týsdagur 21. januar 2003síða 2

2 Nr. 13 - 21. januar 2003 Nr. 13 - 21. januar 2003 3 Eingin fær nakað afturfyri drúgva arbeiðið at umseta bíbliuna. Um 2-3 ár kemur Nýggja testamenti út í nýggjari týðing við meira nútíðar máli TÝÐING Heri a Rogvi Arbeiðið hjá bispi og øðrum at umseta bíbliuna gongur sína stillu gongd. Bispur er longu liðugur við Nýggja testamenti, men ikki fyrr enn um tvey ella trý ár kemur seinni parturin av bíbliuni ú í bók. Orsøkin til hetta er, at alt Nýggja Testamenti skal rættlesast og gerast klárt til at geva út. Bispur, Hans Ja- cob Joensen, greiðir frá, at fólkini, ið skulu rættlesa, arbeiða fulla tíð, og bestu møguleikar eru tí ikki til hetta arbeiðið, og tískil tekur hetta sína tíð. Arbeiðið at týða Gamla Testamenti verður ikki liðugt og útgivið fyrr enn væl eftir, at nýggja týðingin av Nýggja testamenti er komin út. Skuld Grundsjónarmiðið aftan fyri at fara undir at týða og geva út bíbliuna av nýggj- um, sigur bispur vera, at mál broytast allatíðina, og føroyskt er ment nógv seinastu árini, og tí verður tað hildið vera hóskandi við einari nýggjari og meira nútíðar týðing av bíbliuni. — Henda týðingin verð- ur meira í tráð við málið í dag, men ætlanin er ikki, at málbúnin skal gerast ger- andismál, sigur Hans Jacob Joensen. Tað er bispur sjálvur, sum stendur á odda fyri hesari verkætlanini. Hann tekur sær av allari týðing. Eins og hjá Dahl verður týtt úr frummálunum – úr hebraiskum og griskum. Til at stuðla sær hevur bispur nýtt aðrar týðingar í ivamálum. Tá Sjónvarp Føroyar fyri nøkrum vikum síðani bar tíðindini um nýggju bíbliu- týðingina kom fram, at ein partur av nýggju týðingini er at broyta í sjálvum faðir- vár, ið Jesus lærdi læru- sveinar sínar at biðja. Ístað- infyri at fyrigeva syndir okkara og fyrigeva teimum, sum móti okkum synda, so verður tað í hesari nýggju týðingini at fyrigeva skuld. Hetta hevur sett glið á prátið nógvastaðni, men enn eru ikki nakrar almenn- ar viðmerkingar komnar fram. Hóast ein nýggj týðing verður gjørd, so er einki ætlan at hendan skal køva teir undanfarnu. — Fólk kunnu velja sjálvi, um tey ynskja at nýta hesa týðingina ella aðra. Tað er eisini týdningarmik- ið, at vit lata týðingarnar vera, sum tær eru, soleiðis at hesi verk standa fyri seg, og øll kunnu nýta hetta, um tey vilja, sigur Hans Jacob Joensen. Fyri einki – Tað kann undra, at vit í Føroyum skulu hava tvær bíbliutýðingar, sigur Hans Jacob Joensen. Tað var eisini við hesum í huganum, at hann fór undir arbeiðið við nýggju umset- ingini, og ætlanin var, at ar- beiðið skuldi gerast tvør- samkomuligt, har flest allar samkomur í Føroyum lut- tóku. Endin gjørdist so tann, at Fólkakirkjan, Adventista- samkoman og Hvítusunnu- samkomurnar eru farnar saman um at gera nýggju týðingina. Tað er bispur, ið ger týð- ingina, og ein arbeiðsbólk- ur við umboðum frá teim- um nevndu samkomunum rættlesur og ger viðmerk- ingar til umsetingina. Hesin bólkur hevur verið saman á leið einaferð um mánaðin. Brøðrasamkoman ynskti ikki at luttaka í arbeiðinum við nýggju týðingini, tá tey søgdu seg vera væl nøgd við verandi týðing. Arbeiðið verður tó ikki lønt, upplýsir bispur. – Vanligt hevur verið, at alt tílíkt arbeiði hevur verið sjálvboðið, og ætlanin er, at tann einasti kostnaðurin verður nýttur til prent v.m., sigur Hans Jacob Joensen. Drotningin góðkennir Skal ein bíbliutýðing nýtast í Fólkakirkjuni í Føroyum, so krevur hetta eina góð- kenning – autorisering. Hendan verður latin av kongi ella drótning. Einasta autoriseraða týðingin á før- oyskum er hon hjá Dahl og Viderø. Tað er bispur, sum inn- stillar eina týðing til at verða góðkend. Tá hendan nýggja týðingin verður góðkend, so fer onnur týð- ingin ikki úr gildi, men báðar eru tá góðkendar og kunnu nýtast. Týða fyri einki Bispur týðir úr frummálunum til nýggju týðingina av bíbliuni, sum tó ikki kemur út í fullum líki fyrr enn um nøkur ár C M Y K 3 2