týsdagur 23. juli 2002síða 11

20 Nr. 138 - 23. juli 2002 Vánirnar fyri plássið í Vejle álopinum tykj- ast hampuligar, men kappingin um tey bæði fremstu plássini er rættuliga stór ÚTISETAFELAG Jóannes Hansen Annað vikuskiftið verður sjøtul settur á kappingina í næstbestu donsku deildini. Christian Høgni Jacobsen stríðist av lívsins kreftum fyri at vinna sær pláss á lið- num hjá Vejle, og tað tykj- ast vera møguleikar fyri, at tað fer at eydnast. Vejle venjarin, Frank Petersen, tykist hava vónir um, at nytta skal fáast burt- ur úr føroyska spælaranum. Í hvussu so er hevur Christ- ian Høgni fingið møguleik- an í fleiri venjingardystum. Leygardagin var hann annar av álopsmonnunum, tá nýggja liðið í superligu- ni, Køge, var í Vejle. Christian Høgni Jacob- sen spældi fyrsta tíman, og tað er heilt víst, at hann fer at fáa nýggjar møguleikar at vísa, hvør dugur er í hon- um. Fimm minuttir undan hvíldini fór Vejle í snar- álop. Christian Høgni varð spældur leysur, og hann var púra kaldur, tá hann gjørd- ist einsamallur við Køge málverjanum. Bólturin varð sendur flatt framvið mál- verjanum, og sjálvandi var tað ein sonn fragd fyri Christian Høgna, tá bóltur- in fór í málið, og Vejle var komið á odda 3–1. Í vár var fleiri ferðir tætt við, at Christian Høgni skoraði fyri Vejle. Eitt nú restaði heilt lítið í, eftir at hann hevði framt gott ein- mans avrik í Parkini ímóti FCK. At vera álopsspælari og ikki at skora mál er sjálvandi sera tyngjandi. Soleiðis man Christian Høgni hava kent tað. Leyg- arkvøldið skoraði hann fyri fyrstu ferð fyri Vejle, og so er at vóna, at orðatakið, at har ein skriðan er lopin, er onnur væntandi, fer at passa í hesum førinum. Chrisitan Høgni var mill- um teir fyrstu ellivu á Vejle liðnum. Teir vóru á odda 3–1, tá tað var hálvleikt. Hóast Køge kom á odda í 20. minutti, so var heima- liðið spælstýrandi allan 1. hálvleik, tá teir skoraðu í 22., 23. og 40. minutti. Beinanvegin eftir steðgin komu tríggir nýggir Vejle spælarar á vøllin, og seinni vórðu tríggir afturat skiftir út. Teirra millum var Christ- ian Høgni Jacobsen. Nýggjur kappingarneyti Hóast venjarin higartil hev- ur givið Christian Høgna Jacobsen møguleikan, so skal tað arbeiðast nógv fyri at sleppa framat, tí kapp- ingarneytarnir eru nógvir. Í hesi vikuni fer Vejle ivaleyst at skriva sáttmála við ein nýggjan álopsspæl- ara. Hann eitur Michael Blom. Hann hevur spælt í Vorup. Tær seinastu vikur- nar hevur hann royndarvant í Vejle, og hann hevur gjørt góða reklamu fyri sær sjálvum. Í dystinum leygar- kvøldið javnaði hann til 1–1, og hann átti næstsíðsta fótin á, tá Vejle skoraði til 2–1. Venjarin rósar nýggja manninum heilt nógv. Tá Christian Høgni í 61. minutti fór av vøllinum, kom ein, sum eitur Kristian Nielsen inn, og tá Michael Blom fór av vøllinum átta minuttir seinni, kom Kenn- eth Knudsen inn. Tá var tað ikki so nógv álopsspælið, sum tað snúði seg um, men heldur at verja leiðsluna, sum Vejle hevði fingið ímóti superligu liðnum. Køge minkaði í 72. minutti um munin til 3–2, men teir megnaðu ikki at javna. Longu seinnapartin í gjár var næsti venjingardysturin hjá Vejle á skránni. Tá spældu teir á sama vølli sum ímóti Køge ímóti superliguliðnum hjá AaB. Endiliga eydnaðist tað hjá Christian Høgna Endaliga eydnaðist tað Christiani Høgna Jacobsen at skjóta mál fyri Vejle. Hetta hendi leygardagin, tá Køge var á vitjan í Vejle Mynd Savnsmynd Í Lillestrøm var rættuligt rok, tí áskoðararnir hjá illa stadda heimaliðnum hildu, at dómarin hevði snýtt teir fyri tvey brotsspørk NOREG Jóannes Hansen Tá Jákup Mikkelsen í venj- ingardystinum ímóti Vi- borg mitt í síðstu viku helt tætt tey trý korterini, sum hann var á vøllinum, birtist kanska ein lítil vón um, at hann skuldi fáa møguleik- an, tá tað í vikuskiftinum varð farið undir seinna partin av kappingarárinum. Nú er júst eitt ár síðani, at Jákup kom til Molde. Fyri einum ári síðani spældi hann fyrsta dystin á heima- vølli ímóti Rosenborg, tá Molde býurin hevði jass festival. Í síðstu viku var aftur ár- ligi jassfestivalurin í Molde. Í tí sambandinum varð landskappingardystur- in ímóti Odd Greenland úr Skien spældur. 8.137 áskoð- arar møttu upp, og teir kun- du staðfesta, at venjarin framvegis hevur mest álit á Eddie Gustafsson at røkja uppgávuna millum stólpar- nar, og at Jákup Mikkelsen harvið var á beinkinum allar 90 minuttirnar. Úrslitið var 0–0. Heima- liðið hevði bóltin mest, men teir megnaðu ikki at spæla seg til upplagdar møguleikar. Gestirnir vóru ikki í festival hýri. Teirra setningur var at verja um tað, sum teir høvdu við sær, og tað eydnaðist. Áskoðar- arnir góvu til kennar, at teir vóru ikki nøgdir við leik- lutin hjá Odd í undirhaldi- num, men tað legði venj- arin hjá Skien liðnum vert- in í. Hann og spælararnir vóru komnir fyri at røkka javnleiki, og teir vóru væl nøgdir við, at tað eydnaðist. Javnleikurin kom illa við, tí Molde vil so fegið vera topplið. Nú fór oddaliðið Lyn sjey stig frá teimum, og tað var møguleiki fyri, at Molde í gjárkvøldið skuldi hóttast á næstfremsta plássi- num. Tá hevði Rosenborg heimavøll ímóti Viking úr Stavanger. Um tað eydnað- ist Rosenborg at vinna tann dystin, so vóru teir – hóast tað ikki hevur verið serliga sannførandi higartil í ár – saman við Molde á næst- fremsta plássinum. Og so verða tað teir úr Trónd- heimi, sum verða roknaðir sum besta boðið uppá liðið, ið skal megna at fáa Lyn aftur. Rok í Lillestrøm Lyn var á útivølli á Åråsen í Lillestrøm. Úrslitið var 1–0 til Lyn, og tað vóru teir á heimaliðnum og serliga áskoðararnir ikki væl nøgd- ir við. Tá dómarin skuldi fara til hús, noyddist løg- reglan at fylgja honum. Sera vreiðir áskoðarar vildu heilsa upp á dómaran, sum teir hildu hevði snýtt teir fyri ikki minni enn tvey brotsspørk. Øðin mundi ikki minst komast av, at tepra tapið hevði við sær, at Lillestrøm nú er í álvarsligum vanda fyri at flyta niður. Undan kappingarbyrjan varð rokn- að við, at Lillestrøm skuldi saman við Molde kappast við Rosenborg um meistara- skapin. Brann úr Bergen var heppið, tá teir vóru á úti- vølli ímóti Moss. Teir stút- aðu sigursmálið í yvirtíðini. Størsta undirhaldið mun- di vera, tá Bryne hevði vitj- an av Bodø/Glimt. Bæði liðini liggja tungt í sjónum, og tá gestirnir tíðliga í 2. hálvleiki høvdu lagt seg á odda 3–0, sá tað illa út hjá Bryne. Men so vendi tað rættuliga. Í handavend minkaði heimaliðið um munin til 3–2. Tað restaðu nakrir fáir minuttir, tá teir javnaðu til 3–3, og tá klokkan var farin fýra min- uttir út um vanligu leiktíð- ina, eydnaðist tað Bryne at skora sigursmálið. Einki er at siga til, at hýrurin á áskoðarunum var framúr góður. Vålerenga tapti 2–0 á tjóðarleikvøllinum Ullevaal ímóti Stabæk. Sogndal spæl- di ikki í vikuskiftinum. Molde misti á heimavølli Enn røkist onki fyri, at Jákup Mikkelsen verður at síggja í málinum hjá Molde Mynd Savnsmynd C M Y K 20 Nr. 138 - 23. juli 2002 21 – Tað er so avgjørt áhugi millum rógvar- ar at hava eina innan- dura Føroyameistara kapping í Concept 2 rógving, so væntandi verður ein tekningar- listi til ta fyrstu kapp- ingina av sínum slag í Føroyum nakrantíð, løgd út á síðuna hjá Klaksvíkar Róðrar- felag aftan á Ólavs- søku, sigur Kristian Eli Zachariassen, for- maður í róðrarfelag- num í Klaksvík KAPPRÓðUR Solby A. Eliasen Klaksvík: Alla vetrarhálv- una liggur kappróðurin stillur kring landið. Soleið- is hevur tað altíð verið, men nú sær tað út til, at tað ikki verður í ár. Klaksvíkar Róðrarfelag hevur ætlanir um at roynda- koyra ein føroyameistara- kapping í Concept 2 rógvi- maskinum einaferð í septembur í Klaksvík. Umstøðurnar hjá Klaks- víkar Róðrarfelag eru góð- ar og tað standa átta Con- cept 2 rógvimaskinur í venjingarhølunum hjá teim- um. Tað einasta formaðurin fílist á, er at brúsuviður- skiftini eru ikki nóg góð, men tað finnast aðrir møguleikar, um tað ikki eydnast at fáa tey viður- skiftini í rættlag áðrenn kappingin verður. Kappingin Kristian Eli Zachariassen greiðir frá, at enn er ikki avgjørt hvussu kappingin verður skipað. Altjóða kappingar hava tveir vekt- klassar, ein lætt og ein tungvekt, har markið er 74 kilo. Men Kristian Eli vísir á aldursmunin í føroyskum kappróðri, og sigur, at tað kann fara at vera ómetaliga torført hjá einum 17 ára gomlum drongi, sum vigar 75 kilo at gera seg galdandi millum menn mitt ella sein- ast í tjúgunum. – So spurningurin er, um vit áttu at havt tveir aldurs- bólkar eisini. Mannfólk undir og yvir 18 ár og tað sama fyri kvinnurnar. Vans- in við hesum er so, at tað verða so nógvir bólkar, og um ætlanin er at fáa stuðlar til at lata vinnarunum eina peningagávu, so kann tað fara at gerast torført, um ov nógvir bólkar eru, heldur Kristian Eli. Hann sigur, at hugsast kann, at kappingin verður skipað sum ein Cup kapp- ing, har til dømis 8 ella 10 tey bestu fáa ein møguleika aftur at, við at tey koma í eina hálvfinalu og síðani verður sjálv finalan. – Men so koma tey at rógva tríggjar ferðir ein dag, og vit vita ikki, um tað kanska verður ov nógv av tí góða. Teinurin, sum róð verður, er 2.000 metrar upp á tíð. Rógvarin avger sjálvur tyngdina á takinum. Tað vil siga, at hann stillar sjálvur inn, hvussu tungt tað skal verða at rógva. Men tað er ikki loyvt at broyta innstill- ingina, tá hon so er gjørd. Tað er soleiðis, at lættari maskinan verður stillað, fleiri tøk mugu takast. Ella sagt á ein annan hátt, so tel- ur maskinan metrarnar skjótari niður, jú tyngri tað verður at rógva. Tekningarlisti á heimasíðuna Kristian Eli sigur, at ætlan- in er aftan á Ólavssøku, tá nøkur viðurskifti eru komin upp á pláss, at leggja tekn- ingarlista út á heimasíðuna hjá felagnum, har luttakar- arnir so kunnu tekna seg. Og sjálvandi verður heima- síðan so eisini nýtt til at leggja úrslit út á. Hann sigur eisini, at hetta kann fara at gerast ein góð- ur møguleiki til at savna upplýsningar saman um føroyskar rógvarar. Tí tá teir skulu til eina tílíka kapping, skulu tey upplýsa vekt og aldur. Og við teim- um upplýsningunum saman við úrslitunum hjá hvørjum einstøkum, so skuldi verið grundarlag fyri at lýst støð- ið í føroyskum kappróðri ella rættari sagt føroyskum innandura kappróðri. Tí tað kann ikki saman- berast at rógva á eini rógvi- maskinu inni og so í tí før- oyska kappróðrarbátinum, har veður, vindur og streymur eisini spæla ein stóran leiklut. – So kunnu vit møguliga finna út av um nakað er í øllum reypinum, sum dag- liga hoyrist millum rógvar- ar, sigur Kristian Eli skemt- andi og flennir. Hann heldur, at tað ein- asta, sum skal til fyri at skipa fyri eini tílíkari kapp- ing her á klettunum er, at onkur tekur seg saman og ger nakað við tað. Tí tíðin leggur so avgjørt upp til tað, nú fleiri og fleiri feløg kring landið hava skaffað sær Concept 2 maskinur. Sjey feløg hava Concept 2 – Tað eru sjálvandi ikki øll feløgini, sum hava maskin- urnar, men mær vitandi eru feløgini, sum hava maskin- ur, sjey í tali. Tey eru: Havnar Róðrarfelag, Róð- rarfelagið Knørrur, Argja Róðrarfelag, Miðvágs Róð- rarfelag, Vágs Kappróðrar- felag, Róðrarfelagið Strál- an og Klaksvíkar Róðrar- felag, greiðir Kristian Eli frá og so leggur hann aftur at, at eitt nú Fragd og Fimi og Top Form eisini hava Concept 2 maskinur. Eisini heldur hann, at um ein er í form, tað vil siga hevur góða kondi, so ræður tað eina mest um at læra seg at rógva á eini tílíkari maskinu. Og tá er tað møguliga nóg mikið at venja á maskinunum í einar tvær vikur ella so. Talan er, sum áður nevnt, bert um eina roynd nú í septembur, men um tað roynist væl, so verður ein almenn ella óalmenn føroya- meistarakapping tíðliga komandi ár. – Við tað, at vit hava eina royndarkapping fyrst, so má man vóna, at vit kunnu síggja so nógvar byrjunar- trupulleikar sum gjørligt og fáa rætta tað, sum vit gera skeivt til eina aðru ferð, sigur Kristian Eli Zacharias- sen. Um kappingin verður al- menn ella óalmenn veldst um Róðrarsambandið kem- ur upp í ella ikki. Kristian Eli sigur, at hann hevur tosað við onkrar rógvarar, umframt at felag- ið hevur lagt ein spurning út á heimasíðuna fyri at kanna áhugan fyri eini tílík- ari kapping. Og tað letur til at áhugin er til staðar. Men hann leggur at enda dent á, at nógv viðurskifti eru ógreið enn viðvíkjandi kappingini, sum tó er ætlanin at fáa í rættlag eftir Ólavssøku, soleiðis at klárt verður at hava kappingina í septembur. Innandura kappróður Um alt gongur eftir ætlan, so fara føroyskir rógvarar at rógva innandura í eini føroyameistarakapping í heyst. Klaksvíkar Róðrarfelag fyrireikar eina kapping í innandura kappróðri á Concept 2 rógvimaskinum Lesið Sosialin -tað loysir seg! 21