leygardagur 12. apríl 2003síða 19

Nr. 72 - 12. apríl 2003 37 10 Sosialurin Nr. 72 -12. apríl 2003 Nú lembingin næstan er byrjað har heima, og páskaliljurnar allarhelst fara at hyggja sær undan fyrsta dagin, liggur Boston enn undir í kava. Í fjør summar, áðrenn leiðin gekk yvir Atlantshavið minnist eg, at eg fekk ávaringar um, at veðrið ikki altíð er av tí besta í Boston, men sum føroyingur tekur man ikki tílíkt so tungt. Vit eru von við lúnafullar veðurgudar, og tað mann ikki vera nógv, ið er verri enn gerandisveður í Føroyum. Men nú eitt ár skjótt er farið, havi eg sanniliga lært, hvat meint var við. At tað vóru 35 hitastig hin dagin eg trein úr flogfarinum er eitt, men hesir síðstu mánaðirnir hava sanniliga sett heimabundnu húgvuna á eina roynd. 20-25 kuldastig hava ikki verið óvanlig, og enn eru vit ikki komin upp um gylta markið millum kulda- og hita- stig. Mars mánaði hálvgum lovaði okkum, at nú var tað heilt skjótt, tað lá líkasum í luftini, at við einum sindri av tolsemi fór at vera sloppið, men enn hevur tað so verið ov tíðliga at goymt vetrarklæðini burtur fyri hesuferð. Eg leitaði mær suðureftir í nakrar dagar nú herfyri... gamaní var tað ikki tann langi teinurin, men tað gjørdi allan munin kortini. New York má vera ein býur í einari ligu fyri seg sjálvan. Lívið í New York hevur altíð gingið sína heilt egnu gongd. Hóast ein hevur hoyrt um og sæð býin óteljandi ferðir í filmum, skilir ein hann ikki, fyrr enn ein hevur upplivað hann; og sjálvt tá eru nógv, ið standa spyrjandi. Longu á veg inn í býin byrjar ein at kenna ymiskt aftur - Brooklyn bridge, háhúsini á Manhattan, Times Square. Men tað, ið situr eftir er ikki, hvussu risastórt alt er, men meira sjálvt lívið, ið dagliga gongur sína gongd í býnum. Manhattan tykist at draga fólk úr øllum ættum, ið liva við adrenalini í blóðinum, og sum stórtrívast í øllum rokinum. Newyorkbúgvar tykjast flyta seg skjótari enn nakað annað fólk á klótini. Ongin leggur fingrarnar ímillum, øll hava eina meining um alt, og øll mugu tey royna at klára seg sum frægast millum hinar 8 milliónirnar. Men hóast New York býur og hansara innføddu eftir øllum at døma seta eina æru í ikki at lata seg ávirka av nøkrum uttanifrá, so sluppu vit heldur ikki heilt undan krígnum her. At síggja alvápnaðar hermenn og politistar við skarptløddum riflum á øðrum hvørjum gøtuhorni var satt at siga eitt sindur ræðandi. Trygdartiltøk kann eg venja meg við, at tøma lummarnar fyri smápening hvørja ferð eg skal inn á eitt bókasavn ella eina stjórnarskrivstovu fyri at sleppa undan "BIIP BIIP BIIP" verður skjótt gerandiskostur, men alvápnaðar menn í gøtunum trúgvi eg neyvan eg nakrantíð fari at ganga framvið uttan at blunka. Hóast kríggið er veru- leiki, tykist tað innast inni at vera ein veruleiki, ið onkur annar hevur at dragast við. Tað eigur líkasum ikki at nerva gerandisdagin her yviri stórvegis, men trygdartiltøkini siga nakað annað. Lungnasjúkan SARS hevur eisini givið amerikumonnum okkurt annað at hugsa um í hesum krígstíðum. Í fjølmiðl- unum megnar hon meira enn so at stjala nøkur sekund her og ein minutt har frá frásagnunum úr Irak. Higartil eru yvir 100 "møguligir" tilburðir staðfestir í USA, og í Boston eru 6 fólk vorðin sjúk. Hóast sagt verður, at vandin fyri at vera smittaður er ovurhonds lítil, eru serliga kinesisku økini í stórbýunum í USA, "Chinatown", farin at merkja avleiðingarnar av sjúk- uni. Ikki so, at fólk eru farin at leggjast sjúk í stórum tali, men ymsar leysasøgur hava gingið um at fleiri tilburðir eru stað- festir í Chinatown í Boston og í New York, og hetta ávirkar handilslívið. Hesi økini, har kinesarar og onnur fólk úr landssynningsásiu búleikast, hava eitt heldur sermerkt handilslív, ið møguliga minnir um heimlondini í Asia. Nógvar mat-stovur, gøtusølumenn á gongubreytunum, og uttandura- marknaðir við alskyns vøru, grønmeti, fiski, og flogfenaði, geva eitt serliga dynamiskt umhvørvi, og hetta hevur eisini gjørt økini til stór ferða- vinnuøki. Nú óttin fyri SARS eisini er farin at gera um seg her í ávísan mun hevur vinnan í Chinatown fingið eitt skot fyri bógvin. Apotekini hava úr at gera við at selja maskur og ymiskar vørur at styrkja immunverjuna, men flest aðrir handlar í økinum liggja tómir. Fólk, ið búgva í økinum halda seg við hús, og tey, ið búgva uttanfyri halda seg burtur og eru farin aðrastaðni at eta og at keypa inn. Tað tykist, sum hevur longdi veturin fingið ein symbolskan týdning. Nú fara vit skjótt at ótolnast eftir ljósari tíðum, bæði so og so. Mót ljósari tíðum? TELDUBRÆVIÐ Frá: Bartal N. Poulsen, Boston, bartal@mit.edu Til: turid@sosialurin.fo Evni: Vikuskifti Bjarni Mohr, útvarpsmaður Kemur tú úr einum heimi við ljóðføri? – Nei. Spælir tú nakað ljóðføri? – Nei. Syngur tú undir brúsuni? – Nei, men eg plagi at royna at floyta, men tað er nokk so torført við øllum vatninum Hevur tú nakrantíð droymt um at gerast tónleikari? – Nei. Hvat hevur tónleikur at siga fyri teg? – Nógv. Hvussu nógvar fløgur/plátur/ bond eigur tú? – Tað er torført at siga. Fyri einum 3-4 árum síðani vóru nakrar 400 fløgur í savninum, men eg havi ikki talt tær síðani. Hvat er tín yndisfløga? – »This Is My Trouth, Tell Me Yours« hjá Manic Street Preachers. Hvørja fløgu hevði tú ikki viljað átt, um tú so fekst pengar afturfyri? – »Greatest Hits« hjá Eilert Pilarm (ein av teimum mongu, sum roynir at liva lívið hjá Elvis umaftur). Hvør sangur skuldi ongantíð verið skrivaður? – »På stormfulle hav« hjá Venneslattrioen. Hvat er tann pínligasta plátan, sum tú eigur? – Tað eru fleiri pínligar, men eg kann ikki seta navn á, hvør tann mest pínliga er. Hvønn sang hevði tú valt, um tú skuldi sungið karaoke? – »Fagra Blóma« hjá Pól F. Hvat er tann besti tónleikurin til eitt hugnaligt kvøld? – Tað veldst um, hvussu lagið er júst ta einstøku løtuna, men Sting plagar at virka. Hvønn tónleik vilt tú helst hoyra sunnumorgun? – Creed ella Metallica (HART frá). Hvør tónleikur fær teg í ringt lag? – Kvøðuljómaslagararnir. Hvør sangur kann fáa teg út á dansigólvið? – »Disco Inferno« hjá The Trammps. Hvat er tann fyrsti sangurin, sum tú minnist teg dáma? – »Moonlight Shadow« hjá Maggie Reilly/Mike Oldfield. Hvør sangur skal spælast til tína jarðarferð? – »Nærri mín Guð til tín«. Hvat er tann besta konsertin, sum tú hevur verið til? – Bjørn Afzelius á Jazzfesti- valinum í Norðurlandahúsinum, august í 1990. Hvønn tónleikara hevði tú viljað hitt? – John Williams, sum millum annað hevur gjørt tónleik til »Schindlers List« og »Star Wars«. Heilsøla & Maskinur O.K. HEILSØLA & MASKINUR FO-430 Hvalvík Handilin á Kajuni Annars hava vit eisini: Amboð - Ellutir - Termo Ketildraktir Sjónvarp - Video - Ymiskar lampur STØKK INN Á GÓLVIÐ OG SÍGGJ OKKARA STÒR ÚRVAL TILBOÐ TILBOÐ Í viku 15-16 ALLAR LEIKUR -15% Skógvar -30% (ikki trygdarskógvar) PÁSKA ÚTSØLAN hjá Berg Motors er byrjað BERG MOTORS Staravegur 1-3 • Tel. 31 35 35 • Fax 31 77 35 Nøkur dømi MAZDA 323 fyrr 162.700 142.700,- AVSLÁTTUR 20.000 Prísur nú MAZDA 626 Diesel fyrr 235.700 215.700,- AVSLÁTTUR 20.000 Prísur nú MAZDA 323 GLX 1,6 v/ aircon. fyrr 201.700 176.700,- AVSLÁTTUR 25.000 Prísur nú MAZDA MPV 7 persónar fyrr 254.700 229.700,- AVSLÁTTUR 25.000 Prísur nú MAZDA B2500 4x4 Diesel v/ baksetur fyrr 281.700 251.700,- AVSLÁTTUR 30.000 Prísur nú MAZDA PREMACY LX Diesel fyrr 218.700 183.700,- AVSLÁTTUR 35.000 Prísur nú Annars verða allir nýggir Mazda bilar seldir við kr. 10.000 í avsláttri til páskar Páska- útsølan hjá Berg Motors fevnir eisini um brúktar bilar Avsláttur upp til 30.000,- Vegna útlendskar seljarar, hava vit hesar hekkutrolarar til sølu FST 323 FST 324 Slag : Frystitrolari Slag : Frystitrolari Bygdur : 1988 í Danmark Bygdur : 1988 í Danmark Klassi : DNV +1A1 , 1B Klassi : DNV +1A1 , 1B Tonnaga : BT 209 NT 62 Tonnaga : 120 BT Stødd : 23.9 m loa x 7.14 m br. Stødd : 22.21m loa x 7.20 m br Hv.maskina : 850 HK Man B& W Hv.maskina : 875 Caterpillar Trolspøl : 2 x 12 tons Trolspøl : 2 x 12 tons Lastarúmd : 90 cbm Lastarúmd : 50 cbm Skipini eru í sera góðum standi. FST 332 Slag : Frystitrolari Bygdur : 1988, Noregi Klassi : DNV + 1A1 Tonnaga : BT 631 NT 189 Stødd : 38.45 m loa x 9.60 m br. x 4.43 d Hv.maskina :Wartsila Vasa 1320 HK Trolspøl : 2 x 19 ts Brattvåg Nærri upplýsingar fáast við at venda sær til : Niels Finsensgøta 23 · Box 1252 · FO 110 Tórshavn Tlf. 31 85 31 · Fax. 31 93 69 · e-mail: torship@post.olivant.fo www.torship.fo Vit hava annars stórt úrval av skipum til sølu. C M Y K 37 36