týsdagur 1. apríl 2003síða 12

22 23 Gøtumenn ætla í ár at spæla eitt nýtt lið saman, sum kann mynda felagið næstu árini. Fleiri av profilunum frá í fjør eru burtur, og tí fáa nýggir mans kjansin EYÐUN KLAKSTEIN Nú er gingin fleiri ár, síðani GÍ vann landskappingina í fótbólti, men gøtumenn hava øll árini síð- ani gulltíðina í 90'unum staðið seg væl. Og hóast teir stundum hava ver- ið undirmettir, hevur tað ikki nervað felagið, sum ár eftir ár hevur spælt seg til plaseringar so ovarliga, at tað hevur givið pláss í kappingum hjá UEFA. Í ár stílar GÍ aftur eftir einum plássi millum fýra tey fremstu feløgini í landinum, men sam- stundis sum ávís ítróttarlig úrslit skulu røkkast, skal GÍ eisini spæla eitt nýtt lið saman, sum skal mynda felagið næstu árini. Pólski venjarin hjá GÍ, Krzys- ztof Popczynski, er í vetur farin undir hesa uppgávu, og hann hev- ur kravt nógv av teimum spælar- unum, sum ætla sær at vera við. Teir hava vant fleiri ferðir um vikuna, venjingin hevur verið hørð, og disiplinin skal vera í lagi. – Hetta kappingárið skal brúk- ast til at leggja eitt gott grundalag fyri komandi árini hjá GÍ. Tað eru nógvir evnaríkir spælarar í felag- num, men trupulleikin í fyrstu syftu er, at vit hava ikki nóg nógv- ar royndar spælarar, og tað kann gerast ein vansi, sigur Krzystof. Færri royndir Teir av stuðulsspælarunum hjá GÍ hava ikki verið við higartil í ár. Magni Jarnskor, sum hevur verið ímyndin av GÍ-andanum, hevur latið gaggurnar standa á hillini, og eisini tann nakað yngri Sámal Joensen hevur boðað frá, at hann ikki verður við. Harafturat er Súni Fríði Johannesen farin úr felag- num. Hesir báðir hava verið sentralir spælarar á GÍ-liðnum í nógv ár, og tí verður saknur í royndunum, sum teir hava fingið gjøgnum heimligar og altjóða dystir. Men umstøðurnar gera so, at aðrir spælarar fáa størri ábyrgd, og tað er á tann hátt, at teir skulu menna seg sum spælarar. – Tú kanst siga, at fleiri av spælarunum á GÍ-liðnum hava lítlar og ongar royndir, men tað kemst so av, at aðrir spælarar hava verið á liðnum hini árini. Nú sleppa fleiri av hesum rættiliga at royna seg, og tað fer uttan iva at menna teir, sigur Krzysztof Pop- czynski. Men tað eru framvegis spælarar á liðnum, sum hava vunnið sær royndir í nógvum heimligum og altjóða dystum. Spælarar sum Bartal Eliasen, Súni Olsen, Zdzi- slaw Janik, Leivur Hansen, Poul Ennigarð og Krzyztof Popczynski sjálvur koma at vera millum stuðulsspælararnar í ár, og tað eru góðir spælarar Neyvan gull Kappingarárið í fjør var hampu- ligt. GÍ endaði á fjórða plássi í landskappingini, og hetta gav 11. atgongumerkið til europeiskan fótbólt. Tað nervaði liðið nakað, at álopsparið Krzyztof Popczynski og Súni Fríði Johannesen vóru darvaðir av skaðum fittan part av árinum, men GÍ sigldi nøkun- lunda millum skerini og kom upp á 32 stig fyri teir 18 dystirnar. – Í ár koma vit neyvan at verða við í stríðnum um gullið, men málið er at gera tað so gott, sum vit kunnu við nýggja liðnum. Vit skulu royna at spæla góðan fót- bólt, og so stíla vit eftir einum plássi millum fýra tey fremstu, sigur Krzyztof Popczynski. Gøtu Ítróttarfelag Stovnað: 29.10.1926 FO-510 Gøtu, Postrúm 4 Tlf. 412024/Fax 442024 Formaður: Jógvan Gregersen Meistarar (6): 1983, 1987, 1993, 1994, 1995, 1996 Steypavinnarar (5): 1983, 1985, 1996, 1997, 2000 Greipuvinnarar (2): 1983, 1996 Í 1. Deild (23 ár): 1980- Í Europa (10): Meistarakapping 1997/98, Steypavinnarar 1998/99, UEFA Cup 1993/94, 1994/95, 1995/96, 1996/97, 1999/00, 2000/01, 2001/02, 2002/03 Málverjar Hallur Hansen 16/-24 (0-0) Jacek Przbylski (PÓL) Mortan Joensen 2/-5 (0-0) Verja Bartal Eliasen 14/3 (6-0) 4/0 ÍF Poul Ennigarð 13/0 (2-0) 1/0 Leivur Hansen 18/0 (1-0) Anton Skoradal Jónreid Dalheim 5/0 (0-0) Poul Andrias Jacobsen Kaj Ennigarð 2/0 (0-0) Poul Arni Jacobsen Bjarni Justinussen Miðvøllur Hans Pauli Petersen 16/2 (4-0) Zdzislaw Janik (PÓL) 17/2 (4-0) Bárður á Lakjuni 7/0 (1-0) ÍF, KÍ Súni Olsen 14/5 (5-0) 6/1 Símun Samuelsen Høgni Madsen 1/0 (0-0) Símun Louis Jacobsen Hanus Jacobsen Áslakur R. Petersen 10/1 (4-0) ÍF Álop Magnus Skoralíð 12/0 (0-0) Krysztof Popczynski (PÓL) 12/2 (1-0) VB Páll Rói Poulsen 3/0 (0-0) Per Jacobsen Tilgongd Jacek Przbylski (PÓL) Pólland Símun Samuelsen 3/0 (0-0) VB Frágongd Magni Jarnskor 15/1 (6-1) Givin Sámal Joensen 15/9 (2-1) Givin Henning Jarnskor 3/0 (3-0) Uttanlands Poul Henning Jacobsen 1/0 (1-0) Givin Súni Fríði Johannesen 17/7 (0-0) B68 Jóan Petur Olsen 14/0 (0-0) Givin Venjari Krysztof Popczynski (PÓL) – Vit hava tað gott í Føroy- um, men vit sakna veðrið í Póllandi, sigur Krzysztof Popczynski, sum saman við familju síni hevur búð í Føroyum í sløk fimm ár. Hann heldur, at hann hev- ur framvegis nógv at læra sum venjari EYÐUN KLAKSTEIN Tað er langur teinur úr pólska bý- num Krakow til eina bygd í Eyst- uroynni. Og teinurin gerst ikki styttri, tá ið fleiri millumlendingar skulu gerast kring Europa. Hóast hetta hevur Krzysztof Popczynski funnið leiðina til Gøtu, og har skal hann vera spæl- andi venjari komandi árið. – Eg havi havt møguleikan at sleppa til HB, B36 og KÍ, men GÍ er ein góð avbjóðing fyri meg í løtuni. Eg eti við eini lítlari skeið, og mær dámar at taka smá fet. Men fetini skulu vera frameftir, og her í Gøtu havi eg møguleika at menna meg sum venjari, sam- stundis sum avbjóðingin at byggja eitt nýtt lið upp er spennandi, sig- ur Krzysztof. – Umstøðurnar í Gøtu eru góð- ar, og tað sær áhugavert út við lið- num. Spælararnir vilja nakað, og tað er kapping um plássini. Har- afturat merki eg nógv størri áhuga frá fólkunum, sum sita í nevndini í felagnum, enn eg gjørdi í Vági móti endanum. Úr Póllandi til Svøríki Krzysztof byrjaði sína yrkisleið sum fótbóltsspælari í grannalag- num hjá Krakow, har hann vaks upp. Hann spældi sum blaðungur í einum 5. deildarfelagi í Póllandi, áðrenn hann í 1987 fekk sín fyrsta sáttmála. Tað var við eitt 3. deild- arfelag, og 18 ára gamli spælarin sá stóran møguleika í hesum. Tvey ár seinni flutti hann aftur til Krakow at spæla, men hesaferð var tað við 2. deildarfelagnum í býnum, og teir fluttu upp í 1. deild. Krzysztof spældi í pólsku 1. deild fram til 1994, tá ið hann fór til Svøríkis at spæla. Hann spældi í 1. deildarfelag- num Kiruna FF í eitt ár, áðrenn hann endaði aftur í Krakow. Millumlendi í Danmark Síðani spældi Krzysztof í eitt ár í Grikkalandi, og fór síðani til Dan- markar at royna seg. Hann spældi í Esbjerg í tvey ár, og her kom hann av fyrstan tíð í samband við ein føroying. Fyrrverandi lands- liðsspælarin Jan Allan Müller spældi eisini í Esbjerg um hetta mundið, og teir komu at kennast. Hetta hevði við sær samband við til Vágs, har Krzysztof kom at spæla og vera venjari á summri í 1998. – Sáttmálin í Esbjerg var úti, og teir vildu leingja sáttmálan við meg. Men eg hevði mist plássið á liðnum, og tí hevði eg hug at royna nakað nýtt. VB leitaði eftir einum spælandi venjara, og tað ljóðaði spennandi, greiðir hann frá. VB fekk gull Umstøðurnar í Føroyum var nak- rar heilt aðrar, enn hann var vanur við at spæla undir. – Tað var eitt stórt skifti at koma til Føroya, og á onkran hátt vóru umstøðurnar verri enn í 5. deild í Póllandi, sigur Krzysztof og sipar til, at langt frá allir spæl- ararnir, sum hann vandi, tóku fót- bóltsspælið í nóg stórum álvara. – Tað var sum at byrja av nýggjum í Vági. Nógvir spælarar spældu bara til stuttleika, og tú visti ongantíð, um tú hevði sjey ella fimtan spælarar til venjing. Men eg royndi at skapa meira professionellar umstøður, og eg haldi, at tað lønti seg, sigur hann og kann fegnast um, at hann førdi VB til fyrsta meistaraheitið í bestu mansdeildini. Tað var í 2000. Kroppurin ikki tann sami Í fjør fór Krzysztof Popczynski til Gøtu at spæla, og her skuldi hann ikki hugsa um venjarayrki, tí Jó- han Nielsen var venjari. Men kappingarárið í fjør gjørdist ikki til tað stóra, tí hann var plágaður av skaðum. – Eg fekk ein skaða tíðliga á árinum, og tað órógvaði mær stór- an part av kappingini. Eg elski at spæla fótbólt, men nú er tað trup- ult at spæla, tí kroppurin er ikki so væl fyri, sum hann plagdi at vera. Eg gevi tí harða vøllinum í Vági ein part av skuldini fyri tað, tí hann fer illa við knøunum. Tú merkir tað ikki beinanvegin, men tað kemur aftur um brekku seinni, heldur Krzysztof. Hóast hann nú er vorðin venjari í GÍ, ætlar hann sær eisini á vøllin at spæla. Hava tað gott í Føroyum Krzysztof Popczynski hevur nú búð í Føroyum í sløk fimm ár, og hann ætlar sær at verða verandi her í nøkur ár afturat, um tað letur seg gera. – Tað er stórur munur á Pól- landi og Føroyum, og fyri okkum er og verður Póllandi heimlandið. Har hava vit familju og vinir, so vit leingjast eitt sindur heim. Men hinvegin vil eg gjarna, at familjan fær meira støðug viðurskifti, tí vit hava ferðast sera nógv, sigur hann. Eldra dóttir hansara hevur ging- ið í skúla í Føroyum hesi fimm árini, og tí verður tað trupult at flyta heima til Póllands ella annað land at búgva nú. Yngra dóttirin skal í skúla nú, so Krzysztof Popczynski roknar við, at tey steðga í Føroyum í nøkur ár aftur- at. – Vit hava tað gott her. Vit hava hús og arbeiðið, men vit sakna veðrið í Póllandi, sigur hann. Leikarahópur Tølini, sum eru viðmerkt, siga, hvussu nógvar dystir/mál leikarin spældi/gjørdi fyri felagið í 2002, og hvussu nógv (gul-reyð) kort leikarin hevur fingið í sama tíðarskeiði. Navn Í fjør Landsdystir Áður spælt við Navn Í fjør Landsdystir Áður spælt við GÍ byggir nýtt lið upp Hetta kappingarárið skal brúkast til at leggja eitt gott grundarlag fyri komandi árini hjá GÍ. Mynd: Álvur Haraldsen Úr Krakow til Gøtu – Tað var eitt stórt skifti at koma til Føroya, og á onkran hátt vóru umstøðurnar verri enn í 5. deild í Póllandi, sigur Krzysztof og sipar til, at langt frá allir spælararnir, sum hann vandi, tóku fótbóltsspælið í nóg stórum álvara. Mynd: Eyðun Klakstein 2003 2003