týsdagur 23. juli 2002síða 2

2 Nr. 138 - 23. juli 2002 Nr. 138 - 23. juli 2002 3 Sosialurin hevur gjørt eitt serligt Ólavsøkublað, sum verður borið í hvørt hús í landinum í hesum døgum BLAÐ Eyðun Klakstein Tað verður nógv gjørt burt- ur úr ólavsøkuhaldinum – bæði áðrenn, undir og aftaná – og soleiðis er eisini á Sosialinum. Sosialurin hevur gjørt eina serliga blaðútgávu til ólavsøku, og hetta blað verður í dag og í morgin borið í hvørt hús í land- inum. Blaðið er á tremur við greinum, myndum, lýsing- um og øðrum tilfari, og tað eru starvsfólkini á Sosial- inum og Hestprent, sum hava staðið fyri fram- leiðsluni av blaðnum. Burtur úr rúgvuni kann nevnast, at blaðstjórin á Sosialinum hugleiðir um vøkru urtagarðarnar í høvuðsstaðnum, sum fólk ikki hava atgongd til. Sosialurin hevur hitt fólk sum dansaran Jónu Thom- sen, útvarpsmannin Ova Olsen, politikaran Kaj Leo Johannesen, ítróttarfólk og onnur fólk. Blaðið er 64 síður til støddar og er í litum. Tað er Postverkið, sum í hesum døgum ber blaðið til dyrnar kring alt landið. Tann 23. juli fyllir Vilmund Ryggshamar í Vági 70 ár. Hann vaks upp í tí vakra umhvørvinum vesturi við Vatnið. Foreldur hansara vóru Alvilda og Jens, tey áttu fimm børn, og av teim- um var Vilmund elstur. Sum 14 ára gamal fór Vilmund til skips, hetta var við Johannu við Hilmar Jacobsen sum skipara, pápi hansara var kokkur við. Hann hevur sjálvur mangan sagt frá, hvussu tungt tað var at hála í hetta sjey punds loddið á 90 favna dýpi á Eysturlandinum,og hvussu ringur hann var av gø, hann var jú so ungur. Men hetta tók ikki hugin til sjógvin frá honum, hann fór síðani sum messu- drongur/dekkari við Tofta Regin eystur í Hvíta Havið, skipari var Pól Viberg. Var síðani við Beinisvørð í 3 ár, við Herman Petersen sum skipara, til hann í 1954 fór á skiparaskúla. Fyrsta skip, hann fekk at føra, var Karl, og var hetta á sildaveiðu og til útróðrar um veturin. Síðani sigldi hann sum stýrimaður við m. ø. Vilhelminu við Es- bern Holm, Rádna við Sigurd Simonsen, Hvítu- bjørn við Jóan Petur hjá Mouritsi, Petur á Gørðun- um við Andreas Mikkelsen sum skipara. Hann var eisini við norskum trolara sum neta- maður, sum mammubeiggi hansara Niclas Hovgård førdi. Vilmund førdi City of Norwich í nøkur ár á salt- fiskaveiðu í Grønlandi og Íslandi. Hann var í Grønlandi við Petur á Gørðunum sum stýrimaður, tá Jóan P. hjá Mouritsi, sum var skipari á Saksaberg, doyði umborð, og fór hann tá umborð á Saksaberg sum skipari. Var eisini eitt skifti skipari við Sjófarinum, sum bróður hansara Jógvan átti. Síðst í seksti árinum var hann stýrimaður við Strandingi, sum svágur hansara Sámal Johan Gårdlykke førdi. Fyrst í sjeyti árunum fekk Vilmund starv sum vrakieftirlitismaður í Vági, og var hann í hesum starvi, til stovnurin varð avtikin. Hann hevur altíð havt ein brennandi hug til sjógvin, og er enn til reiðar at fara við Hamraberg á Norð- havið, um Arni manglar ein mann, sjálvt um heilsan ikki altíð er til tað. Um hann kann sigast, sum tað stendur í ørindinum: »Tá eg var so ungur sum tú, tá mundi eg óræddur renna, nú tekur elli at boyggja meg, sjálvur má eg tað kenna.« Góði Vilmund takk fyri nógvar góðar løtur á floti saman við tær og Adolf, minnist tú tá vit vóru á Dustara og komu aftur við fullum báti av stórum toski, hetta eru løtur, sum ein landkrabbi sum eg ikki gloymi. Vilmund giftust í 1959 við Patriciu Gårdlykke úr Lamba, og settu tey búgv úti á Marknoyri, Tey eiga sonin Tummas, og eru tey nú eisini omma og abbi at lítlu Súsannu. Vit vilja takka tykkum fyri nógvar góðar løtur, og ynskja tær Vilmundi hjarta- liga tillukku við føðingar- degnum, og alt tað besta framyvir fyri teg og tíni. Yngsti bróðir við familju Heilsan til Vilmund Ryggshamar á 70 ára degnum Sagt verður frá, at kæra mamma mín Anette Wang Tórshavn andaðist á Landssjúkrahúsinum leygarmorgunin 20. juli 90 ára gomul. Jarðarferðin verður úr Vesturkirkjuni mikudagin 24. juli kl. 14. Familjunnar vegna Sverri Tey, ið vilja minnast mammu mína, gera tað best við at lata Amnesty International eina peningagávu, konto í peningastovnunum. Kæra móðir Malla Poulina Sofía Reynbú Funningur andaðist sunnudagin 21. juli 2002, 100 ára gomul. Farið verður av Korndalbýlinum á Eiði mánadagin 22. juli kl. 19. Jarðarferðin verður úr Funnings kirkju mikudagin 24. juli kl. 14, sálmabókin verður nýtt. Tey, ið vilja minnast Mallu, kunnu lata Funnings kirkju eina peningagávu, konto í Føroya Sparikassa. Familjunnar vegna John POLITIKKUR Eyðun Klakstein Tá Sosialurin hevði evsta- mark í gjár, hevði Tjóð- veldisflokkurin ikki svarað Fólkaflokkinum í heitasta politiska málinum í land- inum. Fólkaflokkurin kravdi eftir innanhýsis fund týs- kvøldið í farnu viku at fáa at vita, um allir tingmenn- inir hjá Tjóðveldisflokk- inum framvegis stuðla sam- gonguni. Hetta vildi flokk- urin hava at vita, eftir at Tórbjørn Jacobsen hevði funnist hvassliga at fólka- floksmonnunum í lands- stýrinum. Fólkaflokkurin vildi eisini hava at vita, um Tjóðveldisflokkurin tekur undir við skuldsetingunum hjá Tórbirni Jacobsen móti Anfinni Kallsberg og Jørgeni Niclasen. Tobbi legði teir báðar undir at hava eina dulda fortíð, har teir høvdu ilt við at skilja ímillum tað hjá sær sjálv- um, og tað hjá øðrum. Í brævinum frá Fólka- flokkinum kravdu Óli Breckmann og Anfinn Kallsberg, at Tjóðveldis- flokkurin svaraði innan 22. juli, men løgmaður segði í gjár, at Tjóðveldisflokkurin eisini hevði fingið mána- dagin til at svara í. Hjalmar Waag Høgnesen sýndi um vikuskiftið eldri og nýggjari myndir fram í Mikladali FRAMSÝNING Eyðun Klakstein Framsýningarnar eru ikki nógvar í tali í Kalsoynni, men um vikuskiftið høvdu fólk møguleikan fara til eina slíka. Tað var ein myndafram- sýning í Avhaldshúsunum í Mikladali, og Hjalmar Waag Høgnesen, sum í nógv ár var skipari á Barsskor, stóð fyri henni. Hann hevur eisini tikið tær mongu myndirnar, sum vóru at síggja. Myndir eru bæði eldri og nýggjari, og tær flestu eru frá tíðini, sum Hjalmar sigldi millum Kalsoynna og Klaksvík. Tjóðveldisflokkurin skuldi svara í gjár Høgni Hoydal skuldi í gjár svara brævinum frá Fólka- flokkinum Ólavsøkublað í hvørt hús Sosialurin ger nógv burtur úr ólavsøkuni í serligari útgávu, sum kemur í hvørt hús í Føroyum Mynd: Jens Kristian Vang 200 myndir í Mikladali Í samband við, at Malla Jacobsen í Svín- oy fyllir 100 ár í dag, er stórt tjald sett upp. Borðreitt er fyri 320 gestum til døgurða- borðhaldið, sum verður klokkan tvey seinnapartin í dag. FØðINGARDAGUR Rúna Sivertsen Nógv stákan hevur verið úti í Svínoy upp undir 100 ára føðingardagin hjá Mallu Jacobsen. Kommunan hevur givið bygdafelagnum eitt planer- að øki til tjaldið, sum er sett upp í samband við henda merkisdag hjá Mallu og svínoyingum. Matgjørt verður í dansi- stovuni, har 4 komfýrar, 3 gassbluss og ein gassgrýta eru sett upp. Jákup Ziska- son ger matin og kemur úr Klaksvík við 10 serverings- damum. Eisini er skipað fyri eyka ferðum, bæði úr Hvanna- sundi og Tórshavn. Um- framt, at Másin siglir eftir ferðaætlanini, siglir Ritan av Havnini kl. 7.30. Síðani fer Ritan á Hvannasund, haðani hon siglir útaftur til Svínoyar á middegi. Til døgurðan, sum verður klokkan tvey seinnapartin í dag, er borðreitt fyri 320 gestum. Jóannes Hansen, sonur Karsten Hansen, sum var ættaður úr Svínoy, skip- ar fyri; hann verður konfer- en’cier, sum vit so fínt kalla tað. Jóannes kenna vit best frá valsendingunum hjá SvF. Hetta er fyrstu ferð, at ein 100 ára føðingardagur er eystan Múlan. 100 ára føðingardagur í Svínoy í dag Nógv verður gjørt burturúr 100 ára føðingardegnum hjá Mallu í Svínoy C M Y K 3 2