fríggjadagur 21. februar 2003síða 2

2 Nr. 36 - 21. februar 2003 Nr. 36 - 21. februar 2003 3 Leygardagin 22. febr. kl. 16 skipar Norðoya Listafelag fyri al- mennum fyrilestri við Jens Frederiksen, leiðara á Listasavni Føroya FYRILESTUR Solby A. Eliasen Klaksvík: Jens Frederiksen fer at halda fyrilestur í býráðs- høllini nú leygardagin kl. fýra. Hann fer m. a. at tosa um evnini: Ber til at tosa um staðbundna list í før- oyskari myndlist? Hvørji eyðkenni hevur hon - og nær fer hon út um tað stað- bundna? Er tað staðbundna dygd í sjálvum sær? Við hesum fyrilestrinum verður roynt at svara hesum spurningunum gjøgnum sundurgreining av nøkrum verkum, sum Norðoya Listafelag eigur. Høvi verð- ur eisini hjá áhoyrarunum at seta spurningar. Jens Frederiksen var í Klaksvík og helt fyrilestur fyri einum ári síðani. Tá var undirtøkan góð millum fólk. Og Norðoya Listafel- ag vónar, at fólk aftur hesa ferð taka væl undir við til- takinum - bæði limirnir og fólk annars. Føroyski báturin í Fuglafirði Fyrilestur um hin føroyska róðrarbátin á Fuglafjarðar Bóka- savni BÁTUR Tíðindaskriv Fuglafjarðar Bókasavn hevur havt eina røð av kvøldsetum, har ymiskir rithøvundar hava verið og tosað um bøkur sínar, um tað at skriva, yrkja ella eitt- hvørt annað, sum liggur teimum á hjarta. Hesi kvøldini hava verið hildin nøkur mánakvøld í vetur á Fuglafjarðar Bókasavni, og hava kvøldini verið sera hugnalig og áhugaverd. Ikki minni áhugavert verður tað mánakvøldið kl. 20:00, tá Andras Mortensen kemur at halda ein fyrilestur um Ph. D. ritgerð sína um hin føroyska róðrarbátin, sum kom út í bók í 2000. Andras Mortensen fór undir ritgerðina, tá ið hann varð settur í starv á Føroya Forn- minnissavni og millum ann- að fekk til uppgávu at taka sær av bátasavninum. Á bátasavninum eru savnaðir 27 bátar og ein stórur partur av teimum lutum, sum hoyr- du sjólívinum til í eldri tíð. Andras Mortensen skrivar í fororðinum, »at skjótt kend- ist, at við hesu uppgávu var neyðugt at útvega sær innlit, tí hóast ikki so lítið longu var útkomið á prenti um bát- ar og sjólív, megnaði tað ikki í nóg góðan mun at svara øllum teimum fyrispurning- um, ið mær sum savnsvørði vórðu settir. Eyðsæð var, at her lá ein granskingarupp- gáva fyri framman.«. Í rit- gerðini verður greitt m.a. frá bátasmíði, bátastøddum, út- búnaði í bátinum, fiskileiðir og fiskiskapur, veiða, báts- skipan, bátsband og frá ný- tíðarbátinum. Høvið verður hjá áhoyr- arum at stilla høvundanum spurningar aftaná og at fáa sær ein drekkamunn við onkrum góðum afturvið. Tiltakið er ókeypis og øll eru vælkomin. Mánakvøldið 17. mars kl. 20:00 fær Fuglafjarðar Bókasavn vitjan av Tóru Tóroddsdóttir, sum hevur skrivað bókina, »Rura«. Bókin snýr seg um rørslu- menning og sansaskipanina hjá føroyskum børnum. Hetta tiltakið er somuleiðis ókeypis, og øll eru væl- komin. Andras Mortensen fer at halda fyrilestur í Fuglafirði um hin føroyska róðrarbátin, ið hann hevur skrivað Ph. D. ritgerð um, ið kom út í bók í 2000 Tøkk Ein hjartans tøkk til tykkum á Ellisheiminum í Vágum, sum gjørdu mær 80 ár dagin so hugnaligan. Somuleiðis tøkk til tykkum, sum vitjaðu meg. Richard Johannesen Tøkk Hjartaliga takki eg øllum, sum gjørdu mær 85 ára dagin ógloymandi. Ein serlig tøkk verður send Vestmanna Kirkjukóri. Fanny Johannesen Sandavági Jens Frederiksen í Klaksvík Komandi leygardag klokkan fýra verður fyrilestur í býráðshøllini í Klaksvík við Jens Frederiksen, leiðara á Listasavni Føroya Gjøgnum tíð og rúmd í tinghúsinum Tíðliga seinnapartin mikudagin kom málningurin hjá Ingálvi av Reyni, Gjøgnum tíð og rúmd upp at hanga í ting- salinum. Allir løg- tings- og landsstýris- menn vóru komnir saman at síggja máln- ingin, og Ingálvur og konan, Elsa, vóru eisini hjástødd LIST Ingrid Bjarnastein Ingálvur av Reyni er listar- maðurin aftanfyri málning- in, Gjøgnum tíð og rúmd, sum mikudagin kom upp at hanga í tingsalinum. Máln- ingurin hongur aftanfyri tingformannin og røðara- pallin. Mikudagin vóru allir løg- tings- og landsstýrismenn komnir saman fyri at síggja málningin, og var Ingálvur sjálvur og konan, Elsa, eis- ini hjástødd. Edmund Joensen, løg- tingsformaður, takkaði Ing- álvi fyri, at hann vildi átaka sær uppgávuna, sum allir løgtings- og landsstýris- menn koma at gleðast yvir. Tá Ingálvur av Reyni fyrstu ferð varð spurdur um, at hann vildi mála ein málning til tingsalin, bar hann seg undan, tí hann segði, at heilsa og aldur bilaðu. Eina tíð seinni hoyrdist tað, at Ingálvur var betri fyri, og hann varð tí spurd- ur einaferð afturat, og hesuferð var svarið játtandi. Dámar væl Heidi Poulsen, arkitekturin aftanfyri tingsalin, er væl nøgd við málningin, og heldur, at hann tekur seg væl út á vegginum aftanfyri tingformannin. – Tingsalurin er neutralur í litum, og litirnir koma frá fólkunum inni her. Tá tað kemur til litirnar, so stuðla teir uppundir rúmið, sigur Heidi Poulsen. – Tað, at málningurin hongur aftanfyri tingfor- mannin og røðarapallin ger, at røðarapallurin verður settur í fokus. Heidi fortelur, at Ingálv- ur gjørdi fyrst ein málning at hanga upp sum roynd. Hann vildi síggja, hvussu málningurin megnaði frá- støðuna í tingsalinum, tí atelierið er ikki størri enn eini 4-5 metrar. Hann var ikki nøgdur við tann máln- ingin, so tí varð hesin mál- aður, og verður mett, at hann tolir betri frástøðuna, tí tingsalurin er so stórur. – Eg eri væl nøgd við málningin, og mær dámar hann væl, sigur Heidi Poulsen. Og eftir løgtings- og landsstýrismonnum at døma, so vóru teir allir á einum máli um, at málning- urin var eitt meistaraverk. Ingálvur av Reyni hevur málað málningin, sum er komin upp at hanga í tingsalinum Mynd: Jens Kr. Vang C M Y K 3 2 Tungir eru dagarnir síðani tú fór frá okkum. Saknurin er stórur. Men eg veit, at vit síggjast aftur ein dag. Vit bæði hava havt nógvar góðar løtur saman. Tú vart stóri-beiggi mín, og hevði meg altíð við út at spæla, har vit spældu nógv ymiskt, tá vit vóru smá. Sjálvt um tað vóru fimm ár ímillum okkum, so vóru vit tætt knýtt at hvørj- um øðrum. Síðani vart tú venjari hjá mær í fótbólti í eini trý ár, og tað dámdi mær sera væl. B36 fylti nógv í tínum hjartað. Tú fylgdi við í bæði heima- og úti- dystum hjá 1. deild, har tú sjálvandi eisini hugdi eftir lítla-beiggja okkara. Tað verður undarligt í ár, tá kappingin byrjar, og tú ikki sæst ella hoyrist millum áskoðararnar longur. Guðrið kom so, og tú bleiv gubbin hjá henni. Tit bæði vóru so góð við hvønn annan. Tú gav henni nógv, og hon spyr oftani eftir tær. Og hon veit eisini, at tit síggjast aftur. Nógva tíð brúkti tú summarhálvuna við Leynarvatn. Tú plagdi at vera hjá mammu og teimum áðrenn og smyrja tær ein stóran matpakka, tí tú væntaði at vera burtur í nakrar tímar. Tú elskaði at fiska laks. Har fór nógv tíð til at fiska, og tú vart so stoltur, tá tú hevði fingið nakrar, og gav okkum altíð burturav. Hvønn døgurðatíma vart tú uppi hjá ommu og át døgurða, har vit eisini vóru. Og ofta fingu vit okkum eitt deiligt prát omaná við einum drekkamunni. Góði Høgni. Takk fyri alt, tú hevur verið fyri meg. Guðrið og Bogi lata heilsa. Hvíl í friði. Systir tín, Marian Til minnis um mín elskaða beigga, Høgna á Borg 6/5-70 — 2/12-02