fríggjadagur 6. september 2002síða 9

16 Nr. 170 - 6. september 2002 C M Y K 16 Týski landsliðsvenj- arin hjá Skotlandi fær harða viðferð frá landsmonnum sínum, men sjálvur tykist hann hugsa meira um skaða- trupulleikarnir, sum hópur hansara dregist við LANDSDYSTUR Jákup Mørk Berti Vogts hevur sum kunnugt fingið eina serstaskliga vánaliga byrjan sum skotskur landsliðs- venjari, og umframt skotsku miðlarnar, fær hann nú eisini av at vita frá tveimum fyrrverandi týsk- um stórspælarum. Teir báðir týskararnir eru Paul Breitner, sum skeyt eitt mál í HM-finaluni í 1974, tá Týskland – við Vogts á liðnum – gjørdist heimsmeistari, og so nú- verandi týski landsliðs- venjarin, Rudi Völler, sum undir Vogts spældi 21 landsdystir. Um tað vera í bólki við Skotlandi sigur Völler, at hetta ikki er nakað, sum nervar teir. - Berti og skotska lið hansara eru als ikki nakað, sum vit hugsa um. Vit ivast ikki eina løtu í, at vit vinna bólkin. Og meðan Völler tosar meira um egnan mátt, er Paul Breitner meira eirindaleysur í sínum skoðsmáli. - Berti fer uttan iva at hoykna undir trýstinum frá fjølmiðlunum. Nøkur fá tap afturat. So er hann farin í søguna, heldur Breitner, sum í dag er klummuskriv- ari og sjónvarpsfrásøgu- maður. Týðandi avboð Sjálvur tykist Vogts tó ikki at hugsa so nógv um, hvat teir báðir landsmenninir siga. Hann hevur í so máta nóg mikið at hugsa um, nú fleiri skaðar darva fyrireik- ingunum hjá skotska lands- liðnum. Tað hevur leingi verið greitt, at hvørji Tottenham- málverjin, Neil Sullivan ella álopssinnaði Don Hutchinson úr Sunderland fóru at vera viið í hópinum, og nú eru teir 25, sum vóru úttiknir, skorðnir niður í Hópurin, sum upprunaliga taldi 25 mans, er nú skorin niður í 21, men enn hevur Vogts ikki gjørt av, hvørjir teir seinastu 18 verða. Scott Gemmil (Everton), Domi- nic Matteo (Leeds) og De- rek McInnes (WBA) hava allir givið avboð vegna skaða, og Robbie Stockdale úr Middlesbrough verður heldur ikki við á ferðini, tí skaðar hava darvað honum ov nógv í fyrireikingunum. Allir fýra teljast teir annars millum stinnastu leikararnar hjá Skotlandi, so einki er at ivast í, at Vogts er harmur um missin av teimum, og hartil hava báðir miðvallarovastarnir, Paul Lambert og Barry Ferguson, drigist við skaðar, men roknað verður tó við, at teir verða tøkir. Viðvíkjandi teimum báðum miðvallarunum verður ann- ars sagt úr skotskum miðlum, at teir eru sissaðir nakað, eftir at Vogts eftir tapið fyri dønum hevði funnist at teimum, tí teir ikki gjørdu nóg nógv um seg á miðvøllinum. Skotski hópurin, sum eftir øllum at døma fer at telja 21 mans á føroya- ferðini, framgongur verður sostatt hesin: UEFA sópaði kæruna hjá skotska landsliðs- venjaranum av borðinum, tá hesin vildi hava landsdystin móti Føroyum leiktan á Tórsvølli LANDSDYSTUR Jákup Mørk Mikumorgunin visti Út- varpið at siga, at skotski landsliðsvenjarin, Berti Vogts, hevði kært sína neyð um komandi landsdystin fyri UEFA. Hann helt tað vera púr- asta burtur úr vón og vit, at Skotland skuldi spæla dyst móti Føroyum á Svanga- skarði, heldur enn at av- greiða dystin í Havn, og hetta vildi hann hava UEFA at taka støðu til. Hjá UEFA var tó eingin pardón. Tofta Leikvøllur hevur langt síðani fingið sína altjóða góðkenning, so tað var ikki meira enn um- sitingin kveitti at skotsku kæruni, áðrenn hon varð avvíst. So longu áðrenn skotski hópurin er komin til Føroya, tykist landsliðs- venjarin hava tapt fyrsta slagið. Flytir fokus Fyri føroyingar kann tað helst tykjast heldur marg- háttligt við hesi kæruni hjá Vogts, og í besta føri er henda helst grundað á, at maðurin ikki veit, hvat hann tosar um. Føroyar hava seinastu 10 árini leikt landsdystir á Svangaskarði, og tað fara vit helst eisini at gera framyvir. At Tórsvøllur – sum heldur ikki er endaliga liðugur enn – er komin, broytir valla nakað í so máta, tí longu fyri tveimum árum síðani gjørdi FSF greitt, at teir ætlaðu sær at gera nýtslu av báðum leikvøllunum framyvir. Meira sannlíkt er tó, at Vogts við hesum royndi eitt slag av psykologiskari krígsførslu móti føroy- ingum. Eitt sálarligt spæl, sum als ikki er óvanligt í altjóða fótbóltsheiminum. Ikki minst, tá úrslitini ikki hava verið eftir vild. Hetta tykist heldur ikki nerva føroyska landsliðs- venjaran, Henrik Larsen, nakað serligt. Tá vit miku- dagin hittu hann á máli, helt hann fyri, at hasum mundi Berti Vogts ikki koma nakran serligan veg við. - Hatta er helst bara ein roynd at flyta fokusið frá sínum egnu trupulleikum yvir á okkurt annað. Tá tað ikki gongst eftir vild, so kanst tú ofta geva øðrum skuldina. Viðhvørt standa dómararnir fyri skotum og onkun tíð veðrið, so hví ikki bara eisini geva vøllin- um skyldina? Skotskir miðlar hava eisini vent sær til Henrik Larsen, fyri at fáa hansara hugsan um hetta, og her hevur landsliðsvenjarin eisini verið greiður í sínari talu. - Jamen tað er eingin, sum sigur, at landsdystir altíð skulu spælast sama stað. Seinast Føroyar spældu móti Skotlandi spældu vit í Aberdeen. Hví skulu vit so spæla í Glas- gow hesaferð. Hatta er tað reina tvætl frá hansara síðu, og annars er vøllurin í Havn ikki endaliga liðugur enn, verður Larsen endur- givin fyri at siga á heima- síðuni hjá BBC Scotland. Málverjar: Navn Felag dystir/mál Neil Alexander Cardiff City 0/0 Robert Douglas Celtic 4/0 Paul Gallacher Dundee United 1/0 Verjuleikarar: Graham Alexander Preston NE 5/0 Stephen Crainey Celtic 3/0 Christian Dailly West Ham 36/3 Maurice Ross Rangers 4/0 David Weir Everton 36/1 Lee Wilkie Dundee 2/0 Miðvallarar: Barry Ferguson Rangers 11/1 Paul Lambert Celtic 31/0 Kevin McNaughton Aberdeen 2/0 Gary Naysmith Everton 7/0 Scott Severin Hearts 5/0 Gareth Williams Nottingh. Forest 4/0 Álopsleikarar: Stephen Crawford Dunfermline 0/0 Paul Dickov Leicester 0/0 Scott Dobie WBA 4/1 Allan Johnston Middlesbrough 17/2 Kevin Kyle Sunderland 4/1 Steven Thompson Dundee 4/1 Berti Vogts: Longu tapt fyrsta dystin Berti fær av at vita Nr. 170 - 6. september 2002 17 ST-aðalskrivarin heldur kortini, at fundurin um burðar- dygga menning hevur lagt eina miðvísa kós fyri bardagan ímóti fátækradømi BURÐARDYGG MENNING Árni Joensen: Seinnapartin mikudagin samtyktu ríkis- og stjórnar- leiðararnir verkætlanina, sum hevur til endamáls at stríðast ímóti fátækradøm- inum í heiminum og at verja umhvørvið. Men tað vóru fá, sum fagnaðu teirri nýggju verk- ætlanini. Sagt varð, at sam- tyktin er eitt lítið stig tann rætta vegin, men at heim- inum tørvar eitt stórt stig. Tann 71 síður langa verk- ætlanin snýr seg m. a. um fátækradømi, eyðkvæmi, vatn og hóttar fiskastovnar, men innihaldið er ikki løg- frøðiliga bindandi. Umhvørvis- og menning- arfelagsskapir, sum vóru á fundinum í Johannesburg, eru alt annað enn nøgdir við tað, sum kom burturúr. Talsmaðurin hjá bretska neyðhjálparfelagsskapinum Oxfram sigur, at úrslitið fer at geva teimum fátækastu nakrar molar á borðið. Norski felagsskapurin ForUM sigur, at verkætlan- in er alt ov stuttskygd, og at hon fer ikki at loysa nakrar trupulleikar. Felagsskapur- in vil vera við, at tíðin í Johannesburg er burtur- spilt. Bíða við næsta fundi Kofi Annan, ST-aðalskriv- ari, sigur seg skilja, at fólk eru vónsvikin, men hann heldur, at fólk høvdu vænt- að sær ov nógv av fundin- um. Aðalskrivarin heldur, at fundurin hevur hóast alt lagt eina kós fyri stríðið ímóti fátækradøminum, og sjálvur heldur hann, at hóast hetta bara er byrjanin, er hetta er týdningarmikil byrjan. Danski forsætisráðharrin, Anders Fogh Rasmussen, sum umboðaði ES í Johannesburg, sigur seg vera nøgdan við úrslitið, hóast alt ikki gekst, sum hann hevði vónað. Danski forsætisráðharrin heldur ikki, at toppfundir sum tann í Johannesburg loysa trup- ulleikarnar í heiminum, og tí hevur hann mælt ST frá at halda nakran tílíkan fund aftur tey næstu fimm ella tíggju árini. Norski forsætisráðharrin, Kjell Magne Bondevik, sigur, at hansara stjórn hevði sett sær fyri at fáa munandi meiri burtur úr fundinum. Men hóast alt er úrslitið frægari, enn vit stúrdu fyri, sigur Kjell Magne Bondevik. Ísraelski forsætis- ráðharrin vil vera við, at friðarætlanin hjá danska uttanríkis- ráðharranum er óverulig MIÐEYSTUR Árni Joensen: Danski uttanríkisráðharrin, Per Stig Møller, var miku- dagin í Jerusalem og greiddi Ariel Sharon, for- sætisráðharra frá teirri nýggju ætlanini, sum skal fáa varandi frið í Miðeystri. Frammanundan hevði hann tosað við fleiri arabiskar leiðarar um uppskotið. Aftan á fundin segði uttanríkisráðharrin, at ísra- elsku leiðararnir høvdu tik- ið væl ímóti uppskotinum, men hetta var ikki upp- fatanin hjá ísraelsku em- bætismonnunum. Teir vistu at siga, at Sharon hevði vrakað uppskotið. Í fyrsta lagi kann ísra- elski leiðarin ikki góðtaka tann partin av uppskotin- um, sum sigur, at palestinar skulu hava sítt egna ríki um trý ár. Tað er óveruligt, sigur Sharon sambært em- bætismonnunum. Haraftur- at skal Sharon hava sagt, at tað ber ikki til at tosa við palestinska leiðaran, Yasser Arafat, um frið, tí hann forðar fyri øllum tiltøkum, sum bera á tað borðið. Tíðindini frá ísraelsku embætismonnunum vóru í stórari andsøgn við tað, sum Sharon segði undan fundinum við danska uttan- ríkisráðharran. Fyrrapartin mikudagin segði hann, at uppskotið bar í sær nakrar møguleikar, sum kundu enda við einari politiskari loysn. Palestinar taka undir við uppskotinum hjá Per Stig Møller. Eftir ein fund við danska uttanríkisráðharran mikudagin segði Arafat, at uppskotið er sera týdning- armikið – ikki einans fyri palestinar og ísraelsmenn, men fyri alt Miðeystur. Teir arabisku leiðararnir, sum danski uttanríkisráð- harrin hevur tosað við sein- astu dagarnar, hava sagt, at uppskotið í sjálvum sær er gott, men teir vænta ikki, at tað kann setast í verk, so leingi ísraelski forsætisráð- harrin eitur Ariel Sharon. Lítið at fegnast um í Johannesburg Sharon vrakaði donsku friðarætlanina Umboð fyri umhvørvisfelagsskapir og onnur mótmæltu støðuni hjá amerikansku stjórnini, tá amerikanski uttanríkisráðharrin, Colin Powell, fór á røðarapallin í Johannesburg Skjøl, sum amerikanska sjónvarpið CBS hevur fingið fatur á, avdúka, at Donald Rumsfeld, verju- málaráðharri gav boð um álop á Irak nakrar fáar tímar aftan á yvir- gangsatsóknirnar í New York og Washington tann 11. september í fjør. Amerikansku trygdar- tænasturnar vistu tá, at felagsskapurin al-Qaeda var uppi í atsóknunum at World Trade Center og Pentagon, men tænast- urnar kundu ikki siga við vissu, at Irak hevði nakað samband við tað, sum var hent. Men tað ørkymlaði ikki Rumsfeld. Sambært CBS gav hann monnum sínum boð um at fyri- reika eitt álop á Irak sum hevnd fyri atsóknirnar í New York og Washing- ton. Ætlaði álop sama dag Løgreglan í Tromsø í Noregi hevur illgruna um, at nakrir menn av einum russiskum trolara royndu at smugla nakrar sekkir við sigarettum mikunáttina. Tveir menn hjá einum vaktarfelagi sóu, at teir fremmandu fiskimenn- inir vóru í ferð við at fjala nakrar sekkir á havnarlagnum. Teir boð- aðu løgregluni frá, men tá løgreglan kom á bryggjuna, vóru fiski- menninir horvnir. Har- afturímóti fann løgregl- an sekkirnar, og í teim- um vóru 43.600 sigar- ettir. Samstundis fóru tollarar umborð á tann russiska trolaran, og har funnu teir 15.840 sigar- ettir afturat. Løgreglan í Tromsø sigur, at tað eru fleiri ár, síðani myndugleikarnir í býnum hava avdúkað so umfatandi smugling sum hesaferð. Fiskimenn smuglaðu sigarettir Amerikanska hervaldið er farið at senda útgerð til Kuwait. Útgerðin skal nýtast í sambandi við eina venjing, sum 2.000 amerikanskir hermenn skulu hava við Persa- flógvan. Amerikanskir fjøl- miðlar siga, at hervaldið hevur eisini sent aðra útgerð til Persaflógvan, og at sendingin, sum nú fer avstað, er tann triðja. Talsmaðurin hjá verjumálaráðnum Penta- gon sigur, at útgerðin og venjingin hevur einki við ætlanina at leypa á Irak at gera. Ein maður í norska býnum Ramfjorden má sigast at vera sjáldsama heppin í lottospæli. Seinasta leygardag vann maðurin góðar 3,3 milliónir krónur, og hetta er triðju ferð, at hann hevur vunnið. Ta fyrstu ferðina vann hann góðar 100.000 krónur, og fyri trimum árum síð- ani vann hann eina góða millión krónur. Tann hepni vinnarin, sum hevur verið sjálv- støðugur vinnurekandi seinastu 25 árini, sigur, at hann hevur alla tíðina spælt við teimum somu tølunum, og tað ætlar hann eisini at gera í framtíðini. Tað høvdu onnur ivaleyst eisini gjørt. UTTAN ÚR HEIMI Útgerð til Kuwait Heppin í lotto 17