fríggjadagur 30. mars 1990síða 2

ss tíðindablaðið | ——— Sjúkrahúsverkið og framtíðin TEY sjúku veraa tapararnir. SOLEIÐIS sigur fyristøðumaðurin á Landssjúkrahúsinum í samrødu við Sosialian í gjár. Hann sipar við hesum til tær stóru skerjingarnar á sjúkrahúsinum, sum landsstýrið hevur álagt leiðlsuni at fremja longu í hesum árinum. TAÐ er greitt, at skal hetta størsta sjúkrahúsið í landinum veruliga spara umleið 40 mill. kr. soleiðis, sum samgongan hevur álagt tí, so verða nógvir taparar. ØLL eru vit samd um, at tað eigur at sparast, har sparast kann. Men í hesum førinum hevur samgongan sett heilt órímulig sparikrøv. Tá hevði verið betur, um tað varð gjørd ein heildarætlan fyri alt sjúkrahúsverkið fyri nógv ár fram. Hetta við at gera av frá einum degi til annan at ein stovnur sum Landssjúkrahúsið skal spara so nógv ber als ikki til. Hetta kunnu politikararnir rætt og slætt ikki gera móu sjúklingum og starvfólkum á sjúkrahúsinum. Men hetta ongan langtidarpolitikk og -ætlan at hava hevur júst eyðkent hetta landsstýrið, í hvussu so er tå tað snýr seg um okkara heilsuverk EINAFERÐ varð ein ætlan gjørd tyri útbygging av teimum trimum sjúkrahúsunum. Hvar liggur hon, nú sparitiltøkini eru sett í verk! M.a. hevur landssjúkrahúsið stóran tørv á nýggjari og stórri skurðstovu, nú trystid á verandi skurðstovur veksur alsamt. Hugsið bara um teir mongu ferðsluskaðarnar. Tað er eingin meining í, at okkara hóvuðssjúkrahús ikki hevur góðar skurdstovuumstødur. SE KT EN TAÐ er eingin loyna, at tað fyri nøkrum árum síðani varð gjørt eitt slag av gerðabýti innan sjúkra- húsverkið. Landssjúkrahúsið fekk sín ortoped og Klaksvíkar sjúkrahús fekk eina ortopediska skurðstovu. Við ødrum orðum varð avgerðin at byggja nýggja skurðstovu á Landssjúkra- húsinum skotin langt út í framtíðina. TAÐ eru slíkar spurningar, sum okkara politikarar áttu at umrøtt, nú lagt verður eftir at spara innan sjúkrahúsverkið. Vit mugu tilrætta- leggja eina útbygging, sum er í samsvar við tørv og figgjarorku. Her er heilt greitt talan um, at vit mugu gera okkum greitt, hvat vit vilja og orka. Í hvussu stóran mun skulu tey smærri sjúkrahúsini útbyggjast og so landssjúkrahúsið. HVAT kunnu vit og hvat vilja vit.!'Hetta eru høvudsspurningarnir. Ætla vit at halda fram við at loyva sjúkrahúsunum at virka sum sjálv- støðugar eindir heldur enn at lata tær virka sum ein samlað eind! Skulu vit hava eitt veruligt sentralsjúkrahús her á landi, ella skulu vit miðja ímóti at hava trý smærri sjúkrahús og so brúka danska ríkishospitalið sum sentral- sjúrkahús! HETTA eru spurningar, sum roynt hevur verið at svara í fleiri frágreiðingum, men sum politikarnir altíð skúgva frá sær, tí málið er so politiskt eymt. Eingin torir at síggja málið frá einum landssjónarmiði. Hugt verður at ti frá einum lokalum sjónarmiði - m.a. út frá tí sannroynd, at talan er um at varðveita arbeiðs- pláss. VIT eru noydd ul at gera okkum greitt, hvat telur meira, at hava eitt vælvirkandi og nútímans sjúkra- húsverk, ið ikki er so nógv tengt at ríkishospitalinum, ella vit skulu varðveita verandi struktur , har taln fyrst og fremst er um at varðveita arbeiðspláss ávikavist í Klaksvík, á Tvøroyri og í Havn. TAÐ er okkara metan, at vit í størri mun eiga at leggja okkum eftir at gera landssjúkrahúsið til okkara sentral- sjúkrahús soleiðis, at vit í framtíðini skulu senda færri sjúklingar av landinum. Tað skal tó vera sagt her, at tað altíð fer at vera neyðugt at senda sjúklingar til viðgerð og kanning í Danmark, tí tað er avmarkað, hvat vit 45.000 íbúgvar kunnu krevja av okkara sjúkrahúsverki. TAÐ er eingin loyna, at bara at nema við spurningin um sjúkrahúsútbygg- ing er sum at taka um glødandi jarn. Neyvan nakað mál í heusm landi fær sinnini so nógv í kók sum júst sjúkrahússpurningurin. Men fyri tað kunnu okkara politikarar ikki alla tíðina sleppa sær undan at taka eina skilagóða avgerð, sum ikki bara byggir á lokalpolitisk áhugamál. Einaferð varð ein útbyggingarætlan gjórd fyri Landssjúkrahúsið. Hvar er hon endað! SJÁLVANDI skal gllum trimum sjúkrahúsunum verða lív lagað. Men tað er uppá tíðina, at vit gera okkum greitt, hvussu okkara samlaða sjúkrahúsverk skal síggja út um 10- 20 og 50 ár. Tær iløgur og útbyggingar vit skulu gera komandi árini verða rættiliga avgerandi fyri hesum. Latið okkum tí fáa eitt opið og breitt tjak um útbyggingina og ætlanina við okkara samlaða sjúkrhúsverki heldur enn at keglast um, hvussu vit spara eina krónu her og eina har. Jamú rgdarblaðstjór: Jan Miiller Blaðfólk Høgni Djurhuus | Utgevari P'/f Sosiaturin Bústaður Argjavegur 26 | Postadressa: Postsmega 76 Fyritaksstjóri. Kristjan Dahi Randi Jacobsen | Uppseting P/f Sosialurin | Argir 110 Tórshavn | Ljósmyndar: Kalmar Lindenskov Tórfinn Smith | Prent P'f Pressan 1981 Telefon: 11820 Teietax 14720 | ;