týsdagur 25. juni 2002síða 13

Nr. 118 - 25. juni 2002 25 Talvið hesa vikuna Kramnik,V (2809) - Anand,V (2752) Advanced Chess rapid Leon ESP (3), 22.06.2002 Móttikið Dronningagambit 1.Rif3 d5 2.d4 e6 3.c4 dxc4 4.e3 c5 5.Bxc4 Rif6 6.0-0 a6 7.Bb3 cxd4 8.exd4 Ric6 9.Ric3 Be7 10.Bg5 0-0 11.Fd2 Ria5 12.Bc2 b5 13.Rad1 Ric4 14.Ff4 Ra7 [14...Rixb2?? 15.Bxf6 Bxf6 16.Fe4 hóttur mát og rók] 15.Rie5 Rc7 16.Rixc4 bxc4 17.Bxf6 Bxf6 18.d5! (finnan avgerð talvið) 18...e5 19.Ff3 Rb7 20.Fe4 g6 21.Fxc4 Rxb2 22.Bb3 Bg5 23.d6 (finnan skal jú á mál) 23...Be6 24.Fa4 Bxb3 25.axb3 Fb6 26.Fg4 Bf4 27.Rid5 Fd8 28.Rixf4 exf4 29.d7 (Anand er trælabundin av framkomnu finnuni) 29...Rxb3 30.Fxf4 Rb8 31.Rfe1 Fb6 32.h4 h5 33.Rd6 Fc5 34.Ff6 Ff5 35.Fxf5 gxf5 36.Rxa6 Rfd8 37.Rd6 1-0 Í vikuskiftinum telvaðu superstór- meistararnir Vladmir Kramnik og Vis- wanathan Anand ein heldur óvanligan talvdyst, har teir kundu brúka sterk talvforrit sum ráðgevarar. TALV Carl Eli Nolsøe Samuelsen Heitið á dystinum millum nummar tvey og trý í heiminum, var Advanced Chess Match. Telvað varð í Leon, Spánia. Møguleikin at nýta teldu til hjálps, er tó ikki nakað nýtt fyribrigdi í talvheiminum. Fyrr hevur verið dystast við hesum møguleika, og eisini hevur Garry Kasparov verið heitur fyri hugskotinum. Mannagongdin varð tann, at Kramnik og Anand skuldu telva seks talv, har teir høvdu ein tíma í part til talvið, og samstundis møguleikan at nýta talv- forrit sum ráðgevarar. Talv- teldur, serliga talvforritini Deep Fritz (sum Kramnik skal telva ein dyst ímóti í heyst), Fritz 7.32, og Junior, eru óhugnaliga skjótar at síggja eitt nú mátmøguleikar, oftani heilt upp til 15 leikir ella meir áðrenn sjálvt mátið, og tá er talan um kravdir, ella ein- astu leikir. Eisini kortleggja tær allar møguleikar í ávísari støðu innan eitt sekund. Tí skuldi ein ikki trúð at møguleiki er hjá okkum deyðiligu at basa hesum ódjórum, men enn er óvist um hvør er tann sterkari, menniskja ella teldan. Í øllum førum kann hugsast at Kramnik og Anand mest nýttu teldurnar til sín fyrimun tá roknast skuldi sera langir variantar, og torførar støður har møguligt mát er, og hin- vegin eisini tá verjast skuldi fyri avgerandi leik- um móti sær. Til eitt nú byrjunarspæl, hava teir valla nýtt teldurnar eins nógv sum í miðspælinum. Teir valdu sjálvir talvfor- rit til dystin, og um teir vildu kundu teir nýta upp til fleiri forrit sum ráðgev- arar. Eitt nú vórðu Fritz, Junior og Hiarchs til taks at velja. Bert ein sigur Av teimum seks talvunum endaðu heili fimm við javnleiki, sum tó ikki var óvæntað tá hugsað verður um tær serligu jøvnu for- treyturnar telvarnir báðir fingu. Kramnik hevði mun- in, tí hann vann einasta avgerandi talv í dystinum. Hetta varð triða talvið, sum er við í blaðnum í dag. Úrslitið varð eitt petti óvæntað, eftirsum Anand er kendur fyri at duga væl at útnytta telduhjálp, men hinvegin fyrireikar Kram- nik seg til dyst móti Deep Frits í heyst, og tað hevur helst givið honum summir fyrimunir. At tiltakið var áhugavert eru mong ivaleyst samd um, men áhugin hevði helst verið enn størri um teir telvaðu dyst uttan hjálp. Tann veruligi kampurin í talvi eigur sjálvsagt at vera náturligur. Stríð í Hollandi Í skrivandi løtu eru fýra umfør telvd í hollendska meistaraskapinum, og GM Loek van Wely hevur fult stigartal, meðan GM Sergei Tiviakov og GM Ivan Sokolov eru næstir við ávíkavist hálvum fjórða stigi og trimum stigum. Sokolov telvar nú fyri hollenska flaggið, eins og Tiviakov hevur gjørt í nøkur ár. Tí hava teir loyvið at luttaka. Sokolov er ratingfavorittur, men tungt verður hjá honum at vinna inn á van Wely aftur, sum higartil í kappingini hevur telvað sum ein røvari. Vágamenn vóru tíð- liga á odda við tveimum málum, men sumbingar treisk- aðust og vunnu kortini annað stigið 2. DEILD Jákup Mørk Talan var um rættiligan oddadyst á Krossinum suðuri í Sumba leygar- dagin. FS Vágar, sum nú hevur tikið seg fram á væntaða oddasessin, vitjaði Sumba, sum í flestum av teimum undanfarnu sjey umførunum hevur átt oddasessin. Kundu avgjørt Fyrstu løtuna av dystinum var tó ikki so nógv, sum bendi á, at hetta vóru tvey lið, sum vóru hampuliga jøvn í styrki. Gestirnir settu seg nevnliga á dystin alt fyri eitt, og tað var eisini skjótt, at hetta gav úrslit. Eftir at bólturin varð sendur innfyri málið hjá Sumba, trokaðust menn eitt sindur aftur og fram. Endin varð, at bólturin støkk út til Bjarna Prior, og uttan stór- vegis himpr smekkaði hann til av brotsteigarmarkinum, og so var 1-0. Málið fekk á ongan hátt gestirnir at taka tað meira róligt. Teir hildu á við at trýsta, og eftir eitt sera vakurt álop kundu teir um miðjan hálvleikin økja til 2- 0, tá alt endaði við, at Ruslan Screlea gjørdist púrasta einsamallur í brots- teiginum, og lyfti upp um málverjan, tá hesin kom út. Við tveimum málum aftan fyri sá alt svart út hjá Sumba, og gestirnir høvdu eisini allar møguleikar at sløkkja alla vón, men hóast einar tríggjar upplagdar málmøguleikar, so eydn- aðist teimum ikki at skjóta triðja málið, sum eftir øllum at døma hevði punkterað dystin. Sluppu í part Ístaðin var tað Sumba, sum kom inn aftur í dystin. Eftir at gestirnir høvdu full- komuliga dominerað knappa fyrsta hálva tíman, so tóku teir á heimaliðnum alt meira yvir. Kanska hildu vágamenn seg longu hava gjørt nóg mikið, og í øllum førum var tað nú soleiðis, at tað vóru heimamenninir, sum vunnu flestu nærdystirnar. Beint fyri steðgin fingu teir eisini løn fyri stríðið, tó at málið var eitt av teimum heldur tilvildarligu. Hannus Olsen skuldi spæla bóltin aftur til verjuna, men hann gleið, og so gekk skjótt. Jan Poulsen var á bóltinum, og eftir at hava drigið eina ferð við bóltinum smekkaði hann til. Í seinna byrjaði heima- liðið, har teir sleptu í fyrra. Hóast veðrið ikki var hitt besta, so stríddust teir av fullum huga, og teir fingu eisini einasta málið, sum kom eftir steðgin. Hetta hendi, tá Eirikur Joensen fekk bóltin í vinstru síðu. Hann dró nakað inneftir, og tá hann so royndi seg tók skotið í verjuleikara, so- leiðis at vágamálverjin ikki hevði nakran møguleika at bjarga skotroyndini. Sterkir á pappírinum Við einsamalla stiginum tryggjaði Sumba sær, at munurin í oddinum í øllum førum ikki vaks, og mett eftir fyrsta hálva tímanum, so mundu teir eisini vera væl nøgdir um hetta. Sum dysturin gekk, so kundi tað tó eins væl verið Sumba, sum fór avstað við øllum, so alt í alt mundi javnleikurin tó vera eitt rættvíst úrslit. Vágamenn iðraðu seg sjálvandi um, at teir ikki megnaðu at binda fyri, tá teir høvdu møguleikan, men teir kundu í øllum førum staðfesta eftir dystin, at teir nú hava leikt flestu av teimum dystunum, sum á pappírinum verða rokn- aðir sum teir torførastu. Av hinum uppflytingarkandi- datunum, er tað bert ÍF, sum vágamenninir resta at vitja, og tí standa teir so avgjørt við bestu kortunum, tá farið verður undir seinnu kappingarhálvu. Tann dysturin er tó ikki fyrr enn í seinasta umfar- inum, tí komandi vikuskifti koma fuglfirðingar á vitjan, og hetta kann væl gerast ein avgerandi dystur fyri teirra viðkomandi. Sumba vitjar tá í Runavík, har heimaliðið eftir eina sera laka byrjan tykist at hava funnið fóta- festið, so eisini tað líkist eini spennandi uppgerð. Dysturin í tølum Sumba-FS Vágar 2-2 (1-2) 0-1: Bjarni Prior 0-2: Ruslan Screlea 1-2: Jan Poulsen 2-2: Eirikur Joensen Sumba-FSV 2-2 (1-2): Javnt í oddadystinum Hjálp frá telduni Ari Johannesen og FS Vágar liggja nú væl fyri í kappingini um uppflyting, og vinna teir eisini komandi heimadystin, fer at síggja heilt ljóst út, hóat kappingin tá bert er hálvrunnin 25 24 Nr. 118 - 25. juni 2002 Tað gjørdist Brasilia, sum vann stórdystin móti Onglandi, men leikliga var talan als ikki um stórdys HM-FÓTBÓLTUR Jákup Mørk Hópur av sjónvarpshyggj- arum kring allan heim mundu hava sett seg væl til rættist fríggjamorgunin, tá fjórðingsfinalan millum Ongland og Brasilia var á skránni. Á pappírinum var talan um ein sannan gloypi- bita fyri fótbóltselskarar, og so gekk tað kortini, sum summi bóru ótta fyri. Linlig uppliving Leikliga var talan nevnliga um eina heldur linliga uppgerð, har tað mest sum bert var Brasilia, sum veru- liga tordi at spæla, meðan onglendingarnir fyrst og fremst hugsaðu um verju- skyldirnar, fyri siðandi at dúva upp á skjótleikan hjá Michael Owen í álopspart- inum. Og hetta gav eisini úrslit, tá Lucio stórkiksaði í vandaleysari støðu, so Owen einsamallur við mál- verjanum kundi leggja bret- ar á odda. Møguliga hevði talan verið um ein heilt øðrvísi dyst, um leiðslan helt sær til hálvleiks, men brasiliu- menn vildu tað øðrvísi. Ronaldinho var maðurin aftan fyri málið, tá hann fullkomuliga snýtti Ashely Cole, fyri síðani at leggja til Rivaldo, sum ískaldur legði bóltin í handara málhorn. Og beint eftir steðgin kom so avgerandi málið. Ongin – og so slettis ikki David Seaman – hevði roknað við, at Ronaldinho fór at skjóta beinleiðis upp á mál, tá Brasilia átti frí- spark í høgru síðu. Men tað var júst tað, sum lítli brasiliumaðurin gjørdi, og uttan at Seaman hevði nak- ran møguleika at verja fyri, sigldi bólturin yvir í hand- ara málhorn. Ronaldinho fekk annars reyða kortið seinni í dystin- um, tá Danny Mills fekk sum mest burturúr eini evaska lítlari stempling, men hóast teir tann seinasta tíman spældu við 11 monn- um móti 10, so megnaðu bretar ongan tíð at leggja neyðuga trýstið á Brasilia, sum soleiðis vann seg fram til tiðju hálvfinaluna á rað í HM-høpi, og eftir at teir í undankappingini høvdu stórar trupulleikar, eru brasilianararnir nú stórfav- orittar at vinna HM-heitið, sum – um so verður – verð- ur hitt fimta í søguni. Brasilia-Ongland 2-1 (1-1) 0-1: Michael Owen, 23 1-1: Rivaldo, 45 2-1: Ronaldinho, 50 Senegal misti møgu- leikan at gerast fyrsta afrikanska liðið í eini HM-hálvfinalu, tá Turkar eftir ein sera undirhaldandi dyst fingu gylta málið HM-FÓTBÓLTUR Jákup Mørk Talan var avgjørt um ein av mest undirhaldandi dystun- um í HM-kappingini, tá Turkaland og Senegal skuldu gera av, hvør teirra skuldi verða partur av hálv- finaluni í HMN-kapping- ini. Hvørki av liðunum hevði nakran tíð áður vunnið seg so langt í HM-høpi, og tað var sjónligt frá fyrsta bríksli, at báðir partar eisini ætlaðu sær longri. Fyrstu løtuna var tað ser- stakliga Senegal, sum herj- aði á, og teir høvdu eisini bóltin í málinum ta einu ferðina, men tað málið varð kolldømt, tí undan hesum hevði ein Camara verið rangstaddur, tá hann á turk- isku mállinjuni bjargaði skotroynd! Spakuliga tók Turkaland yvir, og sum dysturin leið, so vóru tað helst teir, sum vóru naskastir, tó at Sene- gal í kvika og teknisk sterka Diuff alla tíðina hevði ein leikara, sum megnaði at fáa okkurt burt- ur longu framspælingun- um. Hóast undirhaldandi, so komu eingi mál í teimum 90 minuttunum. Serstakliga hevði turkiski málkong- urin, Hakan Sukur fleiri góðar møguleikar, men málturkur hansara undir HM stóð við, og so gjørdist neyðugt við longdari leiktíð. Undan hesum var Sukur skiftur út við Ilhan Man- sisz, og hesin skuldi fáa av- gerandi týdning fyri dystin. Bert tríggir minuttir vóru leiktir av longdu leiktíðini, tá hann var fyrstur á einum innleggi, og við høgra beini beindi bóltin yvir í handara síðunet. Eitt gylt mál hjá Turka- landi, sum við hesum hevur leikt seg fram til fyrstu HM-hálvfinaluna í søguna hjá landinum. Senegal-Turkaland 0-1 eftir longda leiktíð 0-1: Ilhan Mansisz,, 94 Suður Korea hevði ikki vunnið HM-dyst undan endaspæl- inum, men nú hava teir vunnið seg fram til hálvfinalunar HM-FÓTBÓLTUR Jákup Mørk Tað var ringt lag á spani- ólum, eftir at teir leygar- dagin máttu ásanna, at teir aftur hesas ferð gjørdist ov stuttir at røkka avgerandi dystunum í einum HM- endaspæli. Neyvan hava møguleik- arnir nakran tíð verið so góðir, sum hesa ferð, nú teir møttu Suður Korea, sum hevði tikið øll á bóli við yvir høvur at hava vunnið seg til fjórðingsfin- alurnar, men heldur ikki hetta hjálpti spaniólunum. Tað var kanska heldur ikki tapið, sum fekk spani- ólarnar at illneitast, men heldur hátturin, sum hetta kom uppá. Tvær reisur høvdu teir bóltin í málin- um, og tvær reisur fullu óskiljandi dómar, sum tóku málið frá teimum aftur. Fyrru ferðina dømdi dóm- arin fríspark, tá koreanar annars gjørdu sjálvmál, og seinnu ferðina varð bólt- urin dømdur at vera uttan- fyri, áðrenn Morientes stút- aði í kassan, hóast sjón- varpsupptøkurnar greitt vístu, at bólturin væl og virðiliga var innan fyri linjuna. Sostatt gjørdi neyðugt við brotssparkskapping, og tá blaðungi Joaquin brendi fjórðu sponsku royndina, kundi Myung-Bo avgera alt við seinasta sparkinum. Suður Korea-Spania 5-3 eftir longda leiktíð og brotsspørk 1-0: Hwang Sun-Hong (br.), 120 1-1: Fernando Hierro (br.), 120 2-1: Park Ji-Sung (br.), 120 2-2: Ruben Baraja (br.), 120 3-2: Seol Ki-Hyun (br.), 120 3-3: Xavi Hernandez (br.), 120 4-3: Ahn Jung-Hwan (br.), 120 5-3: Hong Myung-Bo (br.), 120 Hóast eingin veruliga hevði roknað við teimum hesaferð, so hava teir enn einaferð vunnið seg fram millum tey seinastu fýra HM-FÓTBÓLTUR Jákup Mørk Tað er prógvað ofta, og inniverandi HM-kapping er enn ein staðfesting av, at Týskland mest sum altíð stendur seg væl í HM-høpi. Undan hesi kappingini hevði mest sum eingin veruliga roknað við teim- um, men teir vunnu seg sannførandi úr bólkaspæl- inum, og nú tykjast teir saman við Brasilia at vera besta boðið uppá ein kom- andi heimsmeistara. Fríggjadagin leiktu teir fjórðingsfinalu móti USA, og sum væntað, so megn- aðu teir eisini at vinna hesa, men leingi stóð tó heilt nógv á. Serstakliga var USA við yvirlutan fyrsta hálva tíma, men í einum trimum førum sýndi Oliver Kahn, hví hann verður mettur sum heimsins besti málverji, og so gekk tað, sum tað so ofta hevur gjørt. Týskland, sum hevur skorað lutfalsliga nógv mál við høvdinum, fekk enn eitt av slagnum, tá Michael Ballack var fyrstur á frísparksinnleggi, og frá somu løtu vóru tað týskar- ar, sum stýrdu dystinum. Einstakar ferðir lógu amerikumenn framvið, men teir gjørdust ov stuttir, og tó at ein fjórðingsfinala fyri teirra viðkomandi er eitt flott avrik, so mundu teir tó vera vónbrotnir um, at tað ikki eydnaðist teim- um at avgera, tá teir høvdu møguleikan til tess. Týsklan-USA 1-0 (1-0) 1-0: Michael Ballack, 39 Løgmaður fekk ikki rætt Rivaldo Brasilia 5 Ronaldo Brasilia 5 Miroslav Klose Týskland 5 Jon Dahl Tomasson Danmark 4 Christian Vieri Italia 4 Marc Wilmots Belgia 3 Robbie Keane Írland 3 Pedro Pauleta Portugal 3 Papa Bouba Diop Senagal 3 Fernando Morientes Spania 3 Raul González Spania 3 Henrik Larsson Svøríki 3 Ronaldinho Brasilia 2 Rónald Gomez Costa Rica 2 Junichi Inamoto Japan 2 Jared Borgetti Mexico 2 Michael Owen Ongland 2 Nelson Cuevas Paraguay 2 Henri Camara Senagal 2 Fernando Hierro Spania 2 Ahn Jung-Hwan Suður Korea 2 Michael Ballack Týskland 2 Hasan Gokhan Sas Turkaland 2 Umit Davala Turkaland 2 Brian McBride USA 2 Landon Donovan USA 2 Máltindurin, HM Turkar longri enn nakrantíð fyrr Vertirnir í hálvfinaluni Týskarar koyra á C M Y K 24