hósdagur 6. februar 2003síða 8

Nr. 25 - 6. februar 2003 15 Seinastu tríggjar vikurnar eru eini hús brend í grund í Sumba og eini onnur eru rættiliga illa farin av eldi. Tað hevur fingið sumbingar at tosa um støðuna ELDSLØKKING Áki Bertholdsen Sumba: Seinastu tríggjar vikurnar hava sumbingar av røættum sanna gamla orða- taki um, at eldur er góður tænari men ringur harri. Uppá tríggjar vikur eru eini hús í bygdini rættiliga illa farin av eldi og eini onnur eru brend í grund. Hetta hevur fingið sumb- ingar at taka støðuna við tilbúgving og eldsløkking upp og nú eitt kvøldið høvdu teir fund í Sumba, har støðan varð eftirmett. Dánjal Johan Lisberg, sum tók stig til fundin, sig- ur, at ætlanin við fundinum var einans at gera støðuna upp og at vita, um tað ikki ber til at fyrireika seg betri til slíkar støður. Tó leggur hann afturat, at sama hvat varð gjørt, nú eldur var í seinast í Sumba, høvdu húsini ikki staðið til at bjarga, tí tey stóðu í ljós- um loga, tá ið fólk komu á staðið. Við á fundinum vóru sumbingar, sløkkiliðsmenn úr Vági løgregla og bygda- ráðslimir. Annars eru ongir sløkki- liðsmenn í Sumba. Tað eru valdir nakrir sløkkiliðs- menn fyri einum 20 árum síðani, men tað er ongantíð fylgt upp við skeiðum og útbúgvingum. Úrslitið er, at tað er bara ein sumbingar, sum hevur skeið í at sløkkja eld og tað er ein maður, sum kommunan hevur sent á skeið. Annars hevur alarmsentr- alurin ein lista við nøkrum sumbingum á, sum ringjast kann til í slíkum førum. – Men í hvørgum førum, eldur hevur verið í hesar seinastu ferðina, tríggjar vikurnar, fekk nakar sumbingur boð um eldin. Tann einasti, sum fekk boð, var ein arbeiðsformað- ur hjá kommununi, sum fekk boð av tilvild. Hetta er ein maður, sum um hendi hevur útgerðina, sum kommunan eigur. Stigtakarin til fundin sig- ur, at eitt úrslit av fundinum var, at sløkkiliðið í Vági skal fara runt bygdina við arbeiðsformanninum hjá kommununi at skráseta all- ar sløkkikranar í bygdini. Sløkkiliðið hevur framm- anundan onki kort við sløkkikranum á. Tað er hel- dur ikki av nóg tætt ímill- um sløkkikranarnar og ar- beitt eigur at vera fyri at seta fleiri upp. Ein niðurstøða av fundin- um var eisini, at skipast eigur at vera fyri fleiri venj- ingum. Annars hevur Sumbiar Bygdaráð samtykt at vera við til at keypa brandbil til suðuroyar syðru helvt. Kommunan hevur eisini havt ætlanir um at senda fólk á skeið. Ætlanin er eis- ini at keypa roykkavaraút- gerð. Annars sigur Dánjal Johan Lisberg, at samstarv- ið ímillum teir, sum vóru við í sløkkiarbeiðnum í Sumba, gekk fyrimyndar- ligt, hóast teir ikki høvdu vant saman frammanundan. Í syðru helvt í Suðuroy ætla tey at gera seg betri út til at sløkkja eld ELDSLØKKING Áki Bertholdsen Suðuroy: Tær fýra komm- unurnar í syðru helvt í Suðuroy ætla nú at brynja seg betri út til at basa eldi. Sløkkiliðið í Vági, sum er fyri alla suðuroyar syðru helvt, arbeiðir tískil við ætlanum um at keypa ein nýggjan brandbil. Í tí sambandi hevur sløkkiliðið teir spurt kommunurnar í suðuroyar syðru helvt, um tær vilja vera við til at stuðla keyp- inum. Í suðuroyar syðru helvt eru Sumbiar-, Vágs-, Por- keris og Hovs Kommuna og tað tykist sum um at undir- tøka er fyri tí. Tað skilst, at Sumbiar Kommuna hevur samtykt at vera við í keypinum. Leygardagin var málið fyri í Hovs Kommunu og har varð eisini samtykt at vera við í keypinum. Men Hovs Kommuna vil samstundis hava greiði á, hvussu nógv bilurin fer at kosta og, hvussu stórur parturin hjá Hovs Komm- unu verður og hvussu part- urin hjá hvørjari kommunu verður roknaður út. Sløkkiliðið í Vági sigur, at tey hava harðliga brúk fyri nýggjum brandbili. Tann, sum liðið hevur, er meiri enn 25 ára gamalur. Hann hevur hartil so lítlan motor, men tað allarmesta hann klárar eftir sløttum er 50-60 kilometrar um tíman og er eitt sindur av mót- brekku er skjótt, at hann fer niður á 40. Annars verður sagt, at bilurin er góður- tá ið hann er komin á staðið. Men teir kundu hugsa sær ein bil, sum var nýggjari og sum hevði størri motor og sum kundi verið skjótt frammi. Eisini samstarv norðureftir Annars eru tað ikki bara kommurnar í suðuroyar syðru helvt, sum eru áhug- aðar í at samstarva við Hov um eldsløkking. Hov er mitt í Suðuroynni og sløkkiliðið á Tvøroyri hevur eisini spurt seg fyri hjá Hovs Kommunu um samstarv í sambandi við venjingar, skeið o.sfr. Á bygdaráðsfundinum í Hovi var niðurstøðan, at tað tóktist natúrligari fyri kommununa at samstarva við syðru helvt um sløkki- liðsútgerð. Men kommunan hevði onki ímóti at samstarva um venjingar, skeið o.a. við sløkkiliðið í norðaru helvt, sum er Tvøroyrar-, Fámj- ins- og Hvalbiar Komm- unu. Ikki minst verður hesin spurningurin átrokandi, nú ætlanin er at fara undir Hovstunnilin seinni í ár. Ikki minst skal greiða fáast á, hvør hevur ábyrgd- ina, tekur ein neyðstøða seg upp í tunlinum. Í tí sam- bandinum hevur bygdaráð- ið í Hovi fingið upplýst, at kommunurnar í syðru helvt koma at hava ábyrgdina av syðru helvt av tunlinum, sum kemur út omanfyri Hov, men at kommunurnar í norðaru helvt koma at hava ábyrgdina av norðaru helvtini av tunlinum, sum kemur út við Tjaldavík. Annars eru hovbingar ikki so illa fyri hvat sløkki- liðið, tí fleiri mans hava verið á skeiði í roykkaving og eldsløkking og komm- unan hevur í fleiri ár sent pening av til at útbúgva brandfólk við. Kommunan hevur eisini ein lítlan vogn við ymsari útgerð. Men bygdaráðið heldur, at tað mest natúrliga hevði verið, um øll oyggin sam- starvaðu um venjingar, skeið og annað, ikki minst nú Hovstunnilin verður gjørdur og tað verður so nógv styttri at koyra úr einum enda í annan. Sumbingar hava eftirmett støðuna Ætla at keypa brandbil í felag Bygdaráðið í Hovi hevði ársins fyrsta fund leygardagin og har varð samtykt at verða við til at keypa nýggjan brandbil til sløkkiliðið í Suðuroyar syðru helvt. Frá vinstru eru tey Delmar Tausen, Dagfríð Hovgaard, Jákup Petur Joensen, varaborgarstjóri, Emma Petersen, borgarstjóri og Alexius Midjord Í farnu viku brendu hesi húsini í Sumba í grund og fyri trimum vikum síðani fóru eini onnur hús í Sumba rættiliga illa av eldi. Tað hevur fingið sumbingar at taka støðuna upp 15 14 Nr. 25 - 6. februar 2003 Heiðurskonsertir fyri Bob Marley Um Bob Marley hevði livað, hevði hann fylt 58 ár í dag. Aftur í ár verður fyri 22. Ferð skipað fyri árliga reggae festivalinum til heiðurs fyri mann- inum, ið gjørdi reggae tónleikin kendan. RAGGAE Annika S. Olsen Tónleikarin og politiski aktivisturin Bob Marley var føddur 6. februar 1945. Sum sonur av einum mið- aldrandi hvítum manni og eini ungari, svartari mammu vaks Bob Marley upp fátækur í býnum Trenchtown í Jamaica. Hann byrjaði at syngja og spæla saman við tveimum øðrum vinmonnum sum 16 ára gamal. Tað var tó fyrst í 70’unum, at Bob Marley saman við The Wailers veruliga gjørdi um seg. Fløgan “Catch a Fire” setti fyri fyrstu ferð reggae-tón- leikin á heimsmarknaðin, og gjørdist reggae tónleik- urin tá sera vælumtóktur. Seinni komu fløgurnar Natty Dread, Rastaman Vibration og Exodus við kendum løgum so sum “No Woman, No Cry”, “Jamm- ing” og “Exodus”. Bob Marley hevur altíð verið kendur fyri sínar sang- tekstir, Ið eisini klárt vísa hansara politisku sjónarmið. Bob Marley legði stóran dent á frælsi. Sum persónur var hann sera fríur, og vildi hann eisini, at øll onnur fólk áttu at liva í frælsi. Í 1977 løgdu læknar til merkis, at Marley ikki hevði tað so gott. Teir funnu krabbameinskyknur. Marley vildi tó ikki hava viðgerð. Í 1980 funnu læknar út av, at krabba- meini hevði breitt seg til heila, lungu og livur. Frálíki tónleikarin og uppreistrar- maðurin andaðist í 1981. Aðrir tónleikarar vísa virðing Líka síðan Bob Marley læt lív hevur verið heiðurs- festivalur fyri honum á hvørjum ári við ymsum reggae-tónleikarum. Í ár er ikki nakað undantak, og fara konsertirnar hesaferð at hava vitjan av millum øðrum Sean Paul, Shaggy, Buju Banton og Steel Pulse. Synirnir hjá Bob Marley, Stephen, Damian og Julian verða eisini at hoyra á konsertunum, sum byrjað 15. februar í Long Beach, Kalifornia. Sum persónur var Bob Marley sera fríur, og vildi hann eisini, at øll onnur fólk áttu at liva í frælsi Í 1999 steðgaði nevndin í Ung í MáF. Eftir steðg í 3 ár, hava fólk nú aftur tikið seg saman og gjørt eina nýggja nevnd. Í nýggju, frísku nevnd- ini eru ung fólk mill- um 18 og 24 ár, og hava tey sett eina skrá fyri 2003 SJÓNLEIKARAR Annika S. Olsen Ung í MáF er ungdómsfel- agsskapurin undir Megin- felag Áhugaleikara Føroya, og er fyri sjónleikaáhugaði ung millum 15-25 ár. Í nýggju skránni hjá Ung í MáF stendur at lesa um nógv ymiskt spennandi. Í fyrru helvt av 2003 fer Ung í MáF at skipa fyri fýra til- tøkum í Føroyum. Tað fyrsta tiltakið verður vikuskiftið, 21.-23. mars. Tá verður stór stevna á Sandi. Heili 50 limir í Ung í MáF kunnu luttaka á stevnuni, sum fer at leggja serligan dent á sjónleik og stuttleika. Í apríl 2003 fara tey væntandi at skipa fyri ljós- designaraskeiði í páskafrí- tíðini, og vikuskiftið 25.- 27. apríl verður skeið í “stage-fight”. Har kunnu sjónleikaáhugaði læra um bardaga á palli. Skeiðið verður í Klaksvík. Í 17. mai verður barnasjó- nleikarastevna í Havn, har allir skúlar eru bodnir við. Ung í MáF hevur ætlanir um útnorðurskeið vesturi í Vágum í juli. Ætlanin er at lærarar skulu koma úr Grøn- landi, Íslandi og Føroyum Ymisk norðurlendsk til- tøk eru eisini til boðið, hjá sjónleikaáhugaðum føroy- ingum at luttaka á. T. d. summarskúlin hjá NUTU, har 15-25 ára gomul sleppa at luttaka, og læra nakað nýtt innan sjónleik og drama. Gerst limur Fyri at luttaka í flestu av hesum tiltøkunum, skal ein vera limur í Ung í MáF. Um áhugi er til tess, skal ein bert seta seg í samband við Ung í MáF ella fáa fatur á skránni, har tilmeldingar- blað er í. Limagjaldið er 50 kr um árið. Ung í MáF 2003 C M Y K 14