mikudagur 26. februar 2003síða 2

2 Nr. 39 - 26. februar 2003 Nr. 39 - 26. februar 2003 3 UTTAN ÚR HEIMI Stuðul til stóru flokkarnar ES-nevndin hevur nú skotið upp, at teir politisku flokkarnir í limalondunum skulu fáa fíggjarligan stuðul. 62 milliónir krónur skulu nýtast til stuðulin, og endamálið er at menna demokratiið, sigur nevndin. Ein treyt fyri at fáa stuðul er, at flokkarnir eru umboðaðir í fleiri londum, og tað hevur elvt til stóra misnøgd í Danmark, tí eftir hesum fáa Sosialistiski Fólkaflokkurin, Danski Fólkaflokkurin, Junirørslan og Fólkafylkingin ímóti ES ongan stuðul, sjálvt um øll fýra eru umboðað í ES-tinginum. Mogens Camre, sum er ES-tinglimur fyri Danska Fólkaflokkin, heldur, at uppskotið hjá ES-nevndini hevur beint ta øvugtu ávirkanina enn ætlað, tí tað fer at skerja demokratiið heldur enn at menna tað, sigur hann. Einstakir politikarar úr teimum donsku flokk- unum, sum eftir uppskotinum fáa stuðul, eru eisini ímóti uppskotinum. Mistu pappírini Det Norske Veritas tók í fjør siglingarloyvið frá 77 skipum, tí trygdarviðurskiftini vóru ikki í lagi. Árið fyri mistu 63 skip loyvið. Krøvini til trygdina eru herd í seinastuni og serliga eftir vanlukkuna við oljutangaskipinum "Prestige". Tom Svensen, stjóri í Det Norske Veritas, sigur, at felagið leggur serliga stóran dent á góðskukrøvini og trygdina, samstundis sum fleiri reglur og krøv eru komin. Hann sigur, at felagið slakar ikki í nøkrum krøvum. Det Norske Veritas hevur ongantíð klassað so stóran part av heimsins handilsflota sum í fjør. 16 prosent av øllum heimshandilsflotanum er klassaður í Det Norske Veritas, og av teimum skipunum, sum eru í gerð, eru 20,6 prosent klassað í felagnum. Sleppa ikki leysir Vinstrasinnaða uppreistrarrørslan í Kolombia, FARC, sýtir fyri at lata tríggjar amerikanarar leysar. Teir tríggir amerikanararnir hava sitið fangar hjá rørsluni í fjúrtan dagar, og FARC sigur, at menninir eru krígsfangar. USA hevur umleið 500 hernaðar- ligar ráðgevar í Kolombia. Teir tríggir menninir vóru saman við tveimum øðrum í einum lítlum flogfari, sum noyddist at neyðlenda í frumskóginum har suðuri í Kolombia tann 13. februar. FARC hevur boðað frá, at hinir báðir, ein amerikanari og ein kolombiumaður, eru deyðir. Tað lítla Cessna-flogfarið var amerikanskt, og kolombiskir embætismenn hava sagt, at flogfarið var á njósnaraferð, tá tað noyddist at neyðlenda í frumskóginum. Seinastu dagarnar hava fleiri túsund stjórnarhermenn leitað eftir fangunum, men higartil uttan úrslit. Øll vápnini vórðu oyðiløgd Versonur Saddam Hussein, Hussein Kamel, skal hava greitt amerikansku fregnartænastuni CIA frá, at Irak hevur eingi hópoyðingarvápn. Tey seinastu vórðu oyðiløgd í 1995, skal hann hava sagt sambært amerikanska tíðarritinum Newsweek. Hussein Kamel, sum var leiðari fyri iraksku vápnaverkætlanunum í tíggju ár, flýddi úr Irak til Jordan í 1995, men tá hann seinni fór heimaftur, varð hann myrdur. Meðan hann var í Jordan, var hann fleiri ferðir til avhoyringar hjá CIA. Ætlan hansara var, at hansara avdúkingar skuldu elva til, at verfaðirin varð frákoyrdur, men tá hann skilti, at USA ikki var sinnað at stuðla ætlanum hansara, fór hann aftur til Irak. Hussein Kamel greiddi eisini táverandi vápna- eftirlitsmonnunum hjá ST frá tí, sum hann visti um irakska vápnaídnaðin. Sambært Newsweek hevur ST ongantíð almannakunngjørt innihaldið í hesum samrøðunum, tí ætlanin var at kanna, um Hussein Kamel hevði sagt satt. Norðurkorea royndi fyrrakvøldið eina rakett. Í Suðurkorea ávarar forsetin grannan ímóti av- leiðingunum KOREA Árni Joensen Beint áðrenn tann nývaldi suðurkoreanski forsetin, Roh Moh-hyun, varð tikin í eið, kunngjørdi suður- koreanska verjumálaráðið, at Norðurkorea hevði skot- ið eina rakett úr yvir Ja- panska Havið. Tilburðurin fekk eisini ávirkan á setanarrøðuna hjá suðurkoreanska forsetan- um. Tann 56 ára gamli løgfrøðingurin ávaraði Norðurkorea og segði, at landið noyðist at velja ímillum kjarnorkuvápn og altjóða hjálp. Forsetin nýtti tó høvi at gera vart við, at tað eru onnur viðurskifti, sum tey bæði grannalond- ini kunnu samstarva um. Norðurkoreansku mynd- ugleikarnir vóru skjótir at vátta, at landið hevði skotið eina rakett út yvir Japanska Havið. Ein talsmaður hjá myndugleikunum segði, at talan var um eina roynd, sum var neyðugt til tess at verja landsins trygd. Hetta er ikki fyrstu ferð, at Norðurkorea órógvar sínar grannar við rakett- royndum. Fyri átta árum síðani skutu norðurkore- anar eina rakett tvørtur um Japan út í Kyrrahavið. CIA vil vera við, at Norðurkorea hevur eisini rakettir, sum kunnu røkka mál á ameri- kansku vesturstrondini Irakski forsetin hevur lítlan hug at beina fyri teimum ólógligu rakettunum. Har- afturímóti vil hann fegin í sjónvarpsdyst við sín amerikanska starvsfelaga IRAK-KREPPAN Árni Joensen Í einari tríggjar tímar lang- ari samrøðu við ameri- kanska sjónvarpið CBS segði Saddam Hussein, at hann kundi hugsað sær ein sjónvarpsdyt við George W. Bush, forseta. - Eg eri til reiðar at fara í beinleiðis orðaskifti við tykkara forseta, segði Sad- dam Hussein. Hann legði afturat, at hann ætlar sær at siga tað, sum hann hevur at siga, og at amerikanski for- setin kann so gera tað sama. ST-vápnaeftirlitsmenn- inir hava kravt, at Irak skal beina fyri rakettum av slagnum Al-Samoud, tí tær bera longri enn tær rakett- irnar, sum Irak hevur loyvi at hava, men í sjónvarps- samrøðuni segði Saddam Hussein, at Irak hevur ongar rakettir, sum bera longri enn tað, sum loyvt er. Sambært vápnaeftirlits- monnunum bera rakettirnar 183 kilometrar, men irakar siga, at í royndini hjá eftir- litsmonnunum høvdu ra- kettirnar onga løðing og onga stýriskipan. Tí vóru tær lættar og bóru langt. Talsmaðurin hjá Hvítu Húsunum, Ari Fleischer, segði í gjár, at orðalagið hjá Saddam Hussein í sam- røðuni við CBS vísti, at irakski leiðarin ætlar sær ikki at laga seg eftir ST- krøvunum. Tilboðið um ein sjónvarpsdyst millum teir báðar forsetarnar hevði hann onga viðmerking til. ST hevur kortini ikki mist vónina um, at Irak fer at gera eftir kravinum um at beina fyri rakettunum. Ser- ligi sendimaðurin hjá Hans Blix, Dmetrius Pericos, skal til Bagdad at tosa við stýrið har um eina tíðar- ætlan fyri, nær tann sein- asta rakettin skal vera fyri- beind. Saddam bjóðar Bush av - í sjónvarpsdysti Norðurkorea spælir við vøddunum Nýggi forsetin í Suðurkorea, Roh Moh-hyun, sigur, at Norðurkorea noyðist at velja ímillum kjarnorkuvápn og altjóða hjálp Mynd: Reuters Havnarlagið í Sørvági er farið at líkjast sær sjálvum aftur, fegnast borgarstjórin um. Virksemið er sera fjølbroytt, og har er altíð lív VINNA Edvard Joensen Sørvági: Tað er nógv óg fjølbroytt virksemi á havn- arlagnum í Sørvági. Eftir eitt deydligt tíðarskeið síð- an kreppuna fyri 10 árum síðan, er rættiligt lív komið í aftur. Tað var tann tíð, tá Sør- vágur var millum tey frem- ru vinnuplássini í landin- um. Men seinnu árini hevur verið í so linligt, heldur borgarstjóin í Sørvági, Eivin Jacobsen. Men nú fer at líkjast aftur, fegnast hann um. Virksemið hevur verið ov einstáttað á havnarlagnum, heldur hann. Tað hevur ver- ið flakavirkið. Og tá einki arbeiði var har, so var deytt. Nú er alt øðrvísi. Er ikki arbeiði á flakavirkinum, so er tað laksurin. Síðani er landingarmiðstøðin, og nú kemur ísvirkið í gongd aftur. Eisini eru tænastu- vinnur so sum smiðja og handil. Umframt reiðaríið hjá Vesturvón, sum støðugt veksur. So alt í alt sær bara væl út í løtuni, heldur Eivin Jacobsen. Nógv fólk Tað arbeiða nógv fólk á havnarlagnum í Sørvági. Bara fiskavirkini munnu hava reiðiliga hálvthundrað fólk til abeiðis hvønn dag, metir borgrstjórin. Soleiðis helvt um helvt á laksa-virk- inum hjá Sørvágs Laksi og á saltfiskavirkinum hjá P/F Maru. So er tað fiskamót- tøkan hjá Vinjardi Joensen, sum ætlandi fer at lata upp í nýggjum hølum fyrsta dag- in. Har munnu fara at ar- beiða eini fimm - seks fólk, metir hann. Eisini eru smiðjan hjá Tavsen og handilsvirkið hjá Niclasen. Umframt egning- arskúrarnir. Oljugoymsla er eisini, og har koma tanga- bilarnir at fylla á. So alt í alt er bara heilt fitt av lívi á havnarlagnum í Sørvági. Men tað krevur eisini nakað av kommununi, sigur Eivin Jacobsen. Umstøð- urnar skulu alla tíðina vera at byggja nakað virksemi á. Dekki á bryggjuni er ikki allastaðni í nóg góðum standi, og tað má hjálpast uppá. Serliga ytri partur krevur ábøtur heilt skjótt. Um tað verður stoypt ella asfalterað, er ikki endaliga avgjørt enn, sigur borgar- stjórin. Heimari á havnalagnum, heimi við laksavirkið, er tó bøtt um. Har er dekkið stoypt, eins og træbrúgvin eisini er umvæld. Útróðurin Útróðurin er vaksin mun- andi í Sørvági í seinastuni, og fleiri og fleiri hava biðið um egningarpláss. –Tað var soleiðis, greiðir Eivin Jacobsen frá, at menn bóðu um loyvi at seta skúr- ar á sjálva bryggjuna. Men tað vildi bygdarráðið ikki. So okkurt annað mátti fáast til vega í staðin. Tað ber jú ikki bara til at nokta og einki eiga at bjóða ístaðin fyri, heldur hann. Sørvágs Kommuna fór tí undir at seta tann heimara skúrin, sum teir siga, so frægt í stand, at verast kundi í honum, og har hev- ur so verið egnt í vetur. Hetta er tó ikki nøkur var- andi loysn, og arbeitt verð- ur eisini við øðrum møgu- leikum, sigur Eivin Jacob- sen. Hann greiðir frá, at ætl- anir eru um at byggja nýggjar egningarskúrar. Men tað verður kortini ikki í hesum áirnum, at pengar verða til tað, sigur hann. Eingin endalig avger er tikin um hvat og hvussu, men hugt er at ymsum møguleikum. Og eitt, sum teimum dámar væl, sigur Eivin Jacobsen, er tað, teir hava gjørt í Skopun. Har eru sera snøggir og arbeiðs- ligir egningarskúrar gjørdir omanvert bryggjuna. So hvør veit um ikki okkurt, sum fer at líkjast væl tí, verður at síggja í Sørvági um ikki so langa tíð, heldur hann. Heilt við skerdan lut hava útróðrarbátarnir kortini ikki verið í Sørvági í ár. Til dømis hevur kommunan sett ein nýggjan krana á bryggjukantin, har bátarnir plaga at leggja upp, tá teir koma aftur av útróðri. Økt virksemi í Sørvági Tað er lív aftur á havnarlagnum í Sørvági. Útróðurin er góður, og virksemi annars er vaksandi. Aftan fyri bátin, sum avreiðir, er smiðjan hjá Tavsen. Og við síðuna av henni er ísvirkið, sum fer í gongd aftur fyrsta dagin. Umframt er eisini móttøka og bæði saltfiskahús og laksavirki, har væl av fólki arbeiðir Mynd: Edvard Joensen Nýggja Norræna verður latin Smyril Line tann 7. apríl, sum er tríggjar vikur seinni, enn higartil hevur verið ásett FERÐAVINNA Edvard Joensen Tey, sum ætla sær páskatúr til Danmarkar í ár, sleppa kortini við nýggj Norrønu. Hon kemur til Havnar sama dag, sum hon eftir upprunaligu ferðaætlanini skal sigla aftur til Danmarkar. Eftir væleydnaða roynd- artúrin hjá Nýggju Norrønu í seinatu viku, stendur nú greitt, at hon verður handað Smyril Line av Flender Werft í Lübeck tann 7. apríl. Hon fer beinleiðis til Føroya og verður í Havn tann 10. apríl, sum eisini er dagurin, tá hon eftir ferðaætlanini skal sigla til Danmarkar á síni fyrstu páskaferð. Smyril Line sigur í tíð- indaskrivi, at vikurnar eftir páskir, verður pláss gjørt í feðraætlnini fyri serstøkum framsýningartúrum í Føroyum, Hetlandi og Íslandi, har almenninguin fær høvi at vitja umborð og síggja nýggja skipið. Norrøna var tekniskan royndartúr í Eystrasalti í seinastu viku. Tekniska útgerðin og maskinútgerðin vóðru roynd. Eini hálvtannaðhundrað fólk vóru við skipinum hendan túrin, sigur Smyril Line. Tá siglt varð við fullari ferð, gekk Norrøna 22 míl. Norrøna tríggjar vikur seinkað C M Y K 3 2