjarkhamar verður landsstýriskvinna í mentamálum. Hon sær tað sum ein for- kunnugan møguleika, og hon ætlar at vaska talvuna reina. Kjakið um fólkaskúlin skal vendast til at gerast positivt LANDSTýRISKVINNA Heri á Rógvi Á miðjara nátt týsnáttina ringdi telefonin hjá Annlis Bjarkhamar. Tað var frá Tjóðveldisflokkinum, og boð vóru eftir henni at koma oman á Gamla apo- tek til eitt prát. Hon fekk beinanvegin varhugan av, at nú var okkurt á veg, og so var eisini. Niðri á Gamla apoteki fekk hon nevniliga bjóðað at gerast lands- stýriskvinna í mentanar- málum. – Tey høvdu ógvuliga góðar grundgevingar, har tey m.a. søgdu, at tað var umráðandi at gera íløgur í framtíðini. Samstundis varð tað mær gjørt greitt, at hetta var eitt stórt og rúgv- ismikið arbeiði. Eg hevði ikki nakran hóming av, at eg var í uppskoti til at ger- ast landsstýrismaður, sigur Annlis Bjarkhamar. Hon valdi at taka av til- boðnum, og um stutta tíð kann hon alment kalla seg fyri landsstýrismann. – Eg vil vaska talvuna reina. Eg haldi, at tað er nógv vanahugsan, hvør eig- ur at vera landsstýrisfólk. Hevur tú hugsjónirnar, so haldi eg avgjørt, at tú hevur fortreytirnar, sigur Annlis Bjarkhamar. Hon sigur altíð havt verið virkin innanfyri mentanar- liga øki, og hetta kann mestur roknast sum ein av orsøkunum til, at tað gjørd- ist hon, sum skal í lands- stýrið. Hon sær tað sum ein for- kunnugan møguleika at sleppa at royna sæti í lands- stýrinum, ið eitt nú Tór- bjørn Jacobsen hevði um hendi eina tíð og fýra tjóð- veldismenn hava roynt seinastu fýra árini. – Eg havi nøkur heilt greið mál. Tað hevur ongantíð ligið til mín at stilla upp. Eg haldi eisini, at tað kann gerast ein fyri- munur, tá eg kanska ikki eri so slípað, sigur Annlis Bjarkhamar, sum ongantíð hevur stillað til eitt løg- tings- ella fólkatingsval. Hon sigur seg hava greiðar hugsanir, sum fara at merkja hennara arbeiði sum landsstýrismaður næstu ár- ini. –Sum læraraskúlanæm- ingur liggur fólkaskúlin sjálvandi mær rættiliga nær. Eg ætli eisini, at fáa vent tað nógva av kjakinum um fólkaskúlan til at gerast meira positivt, sigur Annlis Bjarkhamar. Eisini fær hon nógv at síggja til í sambandi við yvirtøkuna av fólkakirkju- ni, ið fellir innanfyri henn- ara málsøki. Annlis Bjarkhamar held- ur, at tað hevur stóran týdn- ing, at mann ger seg greitt, hvat tað er, mann vil. – Eg haldi, at mentanar- økið er grundleggjandi. Vit skulu ikki leggjandi hond á skapandi mentan. Listin og mátturin má veksa, sigur Annlis Bjarkhamar. 28 ár Annlis Bjarkhamar er 28 ára gomul, og hon er ættað úr Vági, men í løtuni búsit- andi í Havn. Hon gongur á Føroyar læraraskúla á síð- sta ári. Hesa seinastu tíðina hevur hon eisini starvast á Eysturskúlanum í praktikk. Hon hevur aktiv í Tjóðveld- isflokkinum seinastu átta árini. Ein stóran part av hesari tíðini hevur hon ver- ið formaður fyri Unga Tjóðveldið, sum hon eisini var við til at endurstovna í 1998. Hon hevur gingið á háskúla tvær reisir, og hon hevur eisini roynt seg sum útvarpsfólk, og nú verður hon altso landsstýrismaður í mentanarmálum. Hon verður yngsti lands- stýrismaðurin nakrantíð, og fyrsta tjóðveldiskvinna í landsstýrinum síðani Jón- gerð Purkhús. Annlis Bjarkhamar landsstýriskvinna í mentamálum: – Eg vil vaska talvuna reina – Eg vil vaska talvuna reina. Eg haldi, at tað er nógv vanahugsan, hvør eigur at vera landsstýrisfólk. Hevur tú hugsjónirnar, so haldi eg avgjørt, at tú hevur fortreytirnar, sigur Annlis Bjarkhamar C M Y K 3 2