fríggjadagur 4. apríl 2003síða 12

Nr. 66 - 4. apríl 2003 23 Umhugsa at fyrireika tvey róðrarøkir Tað kom ikki sørt óvart á strandingar og skálamenn, tá ið tað leygardagin var greitt, at teir skulu verða vertir fyri FM kappróðri á øðrum hvørjum ári KAPPRÓÐUR Jóannes Hansen Teir høvdu bjóðað seg fram, men teir tordu ikki at rokna við, at tað skuldi eydnast teimum at vinna rættin at vera vertir fyri FM stevnum í kappróðri. Men hetta var júst tað, sum strandingar og skálamenn saman við hinum aðalfund- ar luttakarunum vóru vitni til gjørdist veruleiki leygar- dagin, tá ið Róðrarsam- bandið hevði aðalfund og m. a. gjørdi av, hvør skal verða vertur fyri sjeyndu FM stevnuni. – Vit høvdu tosað við onkur onnur feløg, men vit roknaðu fyri vist við, at Eystanstevnan fór at fáa rættin at skipa fyri FM róðri á hvørjum ári. Tað hevði prátið og skrivingin frammanundan bent á, heldur Anfnn Gærdum, sum er formaður í róðrar- felagnum Stráluni á Strondum. Saman við Stranda Ítróttarfelag, Skála Ítróttarfelag og Skála Róðr- arfelag høvdu Anfinn Gærdum og Strálan bjóðað seg fram at skipa fyri FM kapping, og tað tók aðal- fundurin undir við, at teir skulu gera. Fundurin sam- tykti, at FM kapping skal annað hvørt ár vera á vest- ara armi á Skálafjørðinum, og annað hvørt ár verður hon í Vestmanna. Hava tit gjørt tykkum greitt, hvussu tit fara at leggja róðurin til rættis? – Hetta er púra nýtt. Tað er greitt, at vit hava ikki nógva tíð at leggja til rættis í. Kappingin verður hjá okkum í ár. Upprunaliga var ætlanin, at hetta skuldi verða avgjørt undan árs- skiftinum, og nú eru vit komin tríggjar mánaðir inn í nýggja árið. Tí er neyðugt at fara undir fyrireikingar- nar beinanvegin. Eitt tað fyrsta verður at heita á Matrikulstovuna um at máta okkum málið upp, sigur Anfinn Gærdum. Hvussu ætla tit at leggja málið? – Skálamenn og vit hava hugsað okkum, at enda málið skal vera á Hulki. Har er veðurgott, har er gott at koma hjá trailarnum, sum koma við bátunum, og har eru góðar umstøður hjá áskoðarunum. Vit hava møguleikar bæði at rógva inn ímóti Hulki og at rógva úteftir fjørðinum. Vit hava tosað um at máta bæði málini upp. So hava vit møguleika at rógva tað málið, sum líkindini eru betri á, sigur Anfinn Gærd- um. Hann dugir ikki at siga neyvt, hvar málini verða, men hann roknar við, at uttara 2000 metra málið verður umleið á ferjuleguni á Strondum, og at innara 2000 metra málið verður Innan Glyvur. Rættulig stevna Higartil hevur Skála havt eina bygdastevnu við kapp- róðri stutt undan norðoyar- stevnuni, meðan Strendur hevur havt sína bygdar- stevnu seinni á sumrinum. Teir hava roynt at skipa fyri kappróðri, men áhugin hev- ur ikki verið serliga stórur at taka lut. Nú tað er samtykt, at Skála og Strendur í felag skulu skipa fyri FM kapp- róðrarstevnu, verður neyð- ugt við umskipingum, sum teir ikki enn hava tosað um. – Hesum fara vit at finna út av í felag. Á Skála er ítróttarhøll og fótbóltsvøll- ur, og vit hava bygdarhús. Harvið eru góðir karmar um tiltøk, sum vanliga plaga at vera á sovornum stevnum. Takið hjá okkum verður at finna út av,hvussu vit skulu fáa bestu nyttuna burtur úr karmunum, held- ur Anfinn Gærdum. Strandingar fara aftur í ár at luttaka við 6–mannafar- inum Stráluni, men bara við monnum. Skálamenn hava ikki tikið lut í kapp- róðri tey seinastu árini. Hvussu tað verður við Skálabátinum og Bliki í ár er ikki greitt enn. Á Skála høvdu tey als ikki roknað við, at tað skuldi fella teimuFM finalan fyri pør Komandi sunnudag, hin 6. apríl, fer Fimleikafelagið Støkk av Glyvrum at hava framsýning í KÍ- høllini FIMLEIKUR Tíðindaskriv Støkk hevði í fjør eina sera væleydnaða framsýning í Klaksvík, sum varð væl móttikin av norðoyingum. Tað er gomul siðvenja at Støkk fer til Klaksvíkar at vísa síni kynstur. Henda siðvenja hevur verið gloymd í nøkur ár, men nú er ætlanin at taka leistin uppaftur. Við á framsýningini verða umleið 160 fimleikarar hjá Støkk. Fimleikurin, sum verður sýndur fram, er sera fjølbroyttur; frá vanligum liðum til reiðskapsfimleik á høgum støði og rútmisk úrvalslið. Umframt hetta verða tvey gestalið frá Klaksvíkar Fimleikafelag við á framsýningini. Tey eru 3. fl. gentur og 4. fl. gentur. Meðan framsýningin er, verður páskareggjatombola í ítróttarhøllini til frama fyri Støkk. Framsýningin byrjar sunnudagin kl. 15:30 og varðar umleið hálvan- annan tíma. Fimleikararnir hjá Støkk eru sera spentir at koma til Klaksvíkar at gera fimleik, og vóna tey, at øll fimleika- áhugað í norðoyggjum møta fjølment til framsýn- ing í KÍ-høllini komandi sunnudag kl. 15:30. Bogi Simonsen ger viðmerkingar til spælið, sum hann sjálvur var partur av S/allir 842 J1086 J104 K85 K97 AJ53 A2 K74 Q862 AK93 A964 J10 Q106 Q953 75 Q732 S V N E Allan Bogi D. Simon Christ- sen iansen sen 1kl pass 1rú pass 2rú pass 3hj 1) pass 4kl 2) pass 4sp 3) pass 5rú 4) pass 6rú pass pass pass 1) Trelde, spyr um makk- arin hevur kontrol í hjartara, tvs. ess, kong, renonce ella singleton. 2) Hevur kontrol í hjartara og 2 ess. 3) Spyr eftir einum ikki áður vístum kontrolli í spaðara. 4) Hevur ein ikki vístan kontrol í spaðara og trumf frúgv. Spælið er frá einum lið- kappingarkvøldi hjá Bridgedeild Kaggans. Allan opnaði við einum kleyvara, eg meldaði ein rútara. Allan meldaði 2 rútarar, eitt frálíkt meld, ið ikki var meldað av nøkrum øðrum, standard meldið er nokk 1ut. Eg kom so at spæla 6 rútarar, kanska eitt sindur hart, men so sanni- liga ikki uttan møguleikar. Útspælið var rútara 7, ið eg tók heima, síðan spældi eg kleyvara drong, sum norðan tók við konginum, hann spældi trumf aftur. Eg vann stikkið á borðinum, spældi hjartara ess og kong og ein lítlan hjartara til trumf. Nú tók eg tann síðsta trumfin hjá mótpartinum og spældi kleyvara 10, sum áttu. Síðani tók eg tann síðsta trumfin, sunnan legði uttan at blunka spað- ara 6 !!. Eg spældi so spað- ara til kongin og tók fyri kleyvara ess, sum staðfesti, at sunnan helt kleyvaranum við frúnni. Skuldi eg nú spæla uppá, at sunnan eisini hevði spaðara frúgv, og tískil ikki megnar at halda bæði kleyvara og spaðara (skvis), ella skuldi eg spæla uppá, at spaðara frúgv sat hjá norðan og kundi klípast. Eg valdi at spæla uppá fyrra møgu- leika og tók fyri spaðara ess, sum tók frúnna við sær. 12 stikk. Komandi vikuskifti verða føroyameist- ararnir fyri pør í bridge funnir BRIDGE Bogi Simonsen Hetta hendir, tá ið finalan verður leikt í Bridgehús- inum í Havn. Kappingin byrjar leygarmorgunin kl 10:00. Í finaluni luttaka 20 pør, ið hava tryggjað sær sæti í finaluni via hálvfinaluna, sum varð leikt fyri einum góðum mánaða síðan. Í finaluni skulu spælast 76 spøl, 19 umfør á 4 spøl. Tey 20 pøruni, sum lut- taka í finaluni eru: Bogi Simonsen — Rói á Rógvu Joensen Carl Mikkelsen — Egil Helmsdal Magni Jøkladal — Robert Langgaard Oddmar Danielsen — Einar Ellingsgaard Jákup Hjaltalin — Fríðhild Petersen Petur Annfinn Johanne- sen — Eilif Petersen Atli Hansen — Jógvan Ranghamar Eyðun Jakobsen — Jana Mikkelsen Per Kallsberg — Dánjal Pauli Mohr Eyðun Jensen — Niels Nielsen Árni Dam — Marner Joensen Salomon Johansen — Zakaris Joensen Símin Lassaberg — Eyðun Anthoniussen Heðin Mouritsen — Jóannes Mouritsen Henriette Svenstrup — Jóna Grunnveit Edmund Joensen — Dia Petersen Arnbjørn Sivertsen — Hans Jacob Petersen Hallberg Arnfríðsson – Kaj Alstrup — Helgi Joensen – Eyðun Joensen Arnleyg Mikkelsen – Marjun Restorff FM finalan fyri pør Støkk-framsýning í Klaksvík Eitt spæl úr Kagganum 23 22 Nr. 66 - 4. apríl 2003 Uttan at spæla, fekk VB mikukvøldið meistaraheitið til høldar, tá Stjørnan vann á nú fyrrverandi meistarunum í Vest- manna FØROYAMEISTARAR Jákup Mørk - Hatta var nemt. Tað vóru fyrstu orðini frá Boga Mortensen, sum er formaður í hondbóltsdeild- ini hjá VB, tá vit hós- morgunin ringdu til hansara við einum tillukku fyri nýkomna meistaraheitið. Uttan at spæla hevði VB soleiðis ognað sær gullið, men tað var so als ikki nakað, sum tey í Vági roknaðu við mikudagin. - Hvørt mikukvøld hava vit í hondbóltsnevndini fund, og soleiðis var eisini hesaferð. Ta einu ferðina ringdu vit so líka norður til Vestmanna fyri at vita, hvussu støðan var. Sagt varð, at Stjørnan tá var á odda við tveimum málum, og so gjørdist tað av álvara spennandi. Uppringirnar norðureftir gjørdust alt títtari, og hóast tað var javnt, so var støðan alla tíðina tann rætta, og tú kanst ætla, at tíðindini ferðaðust skjótt, sigur Bogi. Fólk komu vestur í høll- ina, og tá alt so var leyst og liðugt, var klárt til gull- haldið. Leikararnir á lið- num vóru sjálvandi eisini komnar vestur, og hesar vórðu lempaðar upp í ein lastbil, sum við floytuni í botn koyrdi bygdina á tamb, meðan long bilarøð koyrdi aftanfyri. Meistara- heitið skuldi markerast, og eftir at tað soleiðis mundi vera allari bygdini greitt, at gulið var komið til høldar, varð farið út aftur til høll- ina, har borð í skundi vórðu riggað til, soleiðis at ein litil veitsla kundi haldast fyri leikarunum, sum nú loksins høvdu nátt máli sínum. Og tað er neyvan at taka munnin ov fullan, tá sagt verður, at júst Bogi Mort- ensen mundi vera ein hin fegnasti av øllum, nú alt var greitt. Sum formaður í hond- bóltsdeildini hjá VB hevur hann í skjótt fleiri ár stríðst fyri at fáa liðið upp á ovastu rók, og sum venjari hevur hann eisini verið heilt nær við. Ikki minst ta ferðina, tá tríggir finaludystir og brotskastkapping máttu til, áðrenn Neistin ognaði sær gullið. Og tá vit spurdu hann um hetta, duldi Bogi heldur ikki yvir, at kenslan var stór. - Hetta er heilt fantast- iskt. Sum tú sjálvur sigur, so havi eg verið við sum bæði venjari, formaður og ikki minst sum pápi, maður og svágur nú í nógv ár. Vónirnar hava ofta verið stórar, og onkun tíð hevur verið heilt tætt, men tað er so ikki fyrr enn nú, at tað er eydnast, og tað er ein ótrú- lig kensla. Og ikki minst unni eg konuni hetta. Hon hevur nú spælt á besta liðnum í 22 ár, so hetta eigur hon so væl og virði- liga uppiborið. Og at tað skuldi eydnast júst í ár, kann eisini tykjast heldur løgið. Undan kapp- ingini vóru boðini, at VB nóg illa fekk mannað lið. Burtur vóru Sólrun Kross- lá, Guðrunli Lágabø, Gurið Mortensen, Christina Holm, og Rannvá Au- gustinussen, og tí var málið í fyrstu atløgu sett nakað væl lægri, enn tað annars hevur verið seinnu árini. Seinni eru Gurið og Rann- vá so komnar afturí aftur, men tað sá ikki serliga ljóst út. - Tað hevur tú rætt í, heldur Bogi. - Her stóð ikki alt ov væl til við fólki, men tað hevur kortini rigga alla tíðina. Kanska var tað eisini ein fyrimunur, at tað gekk long tíð, áðrenn vit vórðu rokn- aði millum favorittarnar. Einki trýst av nøkrum slag varð lagt á leikararnar, soleiðis at tær kundu spæla púrasta frítt og bara taka ein dyst í senn. Tað er so avgjørt nakað, sum hevur hjálpt til. - Til stuttleikar kann eg nevna, at tá vit í oktober mánaði vunnu fyrsta heimadystin á VÍF, vóru einastu viðmerkingarnar úr Vestmanna, at nú máttu vit njóta hesa løtuna, sum vit vóru á odda. Tey vóru vís í, at hetta bara var upplop hjá okkum, men hevur so víst seg at verða nakað væl meira enn tað, sigur ein ikki sørt errin formaður. Um orsøkirnar til gullið í aðrar mátar heldur Bogi, at tær hava verið fleiri. Tað er tó einki at ivast í, at sálarliga hevur liðið verið nógv sterkari í ár, soleiðis at tær alla tíðina hava klárað at koppa teimum jøvnu dystunum til egnan fyrimun. Ein eginleiki, sum liðið í stóran mun hevur saknað seinnu árini. - Tað er í øllum førum ein týðandi orsøk, og partvíst hongur tað eisini saman við, at vónirnar vóru so lítlar undan árinum. Men eg haldi eisini, at leikar- arnir eiga stóran rós uppi- borið fyri hetta. Tær hava alla tíðina tikið ein dyst í senn og hava hvørja ferð trúð upp á møguleikan fyri sigrinum, og so hvørt sum hesir eru blivnir fleiri í tali, er støðan bara batnað. - Og so er tað eisini so, at kemi’in á liðnum skal vera hin rætta. Ikki minst her hjá okkum, har vit hava tríggjar útlendskar leikarar, tríggjar leikarar búsitandi í Havn og so restina her suðuri, skal nakað serligt til. Tað hevur bara víst seg, at samanset- ingin av leikarum hevur verið júst tann rætta, - Skal eg taka nakran framum, so má tað tó vera venjarin hjá okkum, Aiva- ras Daugis. Hann hevur verið ein fantastiskur per- sónur at arbeiða saman við. Nú hava vit bæði í hond- og fótbólti havt nógvar leik- arar her suðuri, og tó at vit hava havt góðar royndir av teimum flestu, so er Aivaras nakað fyri seg. Óvanliga avbalanseraður sum persónur, og so er hann eisini ein knallandi dugnaligur venjari, sum hevur verið sera miðvísur í bæði venjing og dystum. Hann hevur alla tíðina lagt dent á at fáa spælið at ganga skjótt, og nú í seinnu helvt hevur hetta so avgjørt verið avgerandi. Eg haldi ikki, at nakað av hinum lið- unum í dag megnar at spæla eins skjótt, sum vit gera. Og áðrenn vit heilt enda samrøðuna, so vil Bogi eisini lata eina heilsan til trúgvu áskoðararnar hjá vágbingum. - Teir hava verið eina- standandi. Eitt er, at vit hava havt góðan stuðul til heimadystirnar hjá okkum, men teir hava so sanniliga eisini stuðla aðrastaðni, tá tørvurin hevur verið størst- ur. Har vóru nógvir vág- bingar í Havn, tá vit leiktu steypafinaluna, og bæði í Vestmanna og Klaksvík vóru nógv fólk við okkum. Tað haldi eg sigur nakað um stuðulin, sum tey hava givið okkum, og hetta eiga tey stóra tøkk fyri. - So er bara at vóna, at tað kann bera til at fáa gullið handað nú komandi sunnudag, tá vit spæla seinasta heimadystin, held- ur enn at fáa tað í Runavík á seinasta leikdegi. Tað haldi eg í øllum førum, at áskoðararnir hava uppi- borið, men vit so vita, hvat HSF sigur til tað, sigur Bogi Mortensen at enda, áðrenn hann av álvara fór undir dagin, sum uttan iva man vera ein hin huga- ligasti í tíðarskeiðinum sum formaður fyri hondbóltin í Vági. VB eru meistarar Fagnaðurin var stórur, tá VB fyrr í ár varð steypavinnari, og nú greipan er komin til høldar, er lagið ikki minni gott. Eisini hóast hetta seinasta varð staðfest, uttan at VB yvir høvur spældi C M Y K 22