týsdagur 11. mars 2003síða 2

2 Nr. 48 - 11. mars 2003 Nr. 48 - 11. mars 2003 3 Fyrstu búfólkini í eldrasambýlinum undir Kráarbrekku flyta væntandi inn týsdagin 18.03.Turið Zachariasen, vara- økisleiðari hjá Norð- oya heimarøkt er fyribils sett at taka sær av sambýlinum ELDRARØKT Solby A. Eliasen Klaksvík: Elsba Lutzen, økisleiðari hjá heimarøktini í Norðoyggjum sigur, at síðani tað varð avgjørt, at ongin leiðari skuldi setast til eldrasambýlið, hava tey fingið at vita, at tey skulu halda seg innan fyri gald- andi karmar á økinum. Og tað hava tey so gjørt og sett Turið Zachariassen sum leiðari fyri sambýlinum. – Tað er slettis ikki vist, at hon verður sitandi har, men á henda hátt vóna vit, at tann neyðuga samskipan- in og tann neyðugi kunn- leikin er á staðnum, sigur Elsba Lutzen. Tað er ein sannroynd, at tey flestu eldrasambýlini í dag í veruleikanum ikki liva upp til teirra heiti. Tað vil siga, at tey í teimum flestu førunum virka sum smá røktarheim, har bú- fólkið í veruleikanum ikki megnar at taka sær av sær sjálvum. Og tí heldur Elsba, at tað er alneyðugt at hava serstakar leiðarar, sum hava tann neyðuga kunn- leikan og ta neyðugu út- búgvingina til at fáa eitt tílíkt heim at virka sum best. Hon sigur, at verandi starvsfólk í flestu førum ikki hava tann neyðuga kunnleikan til at taka sær av búfólkunum, tí hesi ikki lúka treytirnar fyri at kunna búgva í einum sambýli. – Eitt sambýli er jú eitt kollektiv, har hugsanin upp- runaliga var, at tey, ið bú- leikast har, skulu klára seg sjálvi. Og so skulu starvs- fólkini virka á sama hátt sum heimarøktarar, men munurin er hann, at alt er á einum og sama staði, men støðan er bara ikki so, sigur økisleiðarin fyri Norðoya heimarøkt, sum varð tikin á bóli, tá landsstýrismaðurin í almannamálum, Páll á Reynatúgvu tók lýsingina eftir leiðara aftur á sinni og segði seg ikki vita, at nakað tílíkt var í umbúnað. – Vit høvdu arbeitt við hesum málinum í so langa tíð tá, at tað er ótrúligt, at hann ikki visti av tí, sigur Elsba Lutzen. Fyribils eru fólk sett í starv í eldrasambýlinum undir Kráarbrekku fyri at tað kann lata upp, men størvini verða lýst leys at søkja ein av fyrstu døgun- um. – Vit hava fingið eina serstakliga vánaliga byrjan við eldrasambýlinum, men nú er at vóna, at alt fer at ganga betur, sigur Elsba Lutzen at enda. Eldrasambýlið letur sum sagt upp týsdagin í næstu viku, og í hesum sambandi verður ein móttøka í sam- býlinum komandi sunnu- dag. 16 fólk fara at búgva í sambýlinum. Eldrasambýlið undir Kráarbrekku letur upp týsdagin Elsba Lutzen, økileiðari fyri Norðoya heimarøkt hevur sett varaleiðara sín, Turið Zachariassen sum leiðara í eldrasambýlinum undir Kráarbrekku Samgongusamstarvið verður í hesum døg- um tikið álvarsliga upp til eftirmetingar, sigur Høgni Hoydal í hesi samrøðuni, og tað tykist ógvuliga óvist, um samgong- uni er lív lagað. Formaður Tjóðveldis- floksins viðgongur í øllum førum, at støðan er óhaldbar. Hann sigur eisini, at hann nú sjálvur er farin inn í málið um landsantikvarin SAMRØÐA Ingi Rasmussen Tað ganga helst nakrir dagar, áðrenn fólk vita, um samgonguni er lív lagað. Landsstjórn, tingmann- ing og landsstýrisfólk hjá Tjóðveldisflokkinum hava alt vikuskiftið fundast um støðuna, sum kom í, eftir at løgmaður segði landsstýris- kvinnuna hjá flokkinum úr starvi. Enn hevur flokkurin ikki gjørt upp, um tað er vert at halda lív í samgonguni. Men tað er tað, sum flokk- urin viðger, sambært Høgna Hoydal, formanni Tjóðveldisfloksins. – Vit hava ikki gjørt nakra endaliga niðurstøðu enn. Vit skulu fyrsta hava nakrar fleiri fundir millum ting- og landsstýrismann- ing, og tá vit eru komin til eina niðurstøðu, so boða vit fyrst bæði løgmanni og samgongufeløgum frá, sig- ur Høgni Hoydal. Nær verður tað? – Tað er eitt sindur ilt at siga. Vit hava nógv mál á skránni bæði í dag, morgin og ovurmorgin, tá grund- lógarráðstevnan er, so tað kann gerast eitt sindur tep- urt við tíðini, og tí vil eg ikki seta nakra tíð á. Tað verður ikki í dag ella í mor- gin, sigur Høgni Hoydal. Alt tikið upp Tit fara undir grundlógar- ráðstevnuna við góðum treysti. Tað ljóðar, sum samgongan heldur fram? – Tað kunnu vit onki siga um. Tað, sum vit hava við- gjørt, er ikki eitt einstakt mál. Vit viðgera samgongu- samstarvið sum heild. Øll tey politisku málini, hvussu gongdin hevur verið í teim- um, hvussu útlitini eru fyri framman, og sjálvandi sam- starvsformarnir, sum hava verið, og hátturin, sum ar- beitt hevur verið eftir, sigur Høgni Hoydal. Tit umhugsa altso álvars- liga at siga samgongusam- starvið upp? – Vit eftirmeta samstarv- ið álvarsliga. Tað kanst tú siga. Hava tit so viðgjørt, hvør skal gerast landsstýrismað- ur við mentamálum fyri Annlis Bjarkhamar? – Nei, vit hava onga støðu tikið í tí málinum, tí vit vilja fyrsta avklára hetta við samgonguni. Tað er ongin meining í at velja ein nýggjan landsstýrismann, um vit ikki velja at halda fram, sigur Høgni Hoydal. Hetta er ikki tann fyrsta kreppan í samgonguni, og nú tekur eisini tíð hjá tykkum at gera støðuna upp. Eru tit bangin fyri at missa ávirkan og vald í Tjóðveldisflokkinum? – Tað haldi eg als ikki, at til ber at siga. Tá hetta nú stingur seg upp, so er tað ikki orsakað av einum máli, men eini røð av málum. Vit sita rætt og slætt og eftir- meta, hvørji útlit eru fyri hesum samstarvinum. Vit hava havt góðar fundir, har vit hava viðgjørt alla gongdina frá 1998 og fram- eftir. Hvat hendi, tá fólka- atkvøðan varð avlýst? Hvar stendur fullveldismálið og onnur mál, sum vit hava sett okkum fyri? Vit hava gjøgnumgingið alla polit- isku støðuna og sjálvt trú- virðið á alla ta politisku skipanina, sigur Høgni Hoydal. Er trúvirðið hjá politisku skipanini um at vera uppbrúkt? – Eg vil ikki gera nakra endaliga niðurstøðu, áðr- enn hon er gjørd. Tað vil eg hava høvi at siga á røttum stað fyrst, sum eg plagi at siga. Inn í málið Nú ert tú so virkandi lands- stýrismaður við mentamál- um og hevur so í øllum før- um nú fingið høvi til at fáa fult innlit í málið um setan av landsantikvari. – Tað høvið nýti eg eisini. Eg siti beint nú í menta- málastýrinum og hava júst biðið um at fingið alt mál- ið, sum eg fari at seta meg inn í. Her eru nógvir lutir í málinum, sum eg noyðist at seta meg inn í. Eg skal eis- ini svara brøvum frá Magistarafelagnum og øðr- um, sum er komið, so eg fari inn í málið nú. Hevur tú sæð nakað higartil, sum staðfestir, at avgerðin hjá løgmanni var »óanstendig«, sum tú tókst til? – Tað var tað undir øllum umstøðum. Eg reageraði upp á sjálva handfaringina hjá løgmanni frá byrjan av, har ivi varð sáddur um landsstýrismannin beinan- vegin. Tað var jú tað, sum gjørdi málið eyka trupult. Og í øðrum lagi, at hann ikki segði tað beinleiðis við okkum, so vit fingu høvi at viðgera tað, men segði tað, meðan eg var av landinum. Í samanbering við øll onnur mál, so haldi eg framvegis tað sama. Og eg kann leggja afturat, at mín virð- ing fyri Annlis Bjarkhamar bara er økt fyri tann mátan, hon takklaði hetta málið. Hon setti ikki seg sjálva í fokus, men tosaði um polit- isku útlitini, sigur Høgni Hoydal. Kemur tað upp á tal at ógilda setanina av lands- antikvarinum? – Nú seti eg meg inn í málið, og so geri eg eisini mína niðurstøðu um tað. Leitar eftir leka Málið um setanina av landsantikvarinum hevur verið lagt út sum eitt stríð millum embætisfólk í mentamálastýrinum og politikaran. Og Annlis Bjarkhamar segði eisini, at hon fór at finna ein leka í skipanini. Er tað nakað, sum tú fert at gera nakað við? – Tað fari eg sjálvandi at fylgja upp. Tað ber eisini til at síggja uttan at kenna alt málið, at her (í mentamála- ráðnum, blðm.) er okkurt ravruskandi galið við tagn- arskylduni við tí mátanum, sum alt hetta málið er við- gjørt alment. Og tað er ótrúliga óheppið fyri allar umsøkjararnar, at teir hava verið viðgjørdir persónliga í fjølmiðlunum, sigur Høgni Hoydal. Hevur hetta málið við landsantikvarinum skatt flokkin? – Tað vil eg ikki gera nakra meting um, men tað er greitt, at tá eitt mál av hesum slag hevur rumblað so nógv í fjølmiðlunum og er vorðið eitt politiskt ping- pong millum flokkar, tá er tað óhaldbart. At mál fáa slíka viðgerð er ótrúliga keðiligt fyri alla ta politisku skipanina. Samgongan á skafottinum C M Y K 3 2