hósdagur 3. oktober 2002síða 11

20 Nr. 189 - 3. oktober 2002 Nr. 189 - 3. oktober 2002 21 Bureau Veritas, sum byrjaði sítt virksemi í 1828, klassaði fyrsta føroyska skipið, 9. september í 1863 LEIÐARASKIFTI Vilmund Jacobsen Fríggjadagin, 27. septem- ber, var móttøka á Hotel Hafnia í samband við, at klassafelagið, Bureau Veri- tas í Føroyum, sum hevur heimstað á Strondum, skift- ir leiðara. Leiðarin seinastu tríati árini, 69 ára gamli, Ole Lauritsen, leggur frá sær, og í hansara stað kemur, Tummas Eli Høj Joensen, sum er giftur og býr á Strondum. Skrivstovan hjá Bureau Veritas hevur øll árini verið í húsunum hjá Ole, og nú nýggjur leiðari er settur, flytir skrivstovan um ein mánaða ella so í hølir, sum Tummas Eli ger til reiðar í sínum húsum. Ole er føddur og upp- vaksin í Danmark, men giftist Gynnu av Strondum. Tey fluttu heim til Føroya at búgva í 1967. 6-7 feløg Ole sigur, at klassafelagið, Bureau Veritas, er eitt privat felag, sum tekur sær av at klassa skip. Felagið, sum er tað elsta av sínum slagi, er stovnað í 1828 og klassaði fyrsta føroyska skipið 9. september í 1863. Bureau Veritas er eitt al- tjóða felag, sum hevur høv- uðsskrivstovu í París, men hevur fleiri enn 500 skriv- stovur kring um í heimin- um. Í Føroyum virka eini 6-7 ymisk klassafeløg, og fel- ags fyri hesi er, at tey skulu góðkennast av myndugleik- unum. At enda kunnu vit upp- lýsa, at fartelefonin hjá nýggja leiðaranum, Tummas Eli Høj Joensen, er 221753. Ole tænti Bureau Veritas í 30 ár Leiðaraskifti á Bureau Veritas. Ole Lauritsen, sum hevur starvast hjá felagnum í tríati ár, letur starvið til Tummas Eli Høj Joensen Mynd: Jens Kristian Vang Líkt er til, at blað- útberinging ongan góðan eigur. Í øllum førum var ikki rúm fyri henni á fíggjar- lógaruppskotinum fyri 2003. Karsten Hansen og Bjarni Djurholm hava hvør sína søgu um, hvussu hetta kom at vera so ÚTBERING Heri á Rógvi Í eini fíggjarlóg skulu nógvir endar fáast til at røkka saman, og tað er ikki alt, ið verður tikið við. Í so máta er fíggjarlógarupp- skotið fyri 2003 einki undantak. Hesar seinastu dagarnar, síðani fíggjarlógaruppskot- ið varð almannakunngjørt, hevur nógv at frætta um fólk og stovnar, sum halda seg hava fingið ov lítið í sín part. Tvær fyritøkur, sum ikki kunnu siga at vera heilt væl nøgdar, eru Dimmalætting og Sosialurin. Hesar báðar fyritøkurnar geva dagbløð- ini Sosialin og Dimmalætt- ing út, sum eru tvey tey størstu tíðindabløðini í Før- oyum. Ein partur av virksemin- um hjá Sosialinum og Dimmalætting er at bera síni bløð út. Til fyri fýra árum síðani var tað Post- verk Føroya, ið stóð fyri at bera tey bæði bløðini. Kostnaðurin var um 70 oyru fyri hvørt blaðið, og borið varð út dagin eftir, at blaðið var prentað, t.e. týsdagsbløðini verða prent- aði mánadag seinnapart og vórðu borin út týsdag. Post- verkið bar eisini út leygar- dag. Seinasta landsstýrið við fyrst Finnboga Arge sum vinnumálaráðharra gjørdi av, at Postverk Føroya í størri mun skuldi skapa sítt egna grundarlag við sjálvt at fíggja sín egna rakstur. Hetta gjørdi, at Bergur í Garði, stjóri fyri Postverk Føroya, gjørdi av, sparingar skuldi fremjast og fleiri inntøkur skuldu fáast til Postverkið. Hann gjørdi tískil av at gevast við post- útbering leygardagar og prísurin fyri at bera bløðini út fór nógv upp. Hetta gjørdi so aftur, at Dimmalætting og Sosialur- in setti sínar prísur upp, men kundi ógvuliga illa liva við teimum øktu út- reiðslum, ið broytingin hevði við sær. Síðani tá hava Dimma- lætting og Sosialurin í felag roynt at ávirka politiska myndugleikan, soleiðis at stuðul so ella so varð givin til blaðútberingina. Jan Müller, stjóri fyri Sosialin, sigur, at Sosialur- in saman við Dimmalætt- ing í skjótt fýra ár hevur verið á fundum við fleiri landsstýrismenn og sjálvt við løgmann. Allir hava teir víst stóran vælvilja, men eingin stuðul er komin kortini. Hjalgrím Samuelsen, stjóri fyri Dimmalætting, sigur, at tað ynskiliga hevði verið, um dagbløðini kundi fingið stuðul til at betra um tænastuna. Bæði hann og Jan Müller vísa, at hetta er púra vanligt í øðrum Norð- anlondum. Í Danmark verður umleið 500 mió játt- aðar árliga til útbering av bløðum. – Vit hava roknað okkum fram til, at tað fyri umleið tvær milliónir árliga vildi borið til at borið bløðini út til allar bygdir við 500 ella fleiri íbúgvum sama kvøld, sum tað verður prentað, sigur Hjalgrím Samuelsen. Hann greiðir frá, at ikki verður Postverk Føroya, sum fer at standa fyri hesari útberingini, men tað vera bløðini sjálvi, tí sáttmálarn- ir hjá Postverki Føroya gera hetta mestsum ómøguligt at royna í verki. Pengarnir vóru klárir Sum nevnt hevur málið um útberingina ferðast nógv aftur og fram í landsstýrin- um. Fyri einari tíð síðani valdi løgmaður at taka um endan, og hann plaseraði málið hjá Vinnumálaráðn- um og Bjarna Djurholm, sum eisini umsitur Postverk Føroya. Bjarni Djurholm greiðir frá, at í samráð við løg- mann varð gjørt av, at játt- ast skuldu 1,9 mió. til blað- útberingina. Peningurin varð ætlaður sum partur av økismenningini, soleiðis at fleiri føroyingar fingu javn- góða atgongd til tað skriv- aða orðið í bløðunum. – Tað eydnaðist okkum at finna pengarnar internt hjá okkum við at gera nakrar sparingar á egnum konto- um. Hetta boða við lands- stýrismanninum í fíggjar- málum frá, men tá uppskot- ið verður almannakunn- gjørt eru hesir pengarnir horvnir, sigur Bjarni Djur- holm. Hann sigur, at landsstýr- ismaðurin í fíggjarmálum av sínum eintingum hevur tikið pengarnar av. – Tað er undanførsla, um hann sigur nakað annað. Pengarnir vóru spardir hjá okkum sjálvum, og vit bóðu ikki um nakra meir- játtan, sigur Bjarni Djur- holm. Landsstýrismaðurin í vinnumálum fer at boða fíggjarnevndini frá hesum, tá hon fer í holt við at viðgera fíggjarlógarupp- skotið fyri 2003. Bjarni Djurholm veit eis- ini at siga, at málið við út- beringarstuðulinum varð borin niðan í tingið av Karsten Hansen í seinastu tingsetu, men hann tók tað sjálvur aftur. Ov seint Karsten Hansen, landsstýr- ismaður í fíggjarmálum, sigur, at tað er ikki rætt, tá sagt verður, at tað er hann, sum hevur tikið stuðulin til blaðútbering av fíggjar- lógaruppskotinum. – Orsøkin til, at tað ikki er við, er tí, at tað kom ov seint. Tað var í síðstu løtu, at teir komu í tankar um tað og komu við tí, men tá var ikki møguleiki at viðgera tað, sigur Karsten Hansen. – Her er ikki talan um nakra forgloymilsi frá mín- ari sínu, sigur Karsten Hansen. Hann sigur seg ikki sjálv- an vera ímóti sjálvum upp- skotinum, menhann heldur, at tað eigur at fáa eina viðgerð efti vanligari mannagongd. Hann er heldur ikki ímóti, at stuðul- in til blaðútberingina verð- ur tikin við í eftir viðgerð- ina í løgtinginum. Fíggjarlógaruppskotið: Eingin stuðul til blaðútbering Sosialurin og Dimmalætting fingu tann stuðul, tey høvdu miðjað eftir á fíggjarlógini til blaðútbering Føroyski bólkurin 200 vitjaði í Íslandi um vikuskiftið og ferðin varð væl eydnað og fløga teirra er eisini væl umtókt TÓNLEIKUR Dagfinn Olsen Fríggjakvøldið leikti før- oyski rock-punk bólkurin 200 á barrini Cirkus í Reykjavík. Stúgvandi fult var av fólki og fleiri sluppu ikki innar. Leygarkvøldið leikti 200 á Grand Rokk saman við írska bólkinum The Dudley Corporation og somuleiðis gekk sera væl. Tað er heilt greitt, at 200 eru væl dámdir í íslandi. Føroyska bylgjan byrjað rættuliga við Týr, sum í Ís- landi verður róptur super- bólkur, og bíðað verður við spenningi eftir nýggju fløg- uni frá Týr. Og eins og fleiri onnur, so megna eisini 200 at undir seg nýtt land. 200 skal møguliga aftur til Ísland seinni at leika á tónleikafagnaði og undan- vindurin um vikuskiftið ger óivað ikki møguleikarnar fyri hesum verri. Longu fyrsta túrin hevur føroyska útflutningsvinnan tikið væl ímóti nýggju møguleikunum at flyta farm beinleiðis til Skotlands við Smyril Line NÝGGJ FARLEIÐ Tíðindaskriv Týskvøldið 1. oktober fór farmaskipið Clare hjá Smyril Line av Havnini tann fyrsta túrin til Aber- deen á nýggju Skotlands- leiðini, og longu frá byrjan verður tikið væl ímóti nýggju møguleikunum at flyta farm av landinum – Áhugin fyri rutuni hev- ur verið stórur, og tann fyrsta túrin til Aberdeen eru upp ímóti 30 trailarar við fiski umborð. Tað er nógv meira, enn vit høvdu vónað henda fyrsta túrin, sigur Heðin Joensen, leiðari á farmadeildini hjá Smyril Line. Hesin fyrsti farmurin við fiski er hampiliga javnt býttur millum feskan og frystan fisk. Á túrinum heim aftur til Føroya er knappliga so nógv góðs umborð, og tað hevur sínar náttúrligu or- søkir. – Enn er kunnleikin til rutuna ikki líka stórur aðra- staðni, sum hann er í Før- oyum. Vit rokna tó við, at áhugin fyri rutuni fer at økjast so hvørt, hon kemur í eina fasta legu, og kunn- leikin økist, sigur Heðin Joensen. Føroyska útflutnings- vinnan hevur nú møguleika at senda fisk og aðrar vørur av landinum sjóvegis sjey ferðir um vikuna, og Smyril Line stendur fyri trimum av ferðunum. Smyril Line fer í vetur at sigla til Aberdeen við Clare, og seinni fer nýggja Norröna at yvirtaka skotlandssiglingina í vetr- arhálvuni. Eisini fyri ferðafólk Hóast tað fyrst og fremst er útflutningsvinnan, ið hevur fingið eina nýggja inn- gongd til bretska og evropeiska marknaðin við nýggju rutuni hjá Clare, so er eisini møguligt hjá ferðandi at brúka nýggja møguleikan. Pláss er fyri 12 ferðafólk- um umborð á Clare, og tey, ið eru áhugað, kunnu gleða seg til ein øðrvísi túr til Aberdeens. – Vit fara at gera tað, vit eru mentir, til tess at fólk skulu kenna seg væl um- borð, sigur skiparin á Clare Jørgen Mortensen. Hann hevur siglt á Atlantshavinum við skip- um hjá danska reiðarínum DFDS í seksti- og sjeyti- árunum, og nú er hann aftur á teimum gomlu leiðunum. – Hetta er spennandi, og tað er ein avbjóðing at royna eina nýggja leið sum henda millum Føroyar og Aberdeen. Suðurrás verður í vetur partur av vetrarskrá Út- varpsins. Í dag, hós- dagin, verður fyrsta sendingin at hoyra og Suðurrás hevur í hesum sambandi opið hús í hølum sínum ÚTVARP Dagfinn Olsen Nýggja Útvarpsrásin í Suð- uroynni, Suðurrás, verður í vetur regluligur partur av skránni hjá Útvarpi Føroya. Fyrsta sendingin verður at hoyra í dag, hósdag, klokk- an 17:05. Lagt var til brots á Jóan- søku, tá skipað var fyri eini beinleiðis sending av jóan- søku í Vági. Suðurrás fekk tá góða og serkøna hjálp frá Jákupi Magnussen, út- varpsmanni, tí tá var júst farið undir fyrireikingarnar til nýggju rásina og mann- ingin helt seg ikki rættiliga til at senda, men við góðari hjálp var hildið, at til bar at nýta henda gylta møguleika at gera vart við rásina. Og væl bar til. Men síðani hevur ikki stórvegis verið at hoyrt til Suðurrás, okkurt innslag í onkrari morgunsending. Men nú verður veruliga lagt til brots. Suðurrás skal standa fyri eisini regluligari sending á vetrarskrá Út- varpsins. Sendingin hevur heitið Viðurgerði, ið var tann jarðarteigurin, ið varð lagdur afturat, tá garðarnir vórðu útfluttir. Opið hús Enn er manningin ikki stór á Suðurrás og hóast hølis- umstøðurnar eru góðar, so er enn okkurt eftir at taka hond í. Men alt hetta kemur væntandi skjótt í rættlag. Fleiri hava longu víst áhuga í at taka eina hond við í út- varpsarbeiðinum og mann- ingin í Suðurrás væntar og vónar, at fleiri leggjast aft- urat, nú gongd kemur á og sent verður regluliga. Í samband við fyrstu sendingina hevur Suðurrás opið hús í hølum sínum, ið eru á ovastu hædd á Litbúð- ini í Vági. Allar kommunur í oynni, ið hava stuðlað út- varpsætlanini sera væl, hava fingið innbjóðing og allir suðuroyingar eru væl- komnir inn á gólvið á Suð- urrás hósdagin millum klokkan 17 og 18:30. Manningin á Suðurrás vón- ar at síggja nógv fólk og vónar eisini, at áhugin verður vaktur hjá onkrum fyri at royna seg við mikro- fonini. Opið hús verður, meðan fyrsta sendingin er í luftini, og møguleiki er at hoyra sendingina í hølunum hjá Suðurrás. Sendingin Viðurgerði verður á vetrarskránni hjá ÚF hvønn hósdag klokkan 17:05 og endursent verður klokkan 14 týsdagar. 200 stóra undirtøku í Íslandi Suðurrás: Opið hús og sending 200 í Íslandi (Mynd. Ingólfur Júlíusson) Stórur áhugi fyri nýggjari leið C M Y K 21 20